قصة هدية مرفوضة جانت متوقفة وهسة رجعت
#هدية_مرفوضه
بقلم ذكرى المندلاوي
#بارت٣٥
صباح الخير
هديه مرفوضه
للكاتبه
ذكرى المندلاوي
عيد سعيد
وكل عام وانتم بألف خير 🎁🎡🥁🎂
بلبدايه احب
اكرر الي كلته
قبل شهر رمضان٠٠٠ قررت اوقف القصه ونوهت للمتابعين
انو النشر راح يكون بعد العيد وللي مملاحظ خل يرجع يقره الملاحظه
ولكن
من قريت التعليقات كانت الطلبات استمر وياكم
ونزولا للطلبات الكثيره
تراجعت واستمريت انشر رغم ظروفي الصعبه
واليوم من اقره التعليقات
احزن مو حق تعبي وياكم تجازوني بهل الكلام
هذا كل بصفحه
والي سببتوا الي من مشاكل بصفحه ويه
بطلت القصه الي جاي
تعاني اكثر مني وفشلت وعجزت واني اعتذرلهة
واليوم
سبب عدم نشري
هو تعليقاتكم وعباراتكم المستفزه والي سببلهة
بأحراج خصوصا للي يقره وياهة القصه ومتابع
تدرون هاي رابع مشكله بسبب هل التعلقات تتوقف القصه
رجاءا رجاءا تعليقاتكم خل اتكون ايجابيه
وبطلوا تجريح لاي واحد من الابطال
***************************
#بارت٣٥
دعاء
وانه اسمع من فاطمه
انقهرت حيل على
ام علي(نسرين)
شلون تحملت كل هذا العذاب الله يكون بعونهة حقهة تتخبل
الي شافته يهد جبال
صارت بيه رجفه من اتخيلت الي صار
علي واهل بيته
مديحسون
صحيح همه قضوا على الحيه الجبيره وكطعوا راسهة
لاچن بقت فروخهة الصغار الي ربتهم
على شاكلتهة وترستهم سم
وهم بدوا يبثون سمهم بنفس الطريقه
ونفس الي صار دينعاد بهل البيت
بديت اخاف
من القادم
قشعر جسمي وانه اتخيل
ابني يلاقي نفسرمصير والده
وانه مصير نسرين
دار الزمن ودارت طواحين هل البيت
وياغافلين الكم الله
فاطمه
هااا ولج عليمن تصفنين مو جاي اكلج خلصنه منهة
دعاء
والحيه الوخ
فاطمه
ياهي
أشرت على غرفه مريم
اهاا يكون قصدج على مريمانه
دعاء اكو غيرهة بهل البيت تكرص وتضم راسهة
فاطمه
ههههه يمعوده هاي كرصتهة كرصت النمله متأذي
دعاء
ياخوفي من يوم ولو اتمنى مايجي
ينعاد الي سوته خالتهة بينه
فاطمه
انشاءالله شرهة مايلوح بس روحهة
عوفيج منهة وديري بالج على زلمتج
دعاء
ههه على شنو شو كل الي جنت اخاف منه صار
فاطمه
ولج يلفهيمه هو شنو الي صار
دعاء
موش تزوج بعد روحي كشت منه
فاطمه
هو شنو او روحج كشت منه ثوب وتنزعينه
هذا بعد زلمتج وابو عيالج وانه ادري بيج تحبينه
واهو بعد احسه موش لون اخوي لا الي يحب مفضوحات عيونه ولا تنسين ذيج الايام وان جان نسيتي احب اذكرج
صيري ذكيه وسحبي يمج وخله يبقى يحبج لا تخصرينه ماتشوفينهة اموته روحه ومن يجي تحير
بس تراضيهة خايبه ماتعرفين فضحت خالتهة لجله بعد صارت شكبرهة عنده واخافن تخصري وانه هذا كلامي لون احبج يلفطنه
دعاء
ويه روحه تعرف كلش زين قصدهة الفاطمه
صحيح ماانكر هيه بدت تسحبه
بس ياناس انه كرهت روحي وانه احسنهة
لا حول ولا قوه ضعيفه مأاكدر اجاريهة لون هو ميحبني
والدليل بسرعه راحلهة ونساني
هيج حرب من طرف واحد وانه هلكت واعلن انسحابي من اول مواجهة
لون خسارتي جبيره
خل اضحي بواحد ولا اثنين
ابني مستحيل اضحي بي
هاي حيه اخافن بس تحس بحملي تأذي
وهذا الشي الي مخوفني
الام بس تحس بطفلهة من اول نبض اله بحبه وتبده تخاف عليه
سبحانك ربي
اول ماعرفت بنفسي حامل
كرهته
لكن بعد ماحسيت بنبضاته
عرفت طعم غريب
حب عشق نوعه مختلف
حب الام الابنهة
مستعده احارب الكون من اجله
دعاء
ليش هو اخوج سلطان زمانه
هو يروح يتزوج غيري وانه لازم
اتوسل وابوس الايادي
عسى ولعل يرضى ويلين ولو شوي گلبه عليه وميركني على صفحه
واعيش وياه كأن شيئا لم يكن
هو يرضاهة الروحه
لازم انه اخاف على مشاعره واحاسيسه
وانه اله فارغه من اي مشاعر
