و اهم شي بتضبط مواعيدها مع وقت انا بكون بصلي و تجي تنطط..
البيت بقى في حالة فوضى لغاية اول يوم في العيد...
طبعا الهدوم الجديدة و الحركات و المعايدة و اللف في الحلة م خليت بيت م دخلتو والله😂😂
ماجد لاقاني جمب بيتنا و اداني الورقة ..
قلت ليهو : اها دي جابها كيف؟!المكتبة و مقفلة
ماجد: والله جابا لي شافع
قلت ليهو : تمام
طبعا روحي ح تطلع لازم اغرف الشمار جريت غرفتي و فتحتها لقيتها:
" كل عام و انتي نعمة ادعي تبقى لي عمر و كل عام و ضحكتك تملا السماء،،
و كل عام و انتي وسط قلبي❤️"
ضحى: اهااا
قلت ليها: انا تعبت ياخ عاوزة اعرفو م ممكن ياخ..
سلمى: عندي فكرة جيبي دفتر خواطرك دا
فعلا مشيت جبت دفتري و بقت تفتش فيهو...بعد نص ساعة
سلمى : يلا اكتبي
شلت قلمي و ورقة..
" مللت من الكتابة ..!
-اريد صوتك❤️❤️"
قلت ليهم: تفتكرو ح يوافق؟!
سلمى: اي لي؟!
قلت ليهم : احتمال هو خجول ولا حاجة 🤷♀
ضحى: بطريقتو👋👋🙄
سلمى: دا شي م بخصنا والله🤷♀
قلت ليهم: لكن..
ضحى: لواية 😒
سلمى: (جرت لي نور..و مسكت يد ضحى ) ارح من هنا ي ضحى قبل اتجلط و اموت انا و ال في بطني دا😒😒
بقيت مشوشة ارسلها ولا اخليها ولا كيف.. غايتو في النهاية قلت برسلها..لمن المكتبة فتحت اديتها لي ماجد ..و بقيت مستنية الرد بي فارغ الصبر..
اسبوع م رد..و اول يوم في الاسبوع التاني لقيت رسالة غريبة شديد محتواها كان:
...........
#احببتك اكثر مما ينبغي ..
لكنك طبقت مقولة #كن-خائنا-تكن-اجمل..
صدقتك يوم قلت #فلتغفري..
فقد قبلت اعتذارك و قلت#انت-لي..
تمنيت اما ارى في حبك
#قواعد-العشق-الاربعون..
لكن لطالما كانت كلماتك لي #لا تبكي..
و اخرها كانت #غادرتك-فلا-تدبلي..
بعدك كان يلزمني#مئة -عام - من- العزلة..
لانسى حبك و لكن للاسف لم انسى..
كنت تقول#في -قلبي-انثى-عبرية..
تمنيت ساعتها انا نعيش معا بقية العمر في# ارض-زيكولا...
لكني نسيت ان#في-ديسمبر-تنتهي -الاحلام...
اتاسف على نفسي فكلما سالتني احدى قريباتي عن تغير مزاجي و شحوب وجهي اجيبها #لا تخبري- ماما ...
ارتديت الحداد على حبك فصار كل من يراني يقول لي #الاسود -يليق -بك..
و ها انا الان م زلت احاول مع لعبة #نسيان لعلني انسى..
......................................................
طبعا بقيت مستغربة دا شنو دا و م فاهمة اي حاجة..
ضحى: دي روايات..
قلت ليها: عارفة انها روايات لكن قريتها قبل كدة كلها ..
سلمى: احتمال عندو ليك رسالة معينة ..
عاينت للورقة و تاني قلت ليها: انو كان بحبني و انا خذلتو و بحاول ينساني ..
ضحى و سلمى: نحن م ح نفهما..الرسالة ليك انتي..و انتي ال بتعرفي و بتفهمي..
قعدت قريب تلاتة يوم و انا بحاول افهم الحاصل شنو..كنت بضرب لي ماجد و اشوف لو في اي جديد ..و ماف اي جديد 😔💔
فجاة اتذكرت مقطع من فيلم هندي اسمو"sanam teri kasam"
البطل كان خاتي ليها رسايب جوا الكتب. بالله اقرب توب و لفحتو😂😂و جيت جارية..
نوال: ي بت جارية وين؟!بي منظرك دا😳😳
سلمى:خليها ي خالتو
ضحى: عندها حاجات عاوزة تنتهي منها..
ركبت ركشة بي ٥٠ جنيه كدة قلبي اتقطع عديل كدة😂😂😂لمن وصلت جيت جارية سلمت على ماجد سريع سربع ..و مشيت شلت الرواية حقت
#احببتك-اكثر-مما-ينبغي
لقيت جواها ورقة مكتوب عليها..
" و ستظل سرا بين الورق و قلبي
يقرءونك سطرا و انت بداخلي رواية ❤️"
تاني مشيت لي
#كن-خائنا-تكن -اجمل
فتحتها لقيت ورقة ..
"اراك ملء جهات الارض منعكسة كانما هذه الدنيا مراياك ❤️✨"
مشيت للرواية التالتة
#فلتغفري
" ک الياسمين انتي بسيطة ..
رقيقة🎵❤️قلبك ليس للحزن حق فيه ،،ولا سبيل اليه✨"
طوالي اتجهت للبعديهو..
#انت-لي
" و هل لكي ان تحدثيني عن السر الذي يجعلني اطمئن بمجرد الندر مطولا لتفاصيل وجهك !✨❤️"
#قواعد-العشق-الاربعون..
"ما كنت اؤمن بالعيون و سحرها..
حتى دهتني في الهوى عيناك❤️"
#لا تبكي ..
"ليس من عادتي ان اظهر كل هذا الحب ..لكنك تستحقين..❤️✨"
#غادرتك-فلاتدبلي
"من اي نجم نسجت تلك العينان لتسرق قلبا تاب عن الحب..؟؟!"
#مئة -عام -من -العزلة
"كانك اية مقدسة ..
او غصن رقيق من الجنة ❤️"
#في -قلبي-انثى -عبرية
"لقد تربتي داخلي والان لا استطيع..ان اتجاوزك ❤️✨"
#ارض -زيكولا
"اغرسي يدك في يدي اعطني الحياة✨✨"
#في-ديسمبر-تنتهي -الاحلام...
"انتي جميلة ک..
شئ مقتبس من ملاذ الحياة❤️"
# لا -تخبري-ماما..
"احبك ي اجمل عطايا القدر✨❤️"
#الاسود-يليق-بك...
" لم تحن النهاية بعد ،لا تستسلمي الان✨"
# نسيان ...
و هنا كانت المفاجاة الكبرى بالنسبة لي و صراحة قلبي زاتو دقاتو بقت فوضوية و حاسة بيها في اضاني و عيني😂😂😂😂..
كان كاتب ورقة كبيرة ..
يتبع ...
