من يومها م مشيت المكتبة ...بعديها بي اسبوع اتفاجات بي ماجد بيتصل بي..رديت
ماجد: الو
قلت ليهو: اي ي ماجد كيفك؟!
ماجد: سماح انا لازم اقابلك
قلت ليهو: جدددا
ماجد: في الكافي تمام
قلت ليهو: تمام
اليوم التاني من الصباح قريت مريم ❤️لبست لي فستان ابيض بالكحلي و هاف جاكيت بالكحلي برضو❤️و الطرحة كحلي شبط شوية عالي بالاسود ❤️و الشنطة سودا ..و جيت مارقة ..
ركبت ركشة ..وصلت.. دخلت سلمت على ماجد ..و قعدنا...
ماجد: انا ح اتكلم معاك بي صراحة
قلت ليهو: اها
ماجد: انا عارف المجهول😔
قلت ليهو: اها
ماجد: .....
قلت ليهو: ي ولد ..اجييي اتكلم ياخ
ماجد: انا😔💔
قلت ليهو : اها كمل ...
(و طبعا عاملة وش البرود داك عرفتو😂😂👍)
ماجد: انا والله والله بالجد والله❤️ولو سالتيني لي انتي..كل ال ح اقولو ليك ..
"شوفت في عينيك سكينة الصلاة❤️😔تفاؤل الشروق،،عمق المحيط ،،نقاء الطفولة✨و احلام العمر..😍
كنتي عادية لكن انا شوفتك بي عين قلبي ❤️...
حبيت عمقك ،،انك بتري تعبري عن دواخلك ،، مزاجك الحاد ،،ابتسامتك🤤..حبيت لمن تكتبي لي ال انتي حاسة بيهو..الطيية الجواك❤️❤️شعورك بالمسؤولية ...جبيتك زي م انتي 😔❤️❤️"
طبعا انا بسمع في الكلام دا و صارة وشي لكن جوة قلبي كان ح يقيف ..طوالي خليت دموعي يرقرقو(دموع التماسيح😂😂)
ماجد: عليك الله م تبكي😩💔
قلت ليهو: يعني كنت بتلعب معاي ولا كيف
ماجد' صراحة كنت خايف اقول ليك بي سبب شغلي كنت خايف ترفضيني..بس م عارف لي انتي كنتي قايلاهو سليم😔💔
قلت ليهو: طيب ي ماجد مع السلامة ..
ماجد: انا م بضغط عليك بس والله بحبك❤️و والله كنت خايف ..انا م ح اعتبرو رفض😞❤️❤️
شلن شنطتي و قمت..
قلت ليهو: كنت مبسوط و انت بتشوفني كل يوم بتقطع بي سببك موش..
و مشيت طوالي م اديتو فرصة يتكلم اصلا ..رجعت البيت و انا مبسوطة😂❤️❤️
كنت قاصدة ابكي قدامو .سليم كان عارف انو دا ماجد بس م عارف خطتي و هدي حصلت..و متاكدة لو فعلا بحبني ح يحاول يتصرف .
و عدت تلاتة يوم م مشيت المكتبة و ماجد بيتصل علي و انا م برفع نهائي..
فجاة بعد اسبوع اتفاجات بي اواب بقول لي انو رايي في ماجد شنو ؟! و انو ماجد زول كويس و اشتغل في مكان تاني شركة كدة كبيرة ..م ركزت بس تركيزي في الكلام الباقي ..
قلت ليهو: اواب الحاصل شنو؟!
اواب: والله ماجد دا متقدم ليك...
(عملت روحي مصدومة طبعا😂😂ان كيدهن عظيم😂😂)..
قلت ليهو : بس..
اواب(مقاطع): بس شنو؟! الولد كويس و محترم قرايتك و كملتيها..م ترفضي ساي على الاقل قابليهو مرة واحدة ..
قلت ليهو: كويس مرة واحدة بس ولو م اقتنعت يبقى خلاص
اواب: م عندك اي مشكلة ☺️☺️
صباح يوم اللقاء''''
طبعا صحيت من الصباح لقيت سلمى و ضحى في راسي قوموني تشغيلات و شنو والله لمن خجلت..المهم لبسوني فستان بالبصلي ..كان رهيب❤️و مكيجوني تقول عرسي عديل لمن اتحيرت😂😂😂المهم ظبطوني ..لغاية م هو جا طبعا بس ح نقعد مع بعض في البيت و اهلو ح يقعدو مع اهلي..
في البداية نزلو هم بعدين نزلت انا تاني خلونا برانا و انا راسي شكلو اتوتر و انا مدنقرة 😂😂م قدرت ارفعو مع انو بعرف ماجد لي فترة طويلة بس م اتعودت عليهو و هو رومانسي..و هو العوير قايلني زعلانة 😂😂😂م عارف انو دا كلو مخطط 😂😂
ماجد: ازيك؟؟
هزيت ليهو راسي بي معنى كويسة..
ماجد: طيب ممكن توريني بتحبيني ولا لا؟!م ح يحصل حاجة بس وريني ..
طبعا انا مع السؤال دا واي بس😂😂😂حلقي جففف😂😂😂استجمعت قواي ..
رفعت عيني و عاينت ليهو نظرة كدة زي م بقولو حقت حب❤️
ماجد: بتحبيني ؟!
قام من مكانو و جا قعد قصادي في الارض بي ركبة واحدة😂❤️❤️..
ماجد: بتحبيني؟!
ابتسمت و قلبت وشي بالجهة التانية ❤️❤️
ماجد: "بروحي فتاة بالحياء تجملت❤️❤️"
اواب : احم احم نعتبرها موافقة يعني😂✨
و تاني انتو عارفين الباقي من حبسة و حركات ..و شهر م شافني ولا لمح ضفري زاتو 😂😂و في التلفون يقول لي كلام ي الله 🙈❤️بخجل ارد عليهو زاتو🙈❤️😂
المهم لغاية يوم الزفاف كنت بالجظ رهيبة انا زاتي اتخلعت من روحي😂❤️✨طبعا العقد ح نعملو في الصالة زاتها..المهم لمن جا يسوقني ي الله اللهم الثبات بس❤️😭🤤طبعا م حصل وصفتو ليكم..
" طولو متوسط بالنسبة لي باقي الاولاد بس بالنسبة لي طويل طويل طويل ...قمحي🤤🤤🔥بيحلق شعرو واحد دايما عشان خشن م بحب يقومو ❤️
حواجبو خشنة و غزيرة و عريضة و ليها قرننة دمااار ❤️🤤🔥و الشنب و اللحية ي الله ❤️عندو عضل لكن خفيف❤️❤️"
و مع البدلة عذااااب😍جا داخل م اتكلم ولا كلمة مسكني من يدي و طلعنا و الزغاريد ديي👋👋👋👋م تديك اادرب ..
وصلنا الصالة و قاعدين الاتنين الماذون جمبنا ❤️و العقد تم الرجال طلعو برة ضربو المسدس و بي جاي ماجد اني في حضنو❤️❤️اتخيلو بس قدام خلق الله كلهم وشي بقى احممممممار ..عملت رايحة و سليم الكلب م خلا صفارة طايرة😂😂😂
طبعا جا الجرتك ياخ حاجة. مبالغة 🔥و كمان مع الجلابية حاجة م بتتوصف❤️✨..والله رقصنا رقيص في كضابة 😂😂😂و اكتشفت انو زوجي العزيز عندو مواهب رهيييبة في الرقيص😂😂..
ضحى كانت لابسى فستان بالرمادي كدة فاري طبعا بي ضعفتها دي م بتلبسو مع الجسم 😂😂
يتبع...
