ما كلت للبنات گلت بالبداية خل اشوف شنو يصير وافاجئهن مرة وحدة احسن اليوم ابد ما نزل التلفون من ايدي كل شوي يحجي وياي ويسولفلي عنه اكثر😚😚😚😚😚 عمار :مثل ما تعرفون اني متزوج زوجة اخويه الشهيد واكيد مو مثل اي شاب ماتزوجت على ذوقي والبنت الي اختاريتها لا جان القدر راسملي بنت عمي الي هي زوجة اخويه سبحان الله كل ماريد اتقرب الها تجي صورة اخويه على بالي جان غالي كلش عندي وقريب الي حييل مو سهلة اجي انام بغرفته وبصف زوجته بعد هيج جنت افكر بس هسه تعودت عليها وهي تعودت عليه يعني ثنينه تقبلنه الوضع وبالنسبة للبنات الصغار من زمان هنه متعلقات بيه قبل استشهاد ابوهم لانو جان يروح للقتال اكثر من ثلاثين يوم يله يجي وهم كم يوم يبقة ويرجع اكيد يتعودن عليه ميرو الجبيرة تصيحلي بابا وذيج الصغيرة مل تحجي لسه كل هذا سولفته لجمانه عني وعن عائلتي وشلون عايش وزينب كلتلها خليها عليه اني افهمها الموضوع بطريقتي واكيد اذا هي وافقت اهلي راح يوافقون لان الكل يعرف شلون تزوجت مو مقتنع جنت واني متأكد زينب موافقة😊😊😊😊 سولفت وياه للفجر وما نمل ابد من بعض بس اكو شغلة زعجتني منه :عمار مرة ثانية لا تتصل خطية بلكي سمعت زينب مو تنقهر عمار :جمانه لا تزهكيني وتعكرين مزاجي شجابها هسه بالنص حبيبتي واريد اسمع صوتج شالمشكله يعني رديت عليه:بلي اكو مشكله هسه ليش مستعجل سولفلهم الموضوع بالاول وشوف ردهم وبعدين يصير خير عمار:يعني شلون اله اخطبج يلا اكدر اخابرج بحريتي رديت :اي عمار:اوك بس ماراح انتضر هواي الصبح بس يطلع افتح وياهم الموضوع كلتله:شنو ما تتحمل😆😆😆 عمار:اي والله ما اتحمل ع الاقل بالمدرسه جنت اسمع صوتج لمن تسولفين ويه البنات هاي صار سنه انتي غايبة عن عيني صدكيني حتى المدرسه كرهتها لان انتي مو بيها اني صح فرحت بكلامه بس تذكرت البنات هناك هواي والي يسولف وياهن ع الانستا وغير برامج ضجت حيل:ليش كل هذا عندك بنات هواي احله مني باوع الهن لما تشبع وراسلهن ع الانستا اذا تريد عمار:شنو هالحجي هذا الا تنرفزيني يعني وبعدين شدراج اني عندي انستا واحجي وياهن رديت :عمار انت سويتها وحجيت وياي من حسابات اخوك على اساس واحد ثاني واني قبلك سويتها وحجيت وياك ع الانستا بدون ما تعرفني انت وحجيت وياك فترة بس انت حضرتني لان ما رضيت تخابرني تذكر والله اليعلم كم وحدة مثلي هيج حاضرها بسبب هذا الموضوع ولحد هسه اتذكر وانقهر واكول ياخوفي هسه هم كاعد تضحك عليه وكل تعبي يروح هيج عمار:اي صحيح اتذكر بس اني طلبت منج اخابرج حتى اعرف انتي ولد لو بنت اكو هواي يضحكون ع الناس بصفة بنات او شباب وادري مراح تقتنعين صح مرات اخابر بنات بس كلتلج هسه ومن ابتعدتي عني تركت كلشي حتى حساباتي غيرتها كلها وبس الاهل يتابعوني واتابعهم واصدقائي والمعارف ماكو غربة صدكيني 😊😊😊😊😊😊 صدكتك ماشي عمار:باجر يجون النسوان عليكم اني جمدت بمكاني لمن كال هيج صح اني منتضرة هاللحضة بس خفت لا بابا يشك بيه او ماما عبالهم عندي علاقة بي من قبل او يفكرون بشي صاير بينه وهسه يعرفون انو بسببه رفضت هواي شباب صعبة شوي اشوفها بس اكيد هو مدبرها عمار:ها شو ساكته
ها لا بس مرتبكة من ردة فعل اهلي كاعد افكر شراح يسوون اذا اجيت تطلبني منهم
