صباح الخير
#هديه_مرفوضه
#البارت الثاني والاربعين
للكاتبه ذكرى المندلاوي
****************
مرتضى
اتخبلت مشفت شي كدامي ركضت عليهة
شلت الموبايل منهة اسمعه يتغزل
بطولهة وحسنهة من جانت وياه بلمطعم
من صوته امبين سكران مو واعي
يامرتضى وين جنت نايم وتابه عن هل المصيبه
متحملت ٠٠٠الدنيا اسودت بعيني حرت بذيج اللحظه
اذبحهة واطم عارهة
لو اكسرهة واشمرهة بلشارع وانعل امهة فوك ابوهة ٠٠اخخخخ ربي
فقدت ٠٠٠ انه تاليته امشي بين الزلم موطي راسي
اخخخ بويه عضيت اصابعي ندم وحسره ليش رجعتهة٠٠٠ احس روحي
صخنت جسمي صار نار عيوني احسهة طلعت ليبره
وانه اسمعه ٠٠
جاي يساومهة على صور
اباوعلهة ترجف وقطره دم ماكو بوجهة شفتهة بيض
صارن
تفرك بيديهة
وتمتمت مااعرف لو مداسمع شجاي تحجي بينهة وبين نفسه
ايه
حسيت الدنيا دارت بيه وغواش كدام عيوني
بعدهة صارت سواد
جيت اوكع من طولي من شفته لازم الموبايل وعيونه
صارن دم وجهة مبلل من العرك الي نزل منه
يخنزرلي ويعض اصابعه ٠٠ ماادري ذاك النذل شيكله
خلص فقدت كلشي بلحظه طيش وأستهتار مني
انه صوجي كله مني ضيعت الاول والتالي
صوته وهو يصيح ويشمر الموبايل على القنفه
فززني رجعلي ذاكرتي٠٠حقيقتي الي مستحيل انهزم
منهة
اتقرب مني ولزمني من زندي وهو يتصنع الهدوء
كلي بصوت ناصي وهو كاز على سنونه
مرتضى
تعالي بت النعال كليلي منو هذا ومنين تعرفينه
ابوج اسمطه اذا چذبتي علييي
ايه
من كلي هيج كلت بروحي لازم اكله بعد مابيهة اجذب ٠٠٠وخله ٠٠ ارضه بحكمه شما يكون
ايه
انه راح اكلك على كلشي واقسسم بالله العظيم مااكذب وبعدهة حقك شما تسوي بيه سوي
تذبحني تطلكني وتطردني من حياتك انه راضيه الحكمك شما يكون
لون انت على حق وانه على باطل٠٠٠٠ والغلط راكبني من راسي الحد اجدامي ٠٠٠و هل الله ديجازيني على افعالي ٠٠ واذا اكلك ندمانه متصدك
مرتضى
الدنيا طالعه من عيوني متحملت جاي تحلفلي الجذابه والهه عين واكفه جدامي بعد الي صار اتخبلت شلون عين صلفه عليهة شلون جنت مخدوع بيهة
طوال هاي الفتره ؟؟؟
صحت
ولجججج اسكتي بت الچلیب صوتجججج يعصبني
ضربني راجدي قوي اذاني كمت مااسمع بيهة
مرتضى
ولجج تحجين اليوم وتكليلي هذا منو لا اكسرج اليوم٠٠٠٠٠ احجيييي ولج طول عمرج جلبه وانه اكولن صحت على روحهة وتعدلت ثاريج ٠٠٠اخخخ بويه٠٠ طلعتلي
خياساتج ٠٠ وانه الي جنت معمي على عيوني هه اوو
وشادلي گرون
ایه تخبلت
صحت
لا كله ولا شرفي اخذني للعباس ٠٠ للحسين احلف
ماعندي شي والله نظيفه ماخاينتك انه انه احبك كول الي سويته چي احبك
حبك عمه عيوني خفت لا اخسرك مشيت بدرب معرفت اخرته
مرتضى
ولجججج اسكتييي صوتج مااسمعه لعبت روحي منججج اششش
