طلعت طبعا بعد محاضرات و لي تعملي كدة و خوفتيني عليك و شنو شوية شوية طلعوني من زهجتي و قعدنا نضحك😍..
لمن جينا ننوم لقيت مليون رسالة من سليم انو لي انا ح اخلي المكتبة و الحاصل شنو؟!
والله صراحة كدة قلت في نفسي انني من متين ي سماح بتستسلمي ..رسلت لي سليم..
قلت ليهو: اسفة على سوء التفاهم الحصل..ماف حاجة بس نفسيات..
سليم: خلاص تمام ..نتلاقى بكرة
قلت ليهو: ok لي بكرة..ودعتو و طلعت ..
رقدت نمت و انا مبسوطة طبعا حكيت لي ضحى و سلمى كل حاجة و حرشوني😂😂
صحيت الصباح شلت ورقة و كتبت فيها..
" لو انني استطيع اختيار من حولي ..لجعلت وجهك يميني و شمالي و امامي و خلفي❤️"....
اتظبطت و مرقت كنت لابسة اسكيرت اسود و قميص بالبني الفاتح 😍و طرحة كاروهات ابيض بي بني مع الجزمة البيضا كمان شغل زي الشغل ..و جريت ليك الكحل و عملت روج كبدي ❤️..
سلمى و ضحى فاتحين خشمهم مترين 😂😂..
سلمى : ي بت انتي كويسة ؟!
ضحى: عايني لخصي ماشة تلاقي منو سريع؟؟
قعدت اضحك 😂😂😂..
قلت ليها : لي قايلاني ضحى ولا حاجة 🙄
سلمى: الليلة وووووب امسك بالجبهة
ضحى: حيوانات الاتنين ..ماشة اشوف محمود انا
طبعا طلعت بدري في اليوم دا بدري شديد..و كنت قاصدة ..
سلمت عليهم و بقيت مارقة اصلا امي كانت ماشة لي صحبتها جمب المكتبة ف مرقت معاي..
ركبنا الركشة و هي بقت تتونس معاي..و انا كملت معاها الونسة ..وصلتها و كملت انا ..
الصدمة كانت لمن وصلت ..
ماجد كان ماسك ورقة في يدو و بيكتب ..هو كان مديني ضهرو ..اتسحبت و وقفت بعيد منو بي حبتين و بعاين في الكلام حفظتو في راسي ..و قلت معقولة يكون ماجد؟؟
مشيت الكافي جمب المكتبة ..و طلبت قهوة و قعدا اشرب و اسمع اغاني💕..و مخي يودي و يجيب ي ربي دا سليم و بيكذب ولا دا ماجد؟!
ولا احتمال ديل م هم الاتنين ياخ دا شنو الحاصل لي دا؟!
و اقسم لمن صدعت من التفكير ..زمني لمن جا طوالي مشيت المكتبة ..
ماجد: السلام عليكم ☺️
قلت ليهو: و عليكم السلام☺️
ماجد: هاك ..لقيتها في مكانك ..
قلت ليهو: امممم..عارف حاجة ي ماجد ..و شلتها منو!
ماجد: اها
قلت ليهو: تقريبا كدة عرفت الخواطر دي من موة؟!
ماجد: اهااا..
قلت ليهو: من سليم
ماجد:😂😂و لي يعني
قلت ليهو: م عارفة احساس ..
...........
ماجد: كويس انتي و احساسك دا😂😂😂👍
ابتسمت و دخلت لقيت سليم قاعد ..قعدت سلمت عليهو و فتحت الورقة ..كان محتواها..
" سابقيك سري الذي لا يعلم به احد❤️✨"
سليم : ي بت انتي اليومين ديل...
قلت ليهو(مقاطعة): سليم ..عايزة منك خدمة
سليم: عيوني ليك ❤️✨
طبعا الكلام ال قبيل ماجد كان بيكتب فيهو الصباح م نفس الكلام ال لقيتو في الورقة ..ف انا بقيت مشوشة شديد..و العسكرية تصرف و انا اتصرفت..
لمن جيت مارقة اديت الرسالة لي ماجد.. ودعتو و رجعت البيت ..طبعا باقي لي عيد الاضحى كم اسبوع عديتها ليك تنفيذ في الخطة مع سليم.. و بي جاي تجهيزات الهيد و الهدوم و ديل حوامل ..و سلمى ولادتها شبه قربت❤️
*يوم العيد*
لبست الهدوم الجديدة و جيت مارقة(م تستغربو لحدي هسي بفرح بالعيد..و هدوم العيد و الخروف 😂😂)
اصلا ماجد بقى شبه جزو من العيلة و صاحب اواب و محمود ف بقدر يجي عادي..
ف جانا و هو بسلم علي خت لي الورقة.. جريت طوالي فتحتها محتواها..
" انتي طفلتي ..و انا لقلبك اهل ✨
كل عام و انتي لي❤️✨"
والله لمن قريت و انتي لي دي اتبسطت بسطة ..طلعت و اصلا كنا عاملين ضبيحتنا فطور فطرنا و حركات...و الايام عدت لي بعد العيد نزلت المكتبة ولاقيت سليم..
قلت ليهو: اها
سليم: كلامك طلع صاح ..حسبت الخطوات و ياها زاتها
قلت ليهو: كنت حاسة
سليم: بس لي من بعيد ؟!
قلت ليهو: م دا المحيرني انا زاتي
سليم: صراحة بعد ال عملو دا..مفروض تحبي طوالي..
قلت ليهو: انا شوية عندي اعجاب بس كسرت الحنك ..
سليم: لي؟!
قلت ليهو: والله م عارفة حسيت حاجة غلط
سليم: 😂😂😂
ضحكت و قلت ليهو: اها الصور نظامها شنو؟!
سليم: كلو في التمام
قلت ليهو : خلاص لي بعدين رسلهم لي
سليم: اتفقنا
طلعت سلمت على ماجد و جريت جري البيت ..
* في الغرفة*
قلت ليهم: عرفتو منو ؟! المجهول
ضحى: اهاا
سلمى: قولي..
قلت ليهم: ي الله ياخ م اتوقعت نهائي😍بحب الوقت ال لاحظت فيهو ملامحه الطفولية ❤️بكبر دايما لكن انا بشوفو صغير☺️م عارفة لي..كاني بشوفو بي عيون امه💗اي عندو لحية و شنب مزينين وشو 😍لكن في عيونو في لمعا طفولية حلوة و ابتسامة بتحسسني بالطمانينة 💗
.....
سلمى: م تعذبيني منو ؟!
ضحى: يلا قبال ال في بطني دا يقع ..
قعدت اضحك😂😂و قلت ليهم: بكرة ح تعرفو ..
سلمى:😒انا ح انوم احسن لي م انجلط
ضحى: سوقيني معاك😒
غايتو قعدت اضحك😂😂شوية سرحت بقيت بتذكر في تفتصيلي مع ال زول دا كيف كانت..كيف اتلاقينا❤️...لمن نمت
*الصباح*
كان عندي اصلا فكرة في راسي . صحيت ادوشت و طلعت صليت❤️قريت مريم ❤️و دعيت ربي يوفقني في خططتي😂😂❤️لمن جا زمني لبست اسكيرت رمادي مع قميص اسود ..و طرحة سودا ❤️و اسبورت اسود ..شنطة بالرمادي..
و جيت مارقة غايتو ماف زول في البيت م شاغلني 😂😂ضحكوني ضحك😂😂
المهم لمن وصلت سلمت على ماجد
و قلت ليهو: ماف حاجة الليلة؟!
ماجد: ابدا
قلت ليهو: طيب رايك شنو بعدين نمشي الكافي سوا
ماجد:لي يعني ؟!
قلت ليهو: ساي..المرة الفاتت لمن مشيت شاغلوني ..و خفت بس انا بحب اشرب فيهو
ماجد: و لي م كلمتيني من البداية😒
قلت ليهو: م ركزت
ماجد: طيب
دخلت سلمت على سليم قعدنا قرينا شوية..و جيت ماشة ..
سليم: ماشة وين؟!
قلت ليهو: مارقة مع ماجد
سليم: ماجد؟؟
قلت ليهو: بس عندي موضوع معاو
سليم: تمام
طلعت مشينا الكافي و قعدنا ..
قلت لي ماجد: انت ي ماجد
ماجد: اهااا
قلت ليهو: انت متاكد انك م عارف ال زول ال بيكتب الخواطر دي؟!.
ماجد: ايوة💤
قلت ليهو: طيب ..لو قلت ليك اما عرفت الزول
ماجد: اممممم..
قلت ليهو: ماجد انا جادة .عرفت الزول دا منو ..
ماجد(ي دوب ركز معاي): اهااا ..منو ؟!
قلت ليهو: ماجد انا جادة..و تاني م جاية المكتبة
ماجد: كويس
قلت ليهو: و تاني م تجيب لي رسايلو ..
ماجد: لي ؟!!
قلت ليهو: كدة ..هو م عايز يتكلم معاي وش لي وش..يبقى خلاص..و ح اغير مكتبتي زاتو
ماجد: خلاص كويس..و سليم
قلت ليهو: سليم عارف برضو
ماجد: تمام ..
قعدنا شربنا حاجاتنا و مشيت رجعت ..قعدت مع ناس سلمى لانو خلاص ح يمشو يقعدو مع اهلهم وريتهم و دعناهم و مشو ..
يتبع ....
