#هديه_مرفوضه
للكاتبه ذكرى المندلاوي
#البارت٣٢
كمال
طبيت اني وجعفر بعد ماسمعنه صراخ
اختنه وهيه تطلب النجده
وصار الشيخ
علي وحسين كبالنه
حسين
هااا بويه وين رايحين وعيونه تصدنه ميريد ندخل
علي دخل
قبلنه واحنه گلوبنه تلوب علیهه وعیونه تترقب
چعفر
وگفت لا ان بيه اكمل ولا ابقه روحي تلوب
بس اخوي متحمل
كمال
شيخنه خل نوديهة مستشفة
حسين
لا بويه ميحتاج
علي
دخلت على امي وحدهة تصرخ ماكو احد يمهة
ترفع بيديهة كانما
تحمي راسهة من ضربه تجيهة
نسرين
بعدوا عني مسويت شي اني ليش تأذوني
علي
تقربت منهة حضنتهة بقوه اطمنهة
هديتهة وانه اطبطب
بهمس
ياهو الي يتقرب وانه موجود بعد اليوم مستحيل اعوفج
رفعت راسهة تباوعلي مستغربه
انت منوا ؟؟؟،
لميت شفتي انمرد گلبي
امي ماتعرفني جا اشكد شايفه ضيم انعل ابيج وعشيرتج والي وراج ياكطيعه ان ما اخذت حق كل هاي السنين الي شافتهة من ضيم مااكون ابن ابوي
دمعت عيني مسحتهة
نسرين
بهمس وعيون خايفه وجسم يرجف
لتخليهم يأذوني وخرهم من يمي عفيه
علي
كوليلي منهمه وانه اربيهم الج
نسرين
ماأعرفهم بس يجوني هيجي وكت يضربوني ويرحون والله ممسويتلهم شي همه بس يضربوني ويرحون
قبضت ايدي بقوه اخخ بويه انه امي يصير بيهة هيج وانه راسي يشم الهوه
خليتهة تنام كوه سديت الباب وكلت البوي
من باچر اودیهه للطبیب
حسین
اي اوليدي انه هم كلت هيج
عفته وصعدت الغرفتي
صدت بيه مريم
اووو انه ناسي المصايب وحده وره اللوخ
انه اسف
مريم
ميهم شيخنه المهم طمني امك شلونهة
الحمد لله باجر اوديهة للطبيب
مريم
اي احسن
علي
واكفه كبالي ونظراتهة تريدني اطب الغرفتهة
وانه تعبان لون الشفته اليوم تعب عگلي
واريده يرتاح من التفكير
كتلهة
بويه اليوم انه احسن روحي مريض وانتي عروس
اخاف اتعبج واكدرج
مريم
چا الحرمه المن تنراد غیر بهیچ وگت
علي
استحيت منهة
طبيت وياهة لون گالبه الغرفه گلاب
غرفه بارده وريحه البخور تعط والفراش بارد ملابسي
لكيتهة مجهزتهن
مريم شيخنه اكيد ممتعشي
اباوع تأشر على صينيه
شالت الغطه عنهة اشكال الوان بيهة
مريم
رفعت راسي وهيبتي طب اسبح حمامك جاهز
تقربت مني
فتحتلي دكم الدشداشه
همست
انت تعبان انه اسبحك
كادتني مثل الجاهل
صرت مثل الطفل بيديهة
ضعت وضيعتني وياهة انه جنت محتاج لمسات حنيه وهيه مقصرت
كملت شغلتي وياهة
طلعنه
بدت توكلني بيديهة
حسيت روحي سلطان زماني
لاجن
مأكدر اباوعلهة بنظرات محب وعاشك
لون گلبي ملك غيري مو ملكي
حبيت اشكرهة على مواقفهة وياي
