بلشت دوام كلية ادارة واقتصاد اني وبنت عمتي سراب وزينب راحت جغرافية بس بقت تتواصل ويانه ع التلفون مواقع التواصل وتزورنه ونزورها شفت الجامعه كلش حلوة حياة ثانية غير عن جو المدرسه زميلات جدد وراحة بس اني فضلت انو دائما يكونون زملائي بنات مو شباب مو انتقص منهم لا طبعا احترامي للكل بس اني وعدت نفسي لمن طلعت من مدرستي الاعدادية اخر مرة انو ما اتعرف على شاب غير عمار لو حتى مجرد زميل ما حبيت هالشي🙍
بس اكيد ما نسيته ولا غاب عن بالي بالعكس حبي اله يزيد كل يوم وكل لحضه حتى مرات بالمحاضرة اتذكرة وابتسم وادعيله ربي يحميه ويحفضة😭
ارجع البيت ب3الضهر اخلص شغلي وكل اموري واكعد ويه اختي الوحيدة صديقتي الغالية دنوش حبيبتي جاي تحضر لخطبتها خطبها زميلها بالجامعه محمد اخر سنه يله اعترف الها انو معجب بيها ويريدها زوجة اله بس هي فطيرة ترى طول المدة عبالها زميل وبس😁😁😁
كاعدين بغرفتي وحاطين الاكل بطبيعتها ما تاكل الا ارجع اني من الدوام بس اخواني ثنين سراج وامير وماما وبابا يتغدون سويه من 1الضهر
دنيا:ها جوجو شلونها الجامعه مو حلوة لو لا
بصراحه اني سمعتها من حجت وياي بس ما اعرف ليش ماريد ارد عادي هي تعودت عليه صرت خرسه من طلعت من المدرسه
هزتني بيدها :الووووو وين سارحه اسالج جاوبي شلونها الجامعه
رديت:حلوة
دنيا:والشباب البيها هم حلوين ما نعجبتي بواحد واحد نعجب بيج
اني اتنرفز من هالموضوع :لا طبعا مو حلوين واني ماريد لا انعجب بأحد ولا احد ينعجب بيه هالموضوع مسولفين بي ترى
دنيا:خلص لا تعصبين بس ماما وبابا ترى بلشو يزعلون منج هاي صار فوك العشر شباب تقدمو لخطبتج ورديتيهم كل واحد تطلعين بي ستين عيب بس حتى لحد يگلج ليش رفضتيه ترى راح تعنسين هنا😁
رديت عليها ببرود:لا حبيبتي ليش اعنس بعدني صغيره توني عشرين سنه😊
دنيا :واني هم هيج اكول حبي بس هسه الناس بعد ما تجيج لان هاي هيه عرفو انج اي شاب يجي ترفضيه ياربي عود كلهم فد شي مو ياهو الجان😡
خلص دنوش سدي هيج مواضيع اني زواج ما اتزوج غير عمار فاهمه حتى لو مو نصيبي
دنيا:وتضلين بدون رجال ولا اطفال معقوله ترى كل وحدة تتمنى تكون أم
😒😒😒
دنوش انتي مو حاسه واضح من سوالفج وياي لو حاسه ما تضلين هيج تسولفين وليش ما اتمنى اكون ام بلي اتمنى بس ابو اطفالي يكون عمار مو غيرة الشخص الي حبيته سنتين سنتين دنوش😩😥
دنيا:خلص حبيبي خلص يروحي اسفة والله بعد ما احجي هيج
اني ابتسمت الها :ها جوجو باجر عندج محاضرة اريدج وياي فدوة اروح للسوك
رديت الها:لا ماعندي ان شاء الله ليش لا اروح وياج
خلصنه اكلنه وگعدنه سويه نسولف شنو راح تاخذ ومنو تعزم ع الحفلة اني عزمت صديقاتي نونه وسراب وزينب وتوته 😊
صار المغرب بعد الصلاة طلعنه احنه وماما واموري نتمشه ماما شوي مبينه زعلانه وجهه ثكيل عليه بسبب رفضي للخطوبه المتكررة وحقها لان كل الي تقدمولي زين وضعهم من كل النواحي واكيد اي ام تريد الخير لعيالها🌸🌸🌸🌸
كملنه التجهيزات للحفلة وتمنيت لو اني وعمار مكانها هي ومحمد صارت الحفلة واجو المعازيم واني والبنات بس نصور اخذنه الواهس سنابات وصور بموبايل زينب وسراب لان اني تلفوتي طافي من الصبح ما شحنته عادي صديقتي وبنت عمتي خما ينشرنهن اني مطمنه 😊😊😊😊😊
لبست فستان قصير شوندري وضيگ للنص مغطي الركب وكعب عالي من نفس لون الفستان بس افتح وشعري فتحته وبس سويت حركات بي بسيطه ولبست اكسسوارات ناعمه وخليت مكياج لنفسي كلش مضبوط اخليه 😁
طلعت اخبل فديتني😘😘😘
زينب هواي اخذت صور وياي اكثر شي هي نبهتني امي منها كلتلها عادي هي اختي ومن زمان اعرفها ما تسوي شي يضرني ابد واني اثق بيها هواي
الحفلة تجنن بس اني ضجت بسبب النسوان كل شوي وحدة ساحبتني من ايدي يمها وتبوس بيه حتى مكياجي تخربط بسببهن ضجت كلش ادري بيهن ورة خطوبة اختي راح يجن نفسهن ويطلبني لاولادهن واني ارفض كالعادة مو تكبر ع الناس لا وربي بس قصتي تعرفوها😉😉😉😉
حقي مو لو لا
خلصت الحفلة ومثل ما توقعت اجو ناس لخطبتي بس ردي الهم واضح امي گامت تضوج من الموضوع قبل جانت تقنع بيه هسه ما حجت شي ابد ولا علقت عافت الموضوع الي بس ما ألومها لو حتى تزعل مني
مرت ايام اجت ايام وما اشوف غير حب عمار رغم بعدة يزيد ويزيد بكلبي وروحي ويسيطر عليه بالكامل
احاول التهي بالقرايه امتحانات نصف السنه قريبة كلش وبس كاعدة بالغرفة ودنوش التهت عني ويه خطيبها اربع وعشرين ساعه ونستني بس هم احسن الي امتحانات 😁😁😁😁
وصدك خلصت امتحانات والحمد لله مجاوبة 😊😊😊
كعدت بالبيت ما احب الطلعة مثل قبل مرت منها هواي وكضيتها بالبيت حتى البنات ما رحت عليهن يوم من الايام كاعدة بالليل وحدي بغرفتي ب12ساعه اتصل رقم غريب مو من طبعي ارد على الارقام الغريبة ضل يتصل ما ارد كلت خل ارد يمكن وحدة من البنات مغيرة رقمها اهلي كلهم نايمين وخواني فوك بغرفهم ودنوش بعد نايمه رديت وحسيت بنفس الوقت حسيت كلبي ضرب ضربة قوية:الو
المتصل:الو مرحبا
اني :انت منو وليش متصل بهذا الوقت
المتصل :لاتخافين مو غريب تعرفيني
اني:منو غير تكول اسمك
المتصل :مو هسه كلشي بوقته حلو
اني:شوف اني ما احب هالسوالف وابد ما ارد على الغريب بس عبالي وحدة من البنات متغير رقمها اخي بدون مشاكل توكل ع الله
المتصل:اسف نيتي صافية والله وراح تعرفين بعدين
اني:....
المتصل:الووو
اني:هلا موجودة بس ماعندي رد بصراحه اني راح اصبر عليك واشوفك شنو سالفتك يمكن اكدر اساعدك وتتوكل
المتصل:اوك يلا هسه ما اتصل بعد خاف اهلج ما يرضون نبقة ع المراسلة وهذا حسابي ع الانستا والمسنجر
اني:وانت شدراك اهلي ميرضون
المتصل:مو كتلج اعرفج باي
اني:الوووو الووو
منو هذا وشنو يريد واني بهاي الليلة عرفت انو صوته مالوف الي بس اكيد مغير الصوت😡😡😡😡😡
