#فصليتي_ولكن
للكاتبة زهراء الشويلي
خليت من العصارة لنطاني ياهة وضليت كاعدة لحد ماكملو وكلهة راحت نامت
نضفت الغرفة مال ضيوف
وهشام يقفل بالباب مالت البيتكملت من الغرفة غلقتهة وطلعت
رجعت للمطبخ لكيتة كاعد على الطاولةدخلت ردت اغلق الباب بس ترددت
كلت خاف مايقفلونة انداريت عليه سألتة " تقفلون الباب لو يضل مفتوح .ماجاوبني
كملت اخر شغلي بالمطبخ
واني اشوفة كام قفل باب المطبخ وصعد فوكصعدت وراه لكيت الغرفة ضلمة
دامشي للكنتور اريد اطلع ملابسي ورجلي طخت بشي بالكاعرفعتة جانت دشداشتة إلي انملت گهوة استغربت شعجب مارزلني عليهة
طلعت ملابسي ودخلت للحمام
سبحت وغسلتهة وية ملابسيبالبداية خفت اصعد فوك بس اذا ماأصعد ذني وين اشرهن
صعدت ركض شريتهن ونزلت
دخلت الغرفة وغلقت الباب بس ماقفلتة استحيتشوية وحسيت ببرودة الغرفة
لان جان مشغل تبريدكملت تمشيط شعري وحرت وين انام ، معقولة انام بصفة لا مستحيل
وكفت يم الجرباية وصفنت بوجهة
اريد اشوفة كاعد لو نايم ، بس ماشفت شي الغرفة جانت كلش ضلمةسحبت المخدة على الخفيف من جوة ايدة وخليتهة ع الكاع ونمت
البرد جان مو طبيعي حسيت دمي جمد حسيت نفسي نايمة بالقطب الجنوبي وبدون اي فراش
تذكرت البطاريق لتعيش هناك ونقهرت عليهن بس لمفروض هنة لينقهرن عليّ لان يكدرن يدفن روحهن
رغم البرد والتفكير نمت من كثر التعب
كعدت الصبح شفتة ديبدل
استحيت ورجعت نزلت راسي
كمل تبديل وحسيتة طلع من الغرفةجريت الغطة ولفيت نفسي ورجعت كملت نومتي
....................
كعدت صوت صياح جهال
وهوسة مالت العائلةرفعت راسي شفت الساعة ب 10 طفرت من مكاني وعزلت الغرفة وطلعت ركض
لكيتهم هستوهم كاعدين بس عمي وعمتي وهبة وجهالهة
لكيت مواعين بالمطبخ غسلتهن
شكلهم متريكين ،، ل 12 وكملت
كل شغليطلعت هبة تصيح تريدني انضف الحوش ، طلعت ركض نضفتة وية سارة وآية وطلعنة للحديقة بحجت نضفهة كعدنة نسولف
عرفت منهن انو محد ارتاحت من
اول يوم الهةسارة " اني والله استحيت اول مادخلت الغرفة ونمت على نفس فراشة ضليت كاعدة مستحية وخايفة بس هوَ شوية واندار ع الجهة الثانية انطاني ظهرة