#تائهة_بين_اروقة_الماضي
#بقلم_الكاتبة_nuha-d-h
#قصص_الكاتبة_nuha-d-h
مساء الخير احبابنا متابعين الكاتبه المبدعه #nuha-d-h
الحياة معزوفة جميله متناسقه بين حزن وفرح ومد وجزر تراها مثل البيانو اصابع سوداء وبيضاء لانستطيع تذوق حلاوة الحياة ان لم تسبقه المرارة وهذا حال هيام وضرغام وجميع الناس عليهم ان يتعبوا ويشقوا ليحصلوا على السعادة
الحياة شعلة مضيئة اما نحترق بنارها او نطفئها ونعيش في ظلام
اليوم احبابنا ومن خلال سرد كاتبتكم واختكم #نهى ستعرفون مالذي حصل مع ضرغام وهيام وهل سيأتي عليهم يوم ويلتقون اترككم مع
البارت ٥ الجزء الثاني
#تائهة_بين_اروقة_الماضي
#Houda
ملاحظة المتابعين الي عدهم مجاني بعد حوالي ساعتين راح ينزل الباقي ببوست منفصل لعيونكم نرجو دعمكم ومساندتكم حتى لا يضيع تعب اختكم #نهى ويسرق منها ... نحبكم
🌷♣🌷♣🌷♣🌷♣🌷♣🌷♣
هيام
لازمة بيدي الصحن فجاءة رجفت ايدي وانقبض گلبي ووگع الماعون من ايدي بالكاع وتكسرلزمت گلبي ووجهي انخطف لونه
ريام: اسم الله شبيج هيومة بالله شو ابتعدي عن الكزاز لا تجرحين نفسج
حجيت بصوت مخنوك: ما اعرف شبية گلبي انقبض
ريام : تعالي كعديلج شوية
اني مو كلت عوفي المواعين اني اغسلهم بس اخلص دراسة الامتحان انتي ليش تعاندين
هيام: لا والله ما معاندة هنة ماعونين كلت اغسلهم وياي بس اني ما اعرف شبي گلبي احس اكو شي صار
جنت احجي وسكتت فجاءة حسيت بحركة مثل النبضة ببطني باوعت لريام وعيوني غركت بالدموع
اتلمست بطني بكل لهفة
: لج ريمة الطفل اتحرك
حطت ايدها على بطني وحبست الانفاس
منتظرة يتحرك مرة ثانية
فجاءة فتحت ريمة عيونها على وسعهن
ريام: اوووي فدوة لج اتحرك حسيت عليه اتحرك جوة ايدي يمة فدوة حبيب خالته
هيام: منو كلج هو ولد وكاعدة تحجين وياه بصفة الذكر جائز بنية شنو ذنبها تحجين وياها هشكل
ريام: ما اعرف عندي احساس الي ببطنج ولد
وكولي كالت ريام
هيام: بنية ولد اهم شي كامل الخلقة
سمعت صوت نقالي
ريام: ابقي كاعدة بمكانج اني رايحة اجيب نقالج
اجتي وجايبة النقال بيدها وعاقدة حواجبها بأستغراب
ريام: هذا نبراس يتصل بيج
هيام: هذا شنو سالفتة صدك والله ما اجاوبه خلي يولي هذا زودها اذا بقة هشكل والله احجي وية عمو احمد يحطله حد.
في مكان اخر
جنا كاعدين كلنا بالصالة
وعمي حسن جاي يعزمنا على خطوبة ابنه
فجاءة دك نقالي
ضرار: الو اي نعم انا اخو ضرغام منوحضرتك
كمزت من مكاني مفجوع
.. لااا يالله شنو شلون هاي شوكت صار هذا الحجي
.. دخيلك يالله هسة اخوي وين بيا مستشفى
.. جاي جاي بمسافة الطريق
احس بكلبي وكع بين رجلية من الهبطة
سديت النقال ورحت اركض وتركت الوجوه المترقبة لسماع الخبر وراي
الحجية خاجية: يا ستار استر جدة ضرار منو الي بالمستشفى
حليمة: يمة ضرار احجي منو
صعدت اركض فوك بسرعة لغرفتي وسويت الدرج خطوتين اريد اجيب مفاتح السيارة
احس برجلية راحت من الخوف وجسمي يرجف نزلت ولكيت امي لازمتلي الدرج
حليمة: ولك يمة ضرار شبيك احجيلنا شصاير
فهمنا ليش انخبصت منو الي بالمستشفى
رحت اركض مثل المخبل لباب الشارع وانا اصيح بصوت مفجوع
ولج يمة انهجم بيتنا اخوي ضرغام رااااح يمة حزام ظهري راح
عفت امي وراي تصرخ وتلطم على راسها وسمعت صريخ البنات ما اهتميت صرت مثل الطير المذبوح اريد بس اوصل لأخوي
يارب دخيلك شلون صار الحادث واخوي ستوة جان يمنا بالبيت مثل الورد
شلون بلمحة بصر يصير هيج
سمعت نقالي دك وشفت المتصل ابوي
لا يالله شلون راح احجي وياه رديت عليه
وعرفت من صوته المبحوح ان ابوي عرف بالحادث
راضي: بوية ضرار اخوك بيا مستشفى
ضرار: بوية بمستشفى ال...... بعدني ما واصل
راضي: انا جاي وراك راح اتصل على عمامك
جان ابوي يحجي ويبجي مثل الطفل ادري بي هو شكد يعز ضرغام دوناً عنا
جان دائما يكول هذا مو بس ابني هذا ابني واخوي
وصديقي
دخيلك ربي لا تفجعنا بأخوي
وصلت للمستشفى ولكيت الامة مخبوصة الظاهر اهل السوك وجماعتنا واصللهم الخبر قبلنا
دخلت واباوع بالوجوه اريد خبر او اي واحد يطمني على اخوي اباوع الكل يبجون
لزمت واحد من اصدقاء ضرغام جان مدنك ويبجي
لزمته من ياختة لك سامر احجي اخوي وين
سامر يمسح دموعه : لك ضرار اخوك بين الحياة والموت شعرة بس الله اليستر لو تشوف سيارته
شلون صايرة قوطية كوة كدرنا نطلعه منها هو ومنذر
بس هو اكثر من منذر متضرر
ضرار : لا يالله دخيلك كلشي ولا اخوي
هسة هو وين
سامر : دخلوه كبل على صالة العمليات
وهسة احنا منتظرين الدكتور هسه دخلوه
كعدت بالكاع وتجيت راسي عالحايط احس ما عندي قوة اوكف على حيلي بعد
ماخاب من كال الاخ حزام الظهر مجرد ذكر اسمه يكفيني استمد منه قوتي
شلون بية من بعد عيناك ياخوي ربي لاتفجعني بي
عساني كون انا بمكانك جنت احجي وابجي صرت اضرب براسي عالحايط بدون شعور
سمعت اصوات صياح وبجي دخلت للمستشفى ميزت صوت امي وابوي اباوع عليهم شلون ووجوهم مخطوف لونها
ربي طلع اخوي سالم من هاي الشدة
لخاطر ابوي وامي
حليمة : يمة وليدي راح يمة انهجم بيتي
راضي بصوت مقهور: نصي صوتج يامرة
منا الزلم عيب ذكري الله ووحديه
وادعي لأبنج بدال ما كاعدة تولولين
راضي: ضاري يا بعد ابوك خلي عينك على امك
لا تتخربط
انتبهت على اخوي ضاري
ما يبجبي بس ووجهة اصفر مبهوت مثل الي
مامصدك الي كاعد يصير ادري بي
مو هين عليه هذا ضرغامه وهو بالذات دائما وياه بالشغل وايده اليمنى
شوية وانترست المستشفى بالاقارب والاصدقاء
الكل كاعد مترقب وحابسين الانفاس
واجو اهل منذر وعمامه وهم مثل حالنة واسوء
الكل صارو واحد يصبر الثاني عالفاجعة ورة ساعة
طلع الدكتور من الغرفة وركضنا كلنا عليه
الدكتور: وين اهل المصاب منذر
صاح ابو منذر : انا ابوه
الدكتور: الحمدلله على سلامته ابنك كدرنا نطلع
الطلقة من كتفه وضمدنا الجروح وعنده كسر بالايد اليسرى
هسة هو وجهه وجسمه كلة رضوض لتخافون عليه
ابو منذر: يعني اكدر ادخل اشوفه بس اريد اطمن على ابني
الدكتور: لتخاف ما بي شي هسة هو تحت تأثير البنج
راضي: دكتور وضرغام ابني اشو ماكو عن اي خبر لحد الان
الدكتور: ضرغام بعده بغرفة العمليات حالته صعبة والدكتور المشرف عليه بعدة جاي يحاول يسيطر على حجم الخطر
ادعو الله كون تعدي مرحلة الخطر على خير
جانت كلمات الدكتور النة مثل الي يحط صبرنا على نار ويطلب من عدنا الصبر
راضي: ربي لا اسألك رد القضاء وانما اسألك اللطف فيه ربي الطف بحال ابني يا راد يوسف ليعقوب
ردلي ابني سالم وقر عيني بشوفته من جديد
اباوع لابوي نزلت دموعه وبللت لحيته المشيبة
جان شكله يكسر الگلب رغم ابويه عمره ٤٩سنه بس هسه اشوفه مهدود عمره بالسبعين
اتمنيت هذا كلة يكون حلم واصحى منه
بس وين هيهات اخوي كاعد يصارع الموت
بذيج الغرفة وانا كاعد هنا لاحول ولا قوة ما بيدي شي اقدمه الة غير بس الدعاء
شوية وسمعت صوت جدتي
كمت من مكاني ورحت الهة ما اعرف ليش روحي صارت بيها احجي و ابجي مثل الطفل
: جدة ضرغامج محتاج دعائج
الحجية تبجي : ولك يمة ضريّر لا تبجي
اخوك ذيب وبحيل الله يكوم على حيله
فتحت شيلتها وصارت تناجي رب العباد
: ربي بجاه كلمن عنده جاه يمك اريد تردلي وليدي لحضني وتسلمه وتكومه على حيله
اباوع على اهلي انكسر كلبي عليهم
احتاريت اواسي منو بيهم لجدتي التعبانة لو لأمي الي دمعتها ما بطلت لو لأبوي الي وجهة انكلب لونه
حرت اواسي منو بيهم وانا النار تحرك بية
اخوي وحزام ظهري نايم جوة لاحول ولاقوة
جنت كاعد بالكاع وما مهتم لبرودتها
ومتجي راسي عالحايط ومنتظر رحمة الله تنزل علينا ويطلع واحد يطمنا على اخوي هسة كون الصبر ينباع جان اشتريته هسة بعازة كل ذرة صبر تسعفني حتى اتجرع فترة الانتضار بيها
لان راح من ورة الترقب والخوف على اخوي
جانت اصعب لحظات تعدي علية حتى اصعب من لحظة تعرضي للانفجار الي صار بية وبجماعتي بالمقر ما اتذكر منه شي غير نبضة گلبي الخافقة الي بلغت الحجنرة وبعدها ما وعيت الا وانا بحضن ابوي واخوتي
اثاري ضيم اهل المصاب امر من ضيم المصاب نفسه
وبعد فترة طويلة من الانتظار المميت طلعوا اثنين دكاترة من غرفة العمليات طفرت انا اول واحد ورحت ركضت لعندهم
ضرار: دكتور بشر شلونه اخوي
اقترب ابوي وضاري وعمامي التمينا كلنا عليهم نريد نعرف بوضع ضرغام
واحد من الدكاترة جان رجال جبير مشيب ولابس نضارات اما الثاني شاب يجي عمره بنص ال٣٠
حجة الدكتور الجبير
: انتو اهل المصاب ضرغام
راضي: اي نعم دكتور احنا
الدكتور : شوف حجي انت شكلك رجال مؤمن وتأمن بقضاء الله وقدره
ضرار وكع گلبي بين رجلية من حجة هشكل
ضرار: يعني شنو
الد كتور : حقيقتاً المصاب اجانا وحالته كلش حرجة
واحنا سوينا الي نكدر عليه والباقي على رب العباد لكن ما اخفي عنكم ان وضعه جداً خطير وبعده الى الان ما مجتاز مرحلة الخطر
الاصابة جاية على راسه والحوض السفلي من جسمه متهشم وطلعنا رصاصتين من كتفه
لكن الخطر الخايفين من عنده هو الاصابة الي بالراس
راح يبقى بالعناية المركزة وننتظر خلال اربعة وعشرين ساعة
بعدها راح نعرف مدى الاضرار الي اتعرضلها الدماغ اما يجتاز مرحلة الخطر او تسوء حالته لا سامح الله
حليمة : يمة صخام الصخمني يمة بية ولا بيك كون انا الي يلفاني البين كون انا الي نايمة بمكانك
شهكت شهكة وانكلب لونها
ركضت الهة حسيت بيها راح يغمى عليها
وصلت لعندها
وسندتها : يمة كولي يالله اخذتها وكعدتها
ميس تبجي : ضرار اخذ انطيها ماي خلي تشرب
كعدت ميس تدلك بيد امي واني كاعد يم رجليها بالكاع وهي كاعدة عالكرسي
رفعت راسي ولزمت ايدها وبستها
ضرار: يمة من الله يرضى عليج مو زين تسوين هيج بحالج ترة ضرغام محتاج دعائج وماكو احسن من دعاء الوالدة يحضر شدة ابنها
حليمة : يمة مو بيدي غصب عني هذا وليدي وفكة عيني شلون تريد مني ما اموت من القهر عليه
رحاب: ضرار شكال الدكتور
ضرار: والله ياعمة الدكتور يكول وضعه حرج
وكله بيد الله عمة ادعيله
شوية واجوي بيت خالي فاضل واتفاجئت من شفت خالي مازن
انتبهت لامي كامت من مكانها وهمة اجوي لعندها
حضنو اختهم وهي ظلت تبجي على صدرهم
رحت سلمت على خالي مازن الي شكله هسه
جاي من السفر
حليمة : خوية ابو ارشد الحمدلله على سلامتك
شكد جنت منتظرة جيتك يوم يوم بس يا فرحة ما تمت اشوفك اجيت وانا ماموجودة وارحب بيك
مازن باسها من راسها : سكتي ام ضرغام ما تدرين شصار بية من سمعت بالخبر انهد حيلي
جنت ستوني واصل من المطاريحيث بس
نزلت الجنط واجيت بوجهي الكم للمستشفى ضرغام غالي وعزيز علية ما انسى وكفاته وياي
هناك بالغربة ياما مواقف وكفلي بيها ما انساها له
انتبهت عليه جان يحجي بحزن
.....................
ضرار
ورة ثلاث ساعات
بعدما كال الدكتور خففو الازدحام الي بممر المستشفى
لان صارت هوسة. اقاربنا وجماعتنا واقارب منذر وجماعتهم صارت خبصة
فابوي اضطر يرجع الحجية خاجية وميس ومها بيد ضاري وامي مقبلت ترجع اصرت تبقى وما كدر يرفض لان شافها شلون متحطمة ما راد يزيد عليها
وبعض جماعتنا طلعو ينتظرون برة بباب المستشفى وبقينا بس احنا واهل منذر وكم واحد بقينا هنا
سمعنا بمنذر صحى بس كلش متأذي
كال الدكتور لازم ننطيه ابر مسكن الالام لان حتى يكدر ينام
لكن ضرغام بعده فاقد الوعي
طلبت من الدكتور. بعد توسل ان يدخلني اشوف اخوي
قبل بس كال الك دقيقة لا غير وبس انت
وافقت بس اريد اشوفه حتى اطمن عليه
لكن دخلت للغرفة ويا ريتني ما داخل ولا شايف هالمنظر
والله احس انخمط گلبي دخيلك ياالله
هذا مو اخوي هَـذا عبالك واحد ثاني
لوما الوشم الموجود بأكتافه جان نكرته
شصاير بحاله جان وجهه مورم ومتروس كدمات زرك على احمر جان جسمه محاط بالاجهزة وماكو شي يدل عالحياة غير بس جهاز النبض والقلب كان صوته يزيد التوتر والارتباك
اسمع صوته ( طووط .. طووط.. طووط)
احس عبالك عداد عمره كدامي يمشي
التفتت عالدكتور وسألته بخوف
: دكتور گلي اخوي راح يعيش ؟؟؟
الدكتور: كله بيد الله ما اجزم لك بشي
هسة حاليا هو بالانعاش تحت المراقبة
ننتظر يستعيد الوعي والله كريم بعدها نحكم على وضعه
هسة تكدر تتفضل برة خلصت الدقيقية
محجيت شي بس هزيت براسي
طلعت برة الغرفة واتكأت عالحايط
سمعت ابوي يحجي باوعت
انتبهت على ضباط اثنين جايين باتجاهنا
وعرفت هذولي الضباط الي شرفو عالحادث اقتربت منهم وسلمت عليهم وعرفتهم على نفسي وصرت اسألهم عن مكان الحادث واسبابه
الضابط : والله حسب المعلومات الي وصلتنا ان اخوك صاحب السيارة وبشهادة بعض شهود العيان كالو جانت اكو سيارة تطاردهم
عصابة تسليب والظاهر جانو مراقبين اخوك
من طالع من الصيرفة ولاحكينه
طبعاً هاي مو اول حادثة تسليب تحدث وية جماعة الصيارفة كدرنا نعرف واحد من العصابة من خلال كامرات المراقبة الي ناصبينها بباب مكتبكم
عممنا صورة المجرم على جميع نقاط التفتيش وان شاء الله اذا كدرنا نقبض عليه راح نكدر بعدها نوصل عن طريقه للبقية العصابة
ضرار: امانة اذا القيتو عليه القبض
تنطوني خبر
الضابط: ان شاء الله سيدي
بس بلا زحمة لازم واحد بيكم بجي ويانة انت او الوالد او اي واحد ثقة حتى تستلمون الفلوس الي كانت موجودة بداخل السيارة وتوقعون بالاستلام
ضرار: نشكر جهودكم ما تقصرون ان شاء راح انطي للوالد خبر واجي وياكم
............
وبعد مرور اربع وعشرين ساعة من الانتظار والترقب المرافقة للدعاء والتوسل لله لطلب السلامة لاخوي
طلع الدكتور من غرفة ضرغام بعدما اجراله الفحوصات
مشيت بتجاهه واني احس بروحي ماشي
للموت ثكل الساني اريد اسئله سبقني عمي حسن
وسئل الدكتور
حسن.. هَـا دكتور بشر شلون وضع ضرغام
الدكتور.. الحمدلله ابنكم اجتاز مرحلة الخطر
لكن دخل بغيبوبة نتيجة الاصابة بالرأس
انتبهت لأبوي شلون نزل للارض وركع ركعة الشكر
راضي بدموع.. الف الحمدلله والشكر لله
ضرار.. دكتور وشوكت يفوق من الغيبوبة
الدكتور .. ما اكدر اخمن حسب استجابة المريض
احتمال تطول ساعات واحتمال ايام ولا تستغرب
اذا طولت بالاشهر كلشي متوقف على ادراك وستجابة الدماغ للمحيط
