أحبني أخ صديقتي

الحلقة 12

إستمرار عملية البحث

خرجنا وقتها كانت الساعة حوالي 11 بالليل والحالة باردة نوعا ما والطريق كامل عماد والشرطيين ساكتين مع اني كنت صح متقلقة على غياب أخي كنت تاني تعبانة علخر من كثرة ماتنقلنا من بلاصة لبلاصة وغفيت بلا مانفيق وقت تفتح كارو تاع السيارة حسيت بضربة برد هي لي فيقتني حليت عينيا نلقى روحي راقدةعلى كتف عماد تبسمتلو وانا مزلت ناعسة وكملت رقدت بصراحة من خلاف التعب والتوتر الا اني حسيت بنوع من الدفىء والراحة ماحسيتش بيهم قبل لأول مرة نعرف بلي صوتو مليح وقتها كان يجود في سورة إبراهيم قلبي حس بنوع من الطمأنينة رووعة
صرا موقف عرفت فيه عماد انه انسان غيور بطريقة رهيبة وقت لي حبس الشرطي حتى يطلع صديقو معانا كنت وقتها انا في المقعد الخلفي مكسلة رجليا ومغمضة عينيا فقت على واحد يفتح في الباب حليت عينيا وشفت زادة عماد هبط وقال للسيد اطلع القدام انا نطلع بجنب مدامتي ههههه خزرت فيه خزرة تاع واش تفضلت سي الشباب ضخكلي هذيك الضحكة يا دلالي تذوب الحجر وطلع جنبي شغل ماعمل والو وقفل الباب وحطلي راسي على كتفو وقالي ارقدي جيت راح نجبد روحي زاد عصرني قالي اسكتي لانقلبها ليلة دخلة تعجبت كل تصرف يصدمني بيه الصراحة سكتت ماحكيت والو
بعد حوالي ساعة فطنت وحبسنا بجنب مطعم قالي نوضي روحي لتوالات الى تحبي روحت ورجعت طلعت لقيتو جاي وهاز معاه ويشاورلي باه نفتح الباب حرت في هالكم الهايل لي جايبو معاه من بعد حطهملي في حجري قتلو واش قالي افتحي وشوفي نلقى عشقي ماستر شيبس كنديا شوكولا ميلكا بابلز وباتيسري وكوكاكولا وحاجات اخرى من الفرحة حضنتو ونسيت روحي يمكن لاني حبيت حضنو ومن بعد فقت لروحي وجيت نجبد زاد لزني ليه من بعد خرجني من حضنو حسيت السخانة طلعتلي حشمت هههههه وهو الفرحة مش سايعاتو مصدق مسكين كان يحلم يمسك ايدي برك عاد حاضني مرة وحدة ومن بعد رجعو حماه الوطن وطلعو فتحت شيبس وبديت ناكل الله غالب نحبها موت قالي هاتي شوي شفت فيه كي الصغار شوفة مانمدش من حقي هههه قالي نتمسخر مانكلهاش كولي بصحتك كليت حتى شبعت قتلو شكرا قالي انا بالكل ليك مش غير دراهمي وسمعنا حمحمه من القدام قالو صاحبو الشرطي احترم مشاعرنا يهديك ربي ياعماد قالو اصلا راني محترمها لحد الان مادامني مادرت والو ضربتو على صدرو قالي ريتها بوسة ولا ضربة اما حتى الضربة تفاح من الحب خذا راحتو المرخس