الولد : و عليكم السلام😊
قلت ليهو: بين قصرين هو الجزء الاول من ثلاثية نجيب محفوظ الشهرة ،و التي تشكل القاهرة احداثها و منطقة خصيصا المسرح الاساسي و الوحيد لاحداثها تحكي الرواية قصة اسرة من الطبقة الوسطى تعيش في حي شعبي من احياء القاهرة في فترة م قبل و اثناء ثورة١٩١٩ ...يحكمها اب متزمت ذو شخصية قوية هو السيد احمد عبد الجواد .
الولد وقف على حيلو و مد لي يدو ...
الولد: سليم معتز عبد التواب 😍من اول م كنت بجر معاك في الكتاب داير اتعرف عليك..
قات ليهو: تمام
ولا هظرت طوالي جريا كرسيني طوالي و قعدت ..و دقيناها ليك حلاة ونسة لمن شاكلونا 😂😂و طردونا من المكتبة ..لمن جيت مارقة سلمت على ماجد و مشيت ركبت ركشة و هو بي عربيتو و مشينا الكافي و قعدنا تمينا ونستنا ..يعني اتعرفنا على بعض من ناحية العائلة و كدة ..و هو حكى لي عن حياتو و شنو شوية قلبناها نكات و شنو..في نص ونستنا تلفوني اتصل لقيتو اواب عاينت للساعة لقيتها اربعة..
قلت ليهو: دقيقة بس ..
سليم: وقتك معاك❤️
رديت
قلت: الو ايوة ي اواب
اواب: وين انتي؟!اتاخرتي
قلت ليهو: خلاص قربت من البيت
اواب: خلاص تمام
قلت ليهو: عن اذنك بعد كدة اتاخرت انا😂😂
سليم : خلاص بكرة ح تجي المكتبة
قلت ليهو: اكيد دي حياتي ❤️
سليم : خلاصok نتلاقى بكرة
و دعتو و مرقت والله حسيت بالنصر عديل..حسيت اني قربت من المجهول..
وصلت البيت لقيتو فاير و سارة منكوشة و وسخانة و امي و خالتي م عملو اي اكل قاعدين يتونسو..
طبعا احساس اوووووف..دخلت ادوشت طلعت صليت و مسكت سارة هجرت ليها شعرها و حميتها و جبتها لي امها..
قلت ليها: كدة النضافة 😒
سلمى: الله حبيبة ماما انتي ❤️يلا قولي لي خالتو شكرا
سارة: سووووكرا ❤️.
قعدت اضحك😂😂قلت ليها: عفوا حبيبتي❤️و اديتها بوسة و طوالي قبلت على سلمى
قلت ليها:و انتي قومي اتحركي خلي عاملة لي حامل و عاطلة عن العمل بتك دي ابقي حني عليها..
سلمى : والله م قادرة ياخ😩
قلت ليها: خلاص خليتك ،،وينها التانية كمان؟!
سلمى: هديك تخلط ساي مع محمود ،،شايفاني قاعدة محترمة كيف؟!😉
قلت ليها: عليك الله امشي ككة محترمة انا ..
و قبلت على ضحى ..
...........
عاد م شاء الله قادة هي و محمود ونسة جد و حب كدة مبالغ فيهو ،،طوالي جيت وقفت قدامها ..
قلت ليها: قومي ي مدام😒
ضحى: بسم الله ،،الزول بيقول السلام عليكم ،مرحبا اي حاجة
محمود: مالك معاها مرتي الحلوة دي؟!
طبعا فلانة طوالي قعدت تتخجل
قلت لي محمود: انت هييي امرق منها عشان م اخليك تغسل العدة😒..
صر لي وشو و قبل بالجهة التانية
قبلت على ضحى: و انتي التانية الخجل دا جبتي بي كم ؟!قومي على حيلك احسن م افضحك قدامو براكم عرسان جداد 😒
محمود استغفر و قام،،و ضحى عشان م تتفضح قامت بي كل ادب😂😂عاد الفضايح كلها عندي😂😂ضحى مسكت البيت و انا عملت الاكل ..
اول م رصينا الاكل كلب اللكل جا مارق 😂😂طبعا عرفتو منو اواب 😂😂..فتح باب الغرفة و جا مارق..
اواب: الله شامي ريحة اكل انا🤤
قلت ليهو: ياها دي الريحة البتمرقك..لكن ريحة بتك المعفنة و ريحة شعرها القتلتني م بتشمها موش😒
اواب: هدي حلاتها بتي تعالي تعالي ادي بابا بوسة
سارة طوالي جاتو جارية ..
قلت ليهو: اواب البت م تفكها عكس الهوا مرتك حامل و بتك واحدة..سلمى م بتقدر عليها انت عارف ال فيهت خلي الشغل حبة و ركز بي جاي
طبعا الناس كلها سكتت و بقو يعاينو لي..و انا عملت رايحة قعدنا اكلنا و محمود الزفت ..
قلت ليهو: محمود اديني عيشة من جمبك
محمود: قطع جاف
قلت ليهو: ياخ اوووف😡
محمود: ضحى دايرة عيشة
و الشكلة قامت😂😂ولا اصلا هي طبيعي قايمة😂😂اليوم طبعا انتهى بي حلوو و مرو ..
الصباح ..
مشيت المكتبة سلمت على ماجد و دخلت لقيت داك مستنيني قعدنا قرينا و كدة و لمن جاية ماشة ..
سليم: نطلع..
قلت ليهو: الطلعة الطلعة دي مرة في السنة م بتتكرر مرة تانية
سليم : لي كدة؟!💔
قلت ليهو: ديك حقت التعارف ..تاني ماف
سليم: خلاص م مشكلة ..
ي زول رجعت البيت لقيتهم متجمعين م شاء الله لي ابوي قاعد ..دخلت سلمت عليهم واحد واحد ..
عملت رايحة دخلت استحميت و طلعت صليت و جيت مارقة لقيتهم في نفس قعدتهم ..
قلت ليهم: خير يجماعة مالكم؟!
المعتصم: اقعدي ي سماح ..
جريت كرسيني و قعدت
المعتصم : اتكلم ي محمود
محمود: كل الموضوع انو ضحى ..و كان منزل عينو و مدمع..
..........
قلت ليهو: ي ود في شنو ؟!
محمود: ضحى حامل😍
طبعا انا صرخت: لا كضاب 😂
محمود: وحاتك 😍
قلت ليهو: و هي وينها ؟!والله قلت البت ماتت ولا حاجة
محمود: لا قدر الله😒عمرها طويل ياخ❤️
قلت ليهو: شوف الحب ❤️وينها هي هس؟
محمود: في غرفتك
طوالي جريت على غرفتي فتحتها لقيتها قاعدة في السرير
قلت ليها: ضحى😍
المتخلفة قعدت تنطط معاي ❤️😂😂😂
ضحى: انا حامل ،،انا حامل
المهم كانت فرحة بالنسبة لينا و بالنسبة لي عيلتها ❤️..الايام عدت و عدت لغاية م جا يوم تخريجي كان حاجة رهيببة ❤️لبست اسكيرت اسود و بلوزة ابيض موردة ❤️❤️و الطرحة بالزهري و بي فوق ليهم الروب الاسود ❤️❤️يعني كان حاجة في قمة الروعة ❤️طبعا ماجد حضر التخريج و كان قاعد مع العيلة حتى لاحظت ليهو صاحب محمود و اواب و محمد❤️
تاني يوم طبعا مع تعب التخريج م مشيت المكتبة ..و انا و سليم متواصلين بالتلفون " طبعا خططتي اقرب منو شديد و اتاكد ،،لانو عندي احساس قوي انو دا هو " و ماجد🙄🙄الله م ادا غير يطير لي جبهتي😒
اليوم التاني مشيت المكتبة لقيت خاطرة محتواها:
" مع انو قالو العترة بتصلح المشي..
انا كل يوم بعتر معاك لا عرفت امشي معاك عديل
لا عترت في زولا سواك ❤️🎶"
طبعا خلاص فاض بي طوالي دخلت لي سليم جوا...سلمت عليهو و قعدت ...
قلت ليهو: شوف ي سليم بي اختصار دا انت ؟!
سليم"بي استغراب": دا انا في شنو 😳؟!
ختيت ليهو الورقة
سليم: دا شنو دا؟؟ انا م فاهم اي شي
قلت ليهو: طيب منت ال بكتب الحاجات دي ؟؟
سليم : ي بت والله العظيم م فاهم اي حاجة
قلت ليهو: من اول يوم جريت مني فيهو الكتاب جاتني خاطرة ..لمن طقشتني في السوق برضو جاتني خاطرة ..في العيد برضو جاتني ..و هسي مع التخريج برضو جاتني ..ممكن تشرح لي؟!
سليم: عايني ي بت والله انا م عملت حاجة نهائي ..لا رسلت خواطر ولا هبشت حاجة ..حكاية الكتاب كانت صدفة...لمن طقشتك م كنت قاصد كنت ماشي مع اصحابي و طقشتك بس دي كل الحكاية فعلا كنت عايز اتعرف عليك عشان اختيارك للكتب عجبني بس❤️❤️
قلت ليهو: تمام
و شلت شنطتي و طلعت ..مشيت البيت كانت قافلة معاي قفلة شينة خلاص مشيت دخلت غرفتي و قفلتها علي. و م مرقت نهائي كلهم جو دقو لي الباب و قلت ليهم: م عندي حاجة ..و م عايزة اتكلم مع زول
قعدت لغاية بالليل جاتني رسالة من سليم في الواتس
قال لي : انتي كويسة ؟!مالك قبيل؟!
قلت ليهو: لالا ولا حاجة بس كتت منفسنة شوية ..
رسلت ليهو اني م جاية المكتبة تاني و قفلت الداتا و فتحت باب غرفتي و مرقت..
يتبع....
