تائهة بين اروقة الماضي
Nuha-d-hالبارت١٠
مساء الانوار احبتي 🌷🌷🌷
اعزائي متابعيني مساكم الله بالخير والسعادة
بس حبيت ابلغكم ان صفحتي على الفيسبوك والتي تمثلني هي
قصص من الواقع مع الكاتبة المبدعة Nuha-d-h وهو موقعي الخاص على الفيسبوك وباقي المواقع التي تنشر لي فهذا من دواعي فخري وسروري ولكنها ليست لي ولا تمثلني
شكرا لسعة صدركم ونظرا لهذا الامر ولنؤكد لبعض المشككين بقصتي وان تنشر في بعض المواقع
تم تأخير النشر لمدة نصف ساعه ولنرى باقي المواقع كيف ستنشر القصة ارجو من متابعيني الدعم في هذا الموقف وان لا تتضايقوا من التاخير لمدة نصف ساعه
🌷🌷🌷🌷
اتمنى لكم قراءة ممتعة
خطية خالو راضي كسر خاطري
من سمعتة يبجي مثل الطفل على ابنة ما يستاهل
ريام: والله قهر وهسة شلون صار ما عرفتي. شي عنة
هيام: لا والله ما عرفت بس داخلة سيارة مفخخة عالمقر مالتهم ومتفجرة عليهم وهسة هو حالياً وضعة مجهول
ريام:هيومة ظل بالي يم خالو راضي شلون نريد نتطمن عليه
هيام: المشكلة خالو الشخص الوحيد الي يمدنا بالاخبار
وهسة هو حالتة ما تسمحلة يكعد يرد على اتصالات
لان نفسيتة تعبانة لج ما سمعتي شلون رد علي بالنقال
جان يبجي ولوما شافني لحيت بالاتصال
وخاف علينا جان هم ما رد
ريام: اووف خطية
((())))))؛((()))
اتصلت بالليل على خالو
وطمنا على ابنة وكال الحمد لله لكوه عايش بس متصوب بالشظايا ونص وجهة وايدة متشوهات من ورة الانفجار
وراح ينقلونة للبصرة بهليكبتر هو وكم جندي والقائد
مالتهم هم حالتة كلش خطرة
انا حجزتلة بمستشفى اهلية ودزيت على دكاترة
مختصين راح يشرفون على الحالة مالتة
هيام: الف الحمد لله على سلامة ضرار
خالو عفية طمنا مو تنسى خليك على اتصال وياي
راضي: ان شاء الله بوية وانتن هم ما اوصيجن انا
راح انشغل عنجن هاي اليومين هم ديرن بالجن على نفسجن وصيرن سباعيات
هيام: لا تشيل همنا احنا كدها وكدود
راضي: عفية ببنت هناء السباعية
(((()))))(((()))
مرت الايام واحنا الحال على ماهو عليه
بس خالو انشغل وخفت رجلة عنا
وصار يجينا كلة بتالي الليل يطمن علينا ومرات يجي محمل بالمسواك
هيام: خالو ليش تكلف نفسك وتتعب حالك
والله كلشي عدنا وخير من الله
راضي: ما مسوي شي يابعد ابوج هذا حقكم
ولاتنسن انتن امانة اختي وما اريد اقصر وياجن بَـــأي
شي
استحيت اذكرة بموعد مراجعة ريام للدكتور
لان اباوع على حاله كلش تعبان وادري بي كوة يضغط على روحة ويفرغ نفسه النة حتى يجي يتطمن علينا انعم الله عليه غير واحد جان يكتفي بس بالسايق
ويطمن علينا بالنقال
جبت صينية العشا وحطيتها كباله
: يالله خالو بسم الله ويانة
طبعا اتعمدت ااخر العشا مالتنة حتى ينجبر ياكل
راضي: لا يابعد ابوج بالعافية ما اشتهي اكل
نفسي مسدودة
هيام: ما ناكل الا انت ويانة
ترة ما يصير تهمل صحتك
راضي: شلي بصحتي وانا ما كدرت اجني ابني
كون الصارله بية ولا بي
هيام: اسم الله عليك ربي يطولي بعمرك
لتحجي هشكل ان شاء الله يكوم على حيلة وتصير سوالف
عفية خالو مد ايدك واكل ويانة ولاتردني
ادري بيك ناسي نفسك وكاضيها كلة بالمستشفى ومتاكل
اي شي
راضي: اي والله تردين الصدك ما حاط اي لكمة بحلي من الصبح لحد هسة
ريام: خالو المفروض تكون قوي وتساعد ابنك عالشفاء
مو تتمرض وياه
راضي: كلامج صحيح يا بوي بس
اني مقهور على شبابه
هيام بتسأئل : ليش هو شبي لحتى تحجي هشكل
راضي: ابن خالجن اتشوه وجهة بشكل مخيف
وايدة وشوية من صدره
والله شايل همة من يصحى ويتعافى ويشوف وجه بالمريا
اخاف تنتكس حالتة وما يتقبل وضعه
هيام: لا خالو لا تحجي هشكل اهم شي هو بعدة عايش ويشم الهوى ما مات
ريام: وهو ولد مو بنية وتخاف عليه
