رحنه بعد شهرين للمدرسه نستلم الباج للامتحانات واني جنت فرحانه لان راح اشوفه طايرة اصلا رحنه اني وسراب
عمار :جايبات جناسي
سراب:لا محد كال
عمار يدير وجهه:مادري هذا طلب المديرة
اني طبعا ما احجي وياه ولا انزل نفسي اله:امشي سراب نروح لبيت عمتي هنانه نتصل على اهلنه من عندها ويجيبون الجناسي رحنه اني وياها واتصلنه ورجعنه ننتضر بالمدرسه اني مكاني المفضل احب اوكف يم السياج الخشبي والنافورة يخبل منضر بالمدرسه وهو يصير كبالي مباشرة يعني كل شوي اباوع اشوفه يياوع الي بعد ساعه اجه اخوي جاب جانسينه واخذناهن طلعت المديرة ما طالبتهن عرفت عاد هو هيج سوة حتى نرجع ويعذبنه اني وسراب شاد ويانه لان ما ننطي وجه😌
اب11الصبح صارت طلعنه مشيت شوي بعيد عن المدرسه نداريت شفته طلع ورانه ويباوع ردينه البيت واني فرحانه كللش وكتبت الصار بدفتر مذكراتي بس بجيت حيل واختي تحاول تهديني ما تكدر ضليت التهي بالقرايه والامتحانات واريد انسه على اساس دزتلي خبر سراب بعد كم اسبوع من استلام الباج كالت اكو باج ثاني نروح نستلمه رحت وياها واني ماريد اروح لان متأكدة راح انقهر وبس واجي رحنه العصر المدرسه مسدودة افترينه بالسوك ورجعنه انفتحت دخلنه ننتضر المديرة تجي واني رغم تفكيري انو انساه بس ارجع وافكر بي من جديد مادري شنو هالمشاعر المبعثرة بداخلي اجه بس اني نطيته ضهري ولا خليته يشوفني شايل طفلة وياه گلت اكيد هاي بنته ميران طلع بساع ما طول لان الطفلة جانت تبجي گلت خل استلم الباج واطلع عود اشوفه براحتي هسه مو حلو لان مستعجلة دخلت وطولت بالأدارة وادعي يارب مايروح لما اطلع وطلعت لگيته ماكو رايح تخبلت مادري شنو صارلي حتى حجي ما احجي ويه سراب وبوقتها هواي سألتني اشياء بس اني ما ارد بس امشي وياها وما احس بشي بس هو في بالي 😢😭
رجعت البيت ضليت ابجي يم اختي بس هي تفهمني بس مرات تكلي عوفيه اذا هيج مسبب الج الاذية خلص
اتمنى بس صعب مو سهل اعوفه والله مو سهل 😱😱
واجت الامتحانات وامتحنت بغير مدرستي وصرت كئيبة وما احجي ويه احد سراب ويه صديقاتها بعد الامتحان تروح للسوك هاي يومية واني صديقاتي عافني من زمان ونونه حبيبتي انقلت من صرنه سادس بس ماتعرف قصتي 😥
المهم اضل اني انتضر لما يجن من السوك حتى نروح للبيت وسراب وڤيان يروحن لمدرستنه ياخذن بنت عمي ترجع ويانه وهم اضل انتضر😣
ونرجع البيت كلش ضايجه هاي يوميه وقبل امتحان الاخير اجت سراب عليه اني كاعدة بالسيارة انتضر:يولي تعالي هذاك واكف هناك الحب مالتج خطية شفتج ضايجة وكلت اصيح الج تشوفيه
اني من يمي فزيت:لعد شلون تكولن يتغير الحارس ويه الامتحانات الوزاريه
سراب :اي ماكو قبل من جنت اروح بس اليوم موجود رحت وياها ودخلت عادي ولا عبالك ما موجود شافني هيج كام يستغفر😝😝😝
