نمت بهذاك اليوم الي اتصل بي واني متأكدة هو بس ليش مغير صوته وعله شنو اذا هو رجال صدك يعترفلي من البدايه مو صح لو لا 👊
ماكدرت انام بس غمضت وفتحت عيوني ضليت افكر صليت وحاولت انام ما كدرت شفت التلفون طلب ع الانستا وطلب ع المسنجر حجة وياي نفسه الشاب بس عرفت انه مو عمار لان صورة ع الانستا مو هو ارتاحيت شوي وحجيت وياه سولفلي قصتة حزينة يحب بنية وماتت وبعد سنتين استشهد اخوه واهله اصرو عليه يتزوج زوجة اخوه علمود بناته صغار خطية وحدة لساها بالشهور والثانية سنه ونص بس ثنينهن يحبنه من زمان مثل ابوهن بالضبط
واخوه واحد بالكلية واخته كبيرة ما متزوجه مخطوبة😁😊😊😊
وامه وابوه عايشين سويه
ضليت اسولف وياه للصبح ارتاحيت اله بس ما سولفت قصتي بس حياتي بالبيت العادية وضحكنه وهيج شي عادي يعني مثل البنات صديقاتي اعتبرته صديق واخ وفهمته هالشي وهو بعد هيج راد صداقة وبس 😉😉😉
نمت ب7 الصبح كعدت بعد اذان الضهر واكلت وحدي ماكو احد فتحت التلفون الفايبر كومه اتصالات ماما ودنوش وامير ولكيت رسايل همات لان اكيد ما سمعتهم من دگو باب غرفتي لان من انام نومي ثكيل كلش تاركيلي رسايل انو رايحين للسوك والطبيب دنوش اسنانها عدها موعد 😭😭😭😭يعني وحدي بقيت بابا كاعد بالاستقبال وسراج نايم حضرت غدة لبابا ورجعت لغرفتي حجيت ويه البنات وضلينه نضحك وعلاقتي بعد ايام زادت ويه الشخص المجهول الي اسمه حسب ما كال علي وصار الي مثل سراج وامير اخ ثالث واحس بي 😊😊😊😊
اجه الدوام واني طول الفترة المضت احجي وياه نقطع فترة وما شفته بعد اريد ادز اله ما اكدر طول صار اسبوعين فاتن وهو ماكو جان هواي يحاجيني باليوم كله تقريبا😭😭😭😭😭
نسيته لان هم اجت امتحانات وتعب وهوسه حتى مرات ما اشحن التلفون ويبقى يوم كامل مقفول والبنات بس بالجامعه احجي وياهن😥😥😥😥😥
ومرت اسابيع وشهور وامتحاناتي قريبة النهائية همات عفته التلفون غصب عني لان الامتحانات اهم بهواي بس كلش خايفة صايرله شي لعلي
خلصت الامتحانات والبنات ثنينهن يسالن عليه ليش متغيرة بس هنه يدرن عمار السبب وغيابة
بس زينب دائما تكول كلمات استغرب منها تكولي انو عمار قريب يعترفلج بس سراب تكول هاي تحجي من كيفها بس مرات تصير صدك
اني ما انتضرته بعد دزيت اله :مرحبا علي شخبارك وينك ليش ماكو صار مدةخير طمني
اكيد مارد عليه بس قبل لا انام لمن جنت ابجي اجاني اتصال حتى بدون ما اشوق الشاشة رديت :الو
ماكو رد واني متنرفزة:الو منو رد رجاءا
مارد:اهووو باي
المتصل:لحضة
اني لمن سمعت الصوت اجه لبالي عمار لان نفس صوته باوعت للشاشه نفس رقم علي
شسالفه:منو انت
عمار:اني علي اقصد اسمي المزيف علي اني
ماعرفت شلون ارد وارتبكت شنو اسم مزيف منو هذا:شوف ترى اني وثقت بيك من البداية ليش الجذب هسه ها شنو يعني اسم مزيف منو انت
عمار:اني صار سنين صابر عليها بسبب زوجة اخوية الي منعتني من كلشي حتى حياتي الخاصة بس اني حبيتها ليش ما اعترف وبعدين هي مبينه محافضة على حبي مثل ما تسولفلي زينب عنها والدليل انها طلبت مني اكون اخ وصديق مو شخص يتعرف
اني شفته مايرد :الووووو شلون يعني تكول منو لو اشتكي عليك شتريد انت
عمار :اني الي بالج والي تعبتي علمودة والي ما كدرتي تعترفيله والي تستحين منه والي هو بعد ما اهتم الج وتكبر عليج و ما فديوم اعترف الج بحبه
😭😭😭😭😭😭😭
بصراحه ماعرف شلون اوصف شعوري باللحضة الي حجه وياي بيها تخبلت وما احس بنفسي موجودة بالدنيا ولساني نعكد مرة وحدة معقولة عمار هو نفسه الي حجه وياي وتعلقت بي
عمار :حسيت نفسي ارتاحيت كلش وكلت لو معترف الها من قبل كلش سهل الموضوع طلع بس هي ما لكيت رد منها:جمانه انه احبج وما كدرت احجي وياج اول مرة حجيت من رقم اخوي وهو الي حجه وياج اصلا اني جنت يمه وهذني حساباته وصورة حتى لا تعرفيني لان اعرف انتي مثلي تكابرين على نفسج وهالمكابر بسببه لا سامح الله جان هسه خسرتج بس دست على كبريائي واتمنى تطلعين تستاهلين هذا الشي
اني بس ابجي ودموعي مغركه وجهي :احجي شي اريد اسمع صوتج
رديت كوة :عمار
عمار:يبعد روحي كولي
رديت:اني همات احبك شاهد الله بس والله مستحاي واخلاقي منعتني منك اوووف يربي متدري شكد تعبت بسببك
عمار:حتى اني تعبت كلش وحتى هواي اشياء جنت اسويها ابتعدت عنها
اني تذكرت انو هو يحاجي بنات هي هاي السوالف العافها:مثل شنو
عمار:البنات هواي جنت احجي ويه بنات ويومية بس لمن تعرفت عليج وخاصة هالفترة ما حبيت بعد هالسوالف وتركتها نهائي لحد هسة بس انتي في بالي
اني :وشدراني ما اني وحدة مثلهن
وتاليتي تضحك عليه
عمار :شسالفة ليش هيج تفكرين بيه راح اثبتلج هالشي وراح اتقدم واخطبج هيج راح تتأكدين
بذاك اليوم ماردت انام اصلا وضليت ابجي من الفرح ع السجادة وصليت لربي شكر واستخاريت اذا زين الي او اني مثل الباقيات بالنسبة اله بس الحمد لله ارتاحيت كلش وبس كعدت دنوش الصبح كلتلها كلشي بس اكمز وفرحانه وطايرة
