بعد ما رجعت ماما من الحج بالسلامة وقعدنا مع الضياف لي داخل ولي خارج مدة اسبوع كامل وبعدها بدى يخف الضياف والتعب تاني وحكيت مع ماما مع حداثة الخدمة و كيف ماتوقعت قاتلي الخير عندنا علاه تعبي في روحك وليت قتلها تعرفي حلم بابا ويلزم ندير كل لي نقدر عليه حتى نحققو
بعد مده قدرت نقنعها حمدالله وسمعت بمسابقات قانونية راح تفتح وقررت نشارك فيهم لعل وعسى يكون الربح نصيبي في وحده منهم ........
في 23مارس افتتحت مسابقة المحضر القضائي وقدمت على المسابقة ودخلت للامتحان الشفاهي وسألوني أسئلة عادية حتى استغربت منها لانها ساهلة المادة 1 من القانون المدني شرحها
وأركان العقد في القانون المدني
وتقسيم التركة في علم المواريث كان شويا صعيب وغيرو وكملت بعد حوالي 40د وخرجت هزيت طاكسي ورجعت ولقيت ماما تستنى حكيتلها لي صار ورحت رقدت شويا حتى وقت الغداء ومن بعد تغديت وغسلت الماعن وتكيت وشديت برطابلي لقيت عماد باعثلي يطمن على أحوالي كيف كل مرة أما هالمرة سقساني على المسابقة تفاجات كيفاش عرف من بعد قالي راه وصل صاحبو قالو عندنا اليوم مسابقة وهو في لجنة المسابقة وقالي شفتك من بعيد تحكي مع بنات ايه قتلو دقيقة ماكنتش واقفة مع بنات ههههههه عرفتو قاعد يقصف كنت مع قروب تاع اولاد يسقسو فيا اصلا اول مرة نشوفهم كي ضحكت عجبو الحال قالي هذا لي هذا لي نحوس عليه هاك الضحكة لي نعشق فيها لي تنسيني في أهلى وديني مع اني منيش نشوف فيك اما متأكد راهي لافوسات لي عندك زادتك زين على زين يامومو العين حسيت السخانة طلعتلي مع انها غير ميساجات ومنيش نشوف فيه احمممم ايه قتلو منعرفهمش تلاقيتهم صدفة منعرف علاه قاعدة نوضحلو هالشيء استغربت منو لانو جامي وضحت ولا بررت أفعالي لحتى إنسان .
حتى قالي ايه اصلا كانو يقراو في جامعة البليدة وخنشلة !!!!!!؟؟؟؟؟ زدت استغربت عاد يخدم محقق زعما من بعد قالي مايروحش مخك بعيد سقسيت عليهم صاحبي لانو لي نشوفو يدور بمدامتي لازم نتحرى عليه ماحبيتش نجادلو وقصرت الكلام وقتلو تهلى عندي ما نقضي وسكرت الانترنت وحطيت برطابلي .
أنت تقرأ
أحبني أخ صديقتي
Romansaرواية رومانسية باللهجة الجزائرية انا اسمي سيرين من الجزائر عمري 24 سنة نقرأ 2 ماستر حقوق بابا طبيب واسمو أديب وماما أسمها رونق واخوتي وليد وسامي ورفيدة وملاك ونور الحلقة 1 نظت الصباح تدوشت وصليت ولبست حوايجي ورايحة للجامعة كيف كل يوم تلاقيت بعماد...
