#السابع والثلاثون
صباح الخير
#هديه_مرفوضه
للكاتبه ذكرى المندلاوي
سكينه
ولك يالظالم متخاف الله يوزونك عليهة لجل تجي تموت اوليدهة وتموتهة
سوالف كطيعه ماخلصت بهل البيت
يبوووو لحكولنه البت راح تروح من ايدي
فاطمه
الله يعين اخوي انه من يمي انمرد گلبي
وانه اشوفن ايديه ترجف وعيونه ذبلت ومثل الي
انهد كل حيله
خصوصا
لما ربنه ظهر الحق ومريم متعدالهة وصخم
وجهة
اجت طيبه تركض وبيديه الدليل
وخلته بيد اخوي
وهو من صدمه الصدمه اقوى من الاولى
طيبه
شوف بنفسك حته تعرف منهيه الحيه الي خالهة تسرح وتمرح ابيتك ومنطيهة الامان
ساكت بس مدنك عينه على الموبايل ويقره الرسايل
الشيخ حسين
احجي ولجججج هذا شنوووو
طيبه كملت وهيه تفرك بيديهة
لمه جتني للغرفه تريد اساعدهة من عرفت ابحرمتك حامل سمعت فاطمه واهي تكللهة
راح يشرف الشيخ الصغيرون
ودعاء ترد
لا بس عندي حساسيه من البيض
جانت دعاء بذاك الوكت تلعب روحهة وممتأكده
ويمكن تخاف منهة ومن غدرهة
كتمت الخبر حته يثبت الولد ابطنهة
بس مريم بت خالتي اعرفهة كلشش زين
حيه تذب سمهة وين ماتروح شكت بحملهة وخافت
لون الطفل هذا راح يشكل تهديد الهة قررت تخلص منهة ومن الي ابطنهة
طول عمرهة تريد
الشيخه وتصير حرمه الشيخ وتستولي على كلشي بهل البيت
ويامه تحلم وتجي تكلي يمته يتحقق حلمي
وانه بفطاريتي وبحكم اقرب صديقه الي واحبهة اكلهة اصبري
وانه اعترف كله مني ومن امي احنه الي شجعناهة
لجل تحقق مرادهة
وماأنكر وكفنه وياهة
مو بس احنه امهة وابوهة الي جانوا مشجعيهة
امهة هيه الي تستلم الاعمال
من امي ودورات
ابوهة يروح يستلمه من ابو لميعه
وتجي بحجه تساعدنه تحطه بالاكل والبيت كله ياكل منه
لا مو بس هيج
ابوهة جان متفق ويه ابو لميعه بس تزوج مريم
يزيح ابوي من مجانه ويصير هو الكل بالكل
حته يلعب بكيفه وعلي اخوي يعمن بسحورتهن
هذا الحجي عرفته قبل كم يوم من لسان ابو لميعه
جانوا مهددين امي يفضحن سالفه ام علي اذا ما
تحالفت وياهم
وامي سلمتلهم كلشي لون خافت لتنفضح
وامي أمنت بيهم وكشفتلهم كل اوراقهة
معرفنه همه جانوا حاقدين علينه وهذا حقدهم من سنين ٠٠من اشتغلوا عدنه للصخره
خصوصا مريم
جانت محمله هواي
من وصلت المرادهة اغتنمت الفرصه وعضت الايد الي مدينا الهة
وصار الي صار
وامي انطردت واطلكت
واهي صارت الكل بلكل
