أصعب لحضة في نهاري .. هي لحضة إلي نقوم من النوم ..لحضة إلي نحل عينيا أما باقي الضلمة ما تمشيش لحضة الي نرجع من حلماتي اللي ولات البلاصة الوحيدة اللي نرى فها العباد الي توحشتهم أما ليوم قمت مفجوع حلمت حلم غريب ..حلمت إلي أني منجمش نرى وجوه العباد و الي أني في وسط بلاص كبيرة و نلوج على حد و لا صوت نعرفو ..لين سمعت صوت عندي مد نحلم بيه صوت للطو في وذني .. صوت الطفلة إلي عاونتني هاكي الليل.. قمت مفجوع و في اللحضة هاكي كنت في أمس الحاجة لمريم ممكن كنت نكذب على روحي و نقول إلي هي إلي إختارت و أني بش نحترم رايها ..أما قلبي مش متقبل إلي الطفلة إلي كبر على حبها الطفلة إلي. . كانت ديما بجمبو في الحلو مشات من أول قطرة مرارة ....حشتي باها بجمبي نحملها كانت ريحتها و فكرة إلي هي ديما بجمبي تهديني ..أما هاني اليوم وحدي في الضلمة إلي محبتش توفا ..هذي أخرت إلي يبني أحلامو على طفلة و حب و كلام فارغ
وقفت نتحسس في إلي داير بيا حاجة بديت نستانس بها ..تبعت الحيط للباب و بيتي إلي وليت نعرف كل حاجة و بلاصتها أكثر من وقت إلي كنت نرى ...ووإني هابط في الدروج سمعت أمي تحكي مع شكون في الصالة
'نحبك 24/24 معاه.. ' ..'أسامة ولدي قمت '
و حسيت بإيداها شدتني تعاون فيا بش نهبط
' أسامة هذي بية الممرضة إلي بش تتلها بيك '
'تنشرفوا .. ' جاوبت بش نقصر الحديث ماعينتي بش نحكي معا حد أما مسمعتهاش جاوبت
' بنتي شبيك سكتت ' سمعت أمي
' ا آه ..لا شي ..'
لحضة وحدة الصوت مش غريب عليا ... مستحيل ..لا يا راجل و ليت نهز و ننفض وحدي حتى وذنيا معاش تخدم زاد
هزيت روحي و رجعت لبيتي بش نرتح مخي شويا خاطر يضهرلي بديت نهلوس
تمديت في الفرش أما حاسس شكون يتبع فيا و عرفت إلي هيا الفرملية
' تحب نعاونك في حاجة ' قلتلي
أوه على بابا ناقص أني تخلويض و زيد هيا عاودت تكلمت ..تي أقسم بالله صوتها ..أما كان كان هيا راهي عرفتني يعني مهاش هيا ...أيا أسامة تلم شبيك ..
' تنجم ترجعلي عينيا ' قلتلها بتبسيمة
سكتت شويا و بعد قالت ' أحم.. آه لا '
'ملا لا متنجمش تعاوني في شي ' جوبتها أما خرجت حادة شويا
' نسمع فاها تاخو في نفس بالقوي و قالت
'كي تخرج مالفيلم الهندي إلي عايش فيه و نولي نجم نعاونك تنجم تقلي هاني في الكوجينة '
' فيلم هندي !! ... ' قبل ما نكمل كلامي نسمع في الباب تسكر
تحكي بجدها هاذي جايبينها بش تعاوني و لا بش تزيد عليا
قعدت عشية كاملة في بيتي مخرجتش ..و ممكن نغزل شويا على القطعة إلي جابتهالي أمي ..بلاهي ناقص أني عباد مختولا في حياتي
سمعت الباب يدق و بعد تحل قلت من غير ما نستنا إلي دخل يتكلم
'معلموكش تدق الباب و تستنا لين نجاوبوك مش تهد هدان.. وكالة هيا '
منعرش علاش شاري الشبوك معاها ممكن علاخاترها قصتلي بونو مبكري
'سامحني ... يلزمك تشرب حرابشك تحب نجيبلك فطورك لنا و لا أعي الكوجينة ؟؟' صوتها هادي بروفيسيونال حسيت بالندم إلي آني حكيت معاها هكاكا
'آححم .. مصار شي ..و معينتيش في الماكلة '
'باهي '
سمعت الباب تحل ..شباها لحق مكنتش نتصورها متعلقش...تي شبيني نحكي تقول نعرفها قبل وأني معنديش ساعات ملي عرفتها و حكيت معاها كان مرة برك..بفف ..قعدت الدار بدات تأثرلي على مخي و ليت فاضي شغل و نخمم برشا في حجات تافهة
في بالي بش نرجع نرقد أما سمعت الباب يدق مرة آخرة
'أدخل '
صوت الباب تحل و حد دخل و حاجة تحطت بحذايا على التابلدنوي و سمعت صوت صحن و حسيت بيد دافية شدتلي إيدي و حطتلي صحن في إيدي
' تعرف تاكل و حدك و لا نوكلك '
وأني باقي ساكت مش مستوعب فاش تعمل الطفلة هاذي
كي مجوبتهاش حسيت الصحن تهز من إيدي
ثواني و حسيت بيدها مستلي خدي مسة خفيفة جمدت في بلاصتي ..رغم اني نعرف إلي هيا تقصد بها الحركة هاذي بش نحل فمي و منعرفش شبيني حليت فمي و كليت من غير منقول شي ممكن خاتر فما حاجة في مخي تقلي إلي هيا مهما بش تقولها بش تعمل إلي في مخها .. غرقت في التخمام كيفاش حركة بسيطة أنها اختارت طريقة هاذي بش تقلي نحل فمي حسستني بحاجة غريبة منعرش باهي ولا خايبة خرجني صوتها من تخمامي
' توا حرابشك " حسيت مرة أخرى بيدها على خدي و المرة هاذي حطتلي الدواء و الماء ..
'بالشفاء ..سي أسامة من ضمن برنامج لهوتي بيك إني نسهلك التعامل مع محيطك ..هكا علاش كان تعاوني نجم نترناو شوي مبعضن إنك تاكل وحدك بالشوية بالشوية '
رغم إني حسيت بها تختار في كلمتها بش تراعيلي شعوري أما باقي منجمتش نخرج من إحساس العجز إلي غرقت فيه ..
' تو نشوفو..' جاوبتها بصوت ضعيف و بارد
مسمعتش جوابها لمدة و بعد قالت
'مسيو أسامة ..بش نتفاهموا من توا ..أني هوني بش نعاونك..مش بش نحسسك بالعجز ..مش لازم تحس بحزازيات من كلامي بالعكس كي تبد حاسس بحاجة يلزمك تقلي ..في عوض تقعد تخمم برشا و مخك يوصلك لأفكار مش باهي ..إنك تستحق المساعدة مني ماهوش بش يمسلك من كرامتك و يعجزك..بالعكس أني بش نكون العرصة إلي بش تعاونك تعاود وتخرج الدنيا واقف و راسك الفوق ..ممكن مبالغة أما إنتي قتلي تنجم ترجعلي عينيا ..باقي إيجابتي منجمش ..أما نجم نسلفك عينيا و نولي عينيك.. '
ثواني و سمعت الباب تسكر ...
