#هديه_مرفوضه
بارت ٣٦
صباح الخير
قصه هديه مرفوضه
للكاتبه ذكرى المندلاوي
البارت السادس والثلاثون
*******************
دعاء
طلعت اركض الغرفتي سديت الباب وكفت وراه ولازمه حلكي
من الصدمه فاكه عيوني معقوله ؟؟؟
اجاوب روحي
ليش لا كلشي اتوقع منهم
الي شفته من دخلت الهل البيت يشيب راس الطفل
ياربي ساعدني
انه ليش صايره ضعيفه ؟؟؟يمكن من هاي هرمونات
بسبب الحمل
لو خوفي على ابني زايد عن حده
الله يساعدج يمه شلون كدرتي تتحملينه واحد وره الاخ٠٠٠ وانه بعده بطني ممكمل ٣ اشهر
حطيت ايدي على بطني واحاجيه
لا تخاف امك مو جبانه الهل الدرجه
راح احاول اتغلب على خوفي واحميك منهم
قفلت الباب و رحت الفراشي احاول اغمض عيني واغفى وادعي ربي يعيني على مابلاني
ظليت الليل كله اتگلب الحد ماغفيت
كعدت الفجر توضيت وصليت بدون ماأنزل
دعيت ربي يساعدني ويحمي ابني من مكايدهم
رجعت الفراشي وهم ظليت حوالي ساعه
اتگلب٠٠٠ سبحان الله
تفكيري تحول الابني وشلون احمي بعد ماکان بس
اله هو
كعدت على صوت دكت الباب
اكيد فاطمه مثل كل مره على الريوك اله اتريك وياهة
***************
علي
خابرت ابوي وكتله علي دار بيني وبين الطبيب
كلي ارجع لا تظل
ملدام علاجهة تبقى هنا حته تتذكر ارجع عليمن ضال
وصيت ولد عمي يجهزون ارواحهم
وكمال هذا الولد هواي وكف وياي حبيته وحسيته قريب كلش مني
مقصر هاي الايام مطابل امي ويبجي من يشوف عيني تدمع عليهة وهيه بهاي الحاله
قررنه نطلع بليل الجو شويه بارد٠٠بعد ما تعشينه وعشيت امي وانطيتهة دواهة
وفعلا طلعنه
الطريق كله امي ساكته تباوع للوجوه وبالاخير غفت
الطبيب منطيهة دوه يهدئهة الحمد لله ماصرخت ولافزت جرينه الطريق الكل هادئ ساكت بس كل واحد وحسبته براسه وانه حسبتي ضيم الله
كمال يسوق وانه بصفه ومها وامي ليوره
ولد عمي بسيارتهم ورانه
وصلت للبيت الساعه ٦ الصبح
جان ابوي كاعد منتضرنه اول ماشاف امي نزلت
عيونه صارن بيهن لمعه عمري ماشايفه
مها
اشلونك بويه
هله بويه هله التفتلي وهو يلزم ايدين امي
اشلونه طمني
علي
لا الحمد لله
حسين
الف الحمد والشكر
وين ولد عمك؟؟؟
علي
راحوا البيوتهم بعد ماترخصوا مني مقصروا
كمال
شيخنه الحمد الله ع السلامه انه اترخص بعد رايد مني شي
علي
لاخويه كفيت وفيت
كمال
لادكول هيجي انه اشيلكم بعيوني جمايلكم على راسي
علي
ياجمايل خويه انت شتحجي
علي
بعد ما ترخصوا الكل وامي دخلتهة الغرفتهة نامت
صعدت انه الغرفتي ارتاح من الطريق
مريت من يم غرفتهة لن گلبي يدك بكل قوته
يمته تحسين بيه وتعرفين شكد انه احبج
