هلا وغلا بالغوالي متابعين الكاتبه #nuha
البارت الاول من الجزء الثالث
#Hoda
#تائهة_بين_اروقة_الماضي
#بقلم_الكاتبة_nuha-d-h
مساء الخير والعافية يا قرائي الاعزاء على قلبي احب اشكر لكم دعمكم لي ولقصتي فبتعليقاتكم الراقية المشجعة التي دفعت بقلمي للعودة الى اكمال الاحداث التي لم تذكر فتعالو معي لنعود من جديد الى باب قصتي االذي لم يغلق ولنرى ماذا يحدث خلفه وما يجري على ابطال قصتي هيام ضرغام ريام ضرار لجين بلال وريتا ميس ايمن رحاب رفاه ضاري رنا ونبراس🌹🌹🌹🌹كلنا نعرف ان نهاية قصتي سبقت احداثها لكن اليوم عدت لأسرد عليكم الاحداث التي لم تكتمل فسوف احكيها لكم وانتم مجتمعون حولي
عودة بالاحداث الى يوم تمثلية الاختطاف
هيام
اباوع لضرار ملابسه مخربطة وجهه كلة تراب وضاري قميصه مشكوك وساند ضرغام الي ملعوب بخلقته طوبة
ضرغام.. ولك اااااخ بوية وين جانتلي هاي انا من تالي عمري هيج اتبهذل واصير قرقوز
الجدة خاجية.. ولك يمة ضرغام الحمدلله سلامتك يمة بالمال ولا بالعيال
ضرغام.. هَـا جدة شنو اشو جني اشوفن دموع بعيونج لايكون خايفة على ضرغامج
.. ولك جدة شعندي غيرك احبل اجيب
اباوع لخالة حليمة خطية انكلب وجها اصفر من الخوف على ابنها وشمرت روحها بحضنه وصارت تتلمس بوجهة وصدره وتبجي ممصدكة عيونها
حليمة ..يمة ضرغام كلي خو ما يوجعك شي كون بية ولا بيك هذا الصار
باس راسها وحوطها بأيده .. لا تبجين يالغالية من عساني رحت فدوة. لهاي الدموع
ضرار.. يمة كافي لاتسويها مناحة هذا هو كدامج واكف سالم ما بي شي
حليمة.. ولك يمة اجيت اموت من سمعت بيك مخطوف ورجلية حيلهم راح
لزمها ضرغام من ايدها واخذها كعدها عالقنفة اباوع عليهم وجسمي بعده كله يرجف من الخوف عليه لوما عيب اروح احضنه واحطة بنص گلبي خطية سودة علية شصاير بي همست وصوتي يرجف من البجي
.. ضرغام الحمدلله على سلامتك رفع راسه واجتي عينه بعيني وضيك عيونه
حجة بصوت تعبان.. الله يسلمج ام علاوي مسحي دموعج لتبجين عفس وجهه بألم
بالله شو تعالي سنديني وصعدنيني لغرفتنا اريد اسبح وارتاح
اقتربت منه وحطيت ايدي على خصره وهو حوط كتفي بأيده جنت امشي وهو مستند علية
.. هَـا يهيام ارتاحيتي من شفتي ضرغامج يتلوع
.. بية ولا بيك اسم الله على اسمك من اللوعة
.. وين جان هذا خوفج بيوم تشوفيني اتلوع كدامكم انتي وجدتج
وصلنا للدرج صعدنا كم درجة من الدرج ودخل خالو راضي وسلم عالكل باوع للوجوه المتكلبة وباوع على ولده مستغرب نتبهت لضرغام غمض عيونه بصبر وهمس بصوت ناصي.. لاصت والله حجي ابد مو وكتك لو بس متأخر شوية على ما واصلين لغرفتنا
عقدت حواجبي مستغربة هذا شيقصد
الحجية خاجية .. يمة راضي الحمدلله على سلامة ضرغام يمة لاتنقهر بالمال ولا بالعيال ودفع الله ماكان اعظم اهم شي سلامة الولد
راضي عقد حواجبه مستغرب
.. خير يمة شصاير وكعتي كلبي شبيهم الولد
سمعت ضاري حجة بصوت ناصي
.. دحنا ورب الكعبة وراح ناكل تبن
ضرار كام يعدل بملابسه وشعره
باوعت على ضاري يعدل بقميصه المشكوك من ردنه ضاري بصوت ناصي لضرار
.. جا انت الا تشك القميص هسة شلون راح نمشي الفلم على ابوك
ضرار.. دكل تبن وسد حلكك
الحجية خاجية.. يايمة جا انتم ما كايلين لابوكم
ضاري.. يالله هاك استلم وهاي جدتك جابت العيد
وراح يصيرن قميصي مشكوك وحلكي راح ينشك من ورة ابوي
راضي.. واحد بيكم يفهمني شصاير
الحجية خاجية .. جا مو اليوم الله ستر زين ما ضرغام صار بي شي يكلك مدري ياهو خاطفه وولدك هاي جيتهم للبيت سودة بوجهي انطوهم فلوس ورجعو ضرغام
انتبهت لضرغام عدل روحه ودار وجهه .. جانت عايزة والتمت
راضي.. خير يمة عودك صدك تحجين لو جذب يا ضرغام وياهو الخاطفه وشلون انخطف وهو ما صارله ساعة من جان يمي بالمكتب مالت الصيرفة
ضرغام .. شوفي جدة انتي مو كلتي وزامطتي وكلتي
ما ارجعلك مريتك الا تحفة وينشلع گلبك جدة انا مو بس حفيت انا اكلت تبن من وراج انتي وحفيدتج الا انا من تالي وكت اصير قرقوز علمود اخلي هيام ترجع على بيتي وهذا انا كلت ووفيت حجايتي خليتها ترجع للبيت برجليها
جان يحجي وهو بعدة عايش الدور مستند علية ومحوطني بأيده من سمعت كلامه اتفاجئت ودفعته عني وحجيت بعصبية. يعني صدك تحجي معقولة انت ضرغام تسوي هشكل بينا وتوكع كلوبنا عليك
زين مفكرت بأمك او ببيبي يصير بيهم شي من الهبطة زين اني الحامل مفكرت يصير عالطفل شي تدري من خوفي اجيت اوكع على وجهي مرتين من الركضة والله اليعلم هسة شنو وضعي يعني معقولة سويت كل هذا الفلم علمود بس تنفذ الي براسك وتمشي كلمتك ويصير التريده غصب عن الكل حتى لو كان على حساب صحة اهلك تدري انت اكبر اناني شفته بحياتي تحب بس نفسك
تركته وراي ونزلت لعند بيبي وكتفت ايدي على صدري وباوعت عليه بعناد
الحجية خاجية.. خايب ايا ملعون يا ابن الملعون ولك ضريغم انا خاجية تضحك علي وتنشف دمي ولك اذا ما اسود وجهك واخليك تعض ايدك ...ودارت وجهة على الولد .. وانتو يا شياطين انا اعلمكم
جان ضاري وضرار واكفين مثل المجرمين
ضاري.. جدة انا ما علية همة اخذوني سحل كلتلهم عوفني الله يخليكم بيبتي الحجية اخاف يصير عليها شي انا احبها ماكو محد سمعلي
الحجية خاجية.. جا يالاغم شمالك جا اذا كلولك ذب روحك بالشط تروح تذبها
ضاري ببرائة .. اي جدة اروح اذبها وامري لله لان اذا ما اشمر روحي همة يشيلوني ويشمروني بالشط بيدهم وتصير سالفتي مثل اخوة يوسف بيوم يذبونه بالبير ترضيها جدة يصير بحالي هيج وانا حبيبج ضاري
الحجية خاجية .. صخم الله وجهكم على هالسواية
جانت تحجي وتضرب على رجلها من القهر
ضرغام.. حجية انا مالي دخل جنت كاعد واجاني ضرار وكلي والي يجيبلك مريتك لعندك للبيت برجليها عاد انا كلتله الله وايدك وهو ماقصر شكله الاستخبارات مأثرة عليه ويريد يطبقها براسنا
ضرار.. اه يعني هيج الحجي صار وطاحت السالفة كلها براسي بس مو صوجك ياخوي صوجي انا الي كسر خاطري حالك وكلت اكسب بيك ثواب وارجعلك مرتك بس همة كالوها سوي زين وذب بالشط
راضي.. لاحول ولا قوة الا بالله يعني ٣ زلم مشوربين تطلعون هيج طلعة والله ما جاي اصدك انا مخلف هيج اولاد
ضرغام.. والله بوية انت تعرفني زين انا ما احب الف وادور جنت ناوي ادخل على بيت عمتي واخذها واروح بيها للزيارة غصب عنها ودار وجهه على بيبي وكمل كلامه
.. شوفي جدة هيام دخلت لبيتي ومالهة طلعة منه الا على جثتي
هيام.. بكل عقلك ارجع بعد هاي الهبطة الي اكلتها
الحجية خاجية.. انتي سكتي خليني انا احجي وياه شوف ولك ضرغام انت الجبتهة لروحك ما دامك هيج سويت وعلى هاي عملتك ما ترجع لك مريتك الا وانت دافع دم كلبك برجعتها
.. جدة انا دم كلبي انتي تعرفينة تعبي وكدي وحلالي هذا دم كلبي وانتي تعرفين اعز شي على كلبي من حلالي هي عمارتي واذا تردين اسجلها بأسمها ..
بقيت واكفة اباوع عليه مصدومة ما اعرف صارت مشاعري متقلبةبين الصدمة والخوف على ضرغام بين التردد والرجوع بتذكير نفسي لان ضرغام سوة الي براسه ورجعني غصب عني هو عبالة ان بمجرد كلمات اعتذار راح يمحي الي صار ويشفي الجرح ومن بعد ما استوعبت الصدمة بديت ارجع شوية شوية للتحفظ من ناحية ضرغام بس رغم هذا كله كدر ياخذ مني استجابة ولهفة وخوف عليه وعرفت بلحضتها اني شكد احبه وحياتي متسوة شي بدونه..جتي ريام وحظنتني .. لج هيومة والله توة نور البيت بوجودج
خطية جانت فرحانة ادري بيها تخاف ابتعد عنها
ضرار.. المفروض تجين تحضنيني الي لان انا صاحب الخطة
الحجية خاجية.. گرت عين امك
ودارت وجهها على خالة حليمة .. اكلج حليمة هم كالولج عالخير من جبتي هذا التيس
ضرار.. رحمة الله والديج حجية كلشي مقبول منج طلعتيني تيس هسة جان وكفت بعينج النجمات الي معلكهن
.. خايب كوم ماتولي انت ونجماتك الفرحان بيهن
رفعت راسي باوعت لضرغام جان يباوعلي وعيونه تحجي بيهم كلام ووعود بعدت نظري عنه حصرتني الضحكة على شكله من صرت اتخيل شكلهم شلون كاعد يخربط بملابسه ويترب وجهه هو واخوانه ههه لا وخطية ضاري مشككين قميصه علمود يمشون الخطة علينا صدك حصرتني الضحكة .. ضرغام شمر سويج السيارة على ضاري
ضرغام.. هاك اخذ السيارة ووصل عمتي هيفاء وبناتها
وباوع لخالة هيفاء وكمل كلامه مسيطر . عمة خلي البنات يحضرن جنطة هيام وغراض علاوي حتى ضاري يجيبهم وياه للبيت خاف هيام تحتاجهم لان الست ما تاركة ولا قطعة ملابس الها بالكنتور
الحجية خاجية .. شوف ولك مو فرحت وعبالك هاي هي رجعت مريتك لحضنك ترة انا بعدني على حجايتي صحيح انت رجعتها للبيت بس ما اخليك تطولها الا من تكمل التحويل ومريتك تبقى تنام يمي لحد ما تسوي الي كلت عليه
فتح عيونه على وسعهن مصدوم . حيييييييل !!! يعني ترديني ابقى بدون مريتي منا لحد ما احول العمارة بأسمها
.. لاتسوي من الحبة كبة ترة هي ما ينرادلها شي
.. جدة تدرين اليوم خميس وباجر جمعة وراها سبت منين الكة واحد كاعدلي بهاي اليومين حتى يمشي المعاملة ترة والله كلها معطلة
.. والله ياجدة هاي جزات الي يكسر حجايتي ويلعب بذيله من وراي
.. جدة بس انا انطيتج كلمتي وانا بكد كلمتي
.. شوف يتربات ايدي هذا الحجي ما يصرف عندي انا اريد كول وفعل وانا كلت وانت تدري بية من اكول حجاية ما اثنيها
.. هو انا هذا القاهرني ادري بيج كول وفعل يعني هسة شنو اليوم ما اخذ مريتي وابني بحضني
شهكت بصوت وحطيت ايدي على حلكي من الفشلة الله يلعن بليسك هذا شكد وكح يحجي كدامهم عيني عينك
.. اي يا ابن راضي اتحمل نام لوحدك منا لحد يكمل التحويل كام من يمنا يدردم ودار وجهه علية
.. بالله شو كومي حضريلي الحمام خلي اسبح مايسوى البهذلة الي اكلتها تاليهاطلعت خسران
باوعت على بيبي وكمت حتى اصعد وياه احضرله الحمام بس حسيت على ايد بيبي لزمتني من زندي
الحجية خاجية .. بالله شوكعدي يالعوبة وين رايحة
ضراغام.. شنو ليش تكعد اريدها تكوم تحضرلي حمامي
.. خايب ضريغم هذني سوالفك ما تعبر علية يتربات ايدي اعرف زين تريد تاخذ الفرخة وتستفرد بيها فوك
ضرغام بغيض.. وهي شبيها الفرخة ماعندها السان وانا اقشمرها واستفرد بيها جان يحجي ويباوع علية
.. ادري بيها فاهية وما تكدر عليك تاكل عقلها بجم كلمة
ظليت فاتحة حلكي على حجيها وية صرغام سووني مزق بينهم ..باوع على بيبي بغيض
.. ما اكول غير الله يرحم جدي عليج
تركنا وطلع صعد فوك لغرفتنا انتبهت لعلاوي زحف وراد يصعد ورة ابوه فوك رحت عليه وشلته
الحجية خاجية.. جيبي وتعالي وراي لغرفتي عندي كلمتين احجيهن وياج
استندت على عصاتها وكامت خطية الجلطة هواي اخذت من صحة بيبي خاجية
راحت للغرفة واني التهيت اسكت بعلاوي الي كام يبجي يريد يصعد ورة ابوه رحت غسلت له ودخلت على بيبي جنت انشف وجه علاوي وبيبي خاجية حجت
.. شوفي جدة هيام اذا تردين ترجعين لرجلج ونفسج بي كولي ترة انا ما امنعج عنه وحرام علية افرق بين المرة ورجلها بس خلي ببالج انا هذا الجاي اسويه كله لمصلحتج حتى يتوب يغلط بحقج بدون ما يسوي حسابج
هيام.. لا بيبي اني وياج بكلشي شنو تكولين عليه اني موافقة
.. الله يكملج بعقلج ويكمل ذيج اختج الغبرة وتثكل وتصير مثلج زرنة
ابتسمت على حجي بيبي دخلت ميس .. اكلج ياحلوة بالله شو تعالي شرفي وياي عالمطبخ امي خلت العشا علية وكالت لي اني اسويه لان هي ما بيها حيل راسها يريد ينفجرً
.. خطية خالة بس لا ارتفع الضغط عندها من ورة اخوانج
ميس.. هو بس ضغط امي ارتفع حتى اني ضغطي ارتفع
جنت امشي واحجي وياها دخلنا للمطبخ .. يبوي لج هاي حتى انتي من الهبطة اتخربطتي
ميس.. لا خية مو من الهبطة انا ارتفع ضغطي من عملت اخواني بيوم رجعوج للبيت
.. ليش ولج مفرحانة اني رجعت لأخوج
.. لاخية مفرحت يعني بربج شسوي بيج هنا شستفاد منج بالله كليلي بعد شلون راح اكدر اشوف ايمن ..خرب شكول عليكم اخواني خربتو علية اللحظة ..ولج هيام هو ستوة يالله بدة يتقرب مني ويسولف وياي
بدون ما نتعارك لان انا وياه ما نسولف الا تنكلب عركة ونصير من الروس من جنا صغار لحد ما كبرت بس تدرين شوكت بدة يتقربلي من بديت اغير بنفسي وتصرفاتي
هيام .. متأكدة من روحج اتغيرت تصرفاتج كلها
ميس بضحكة .. لا مو كلها تصرفاتي اتغيرت
بس شوية كم شغلة ما اكدر اغيرها مثلا بعدني العب ابلاي وية اخوي ضاري واولاد مها..وبعدني اشجع نادي برشلونة واتعارك وية ضاري علمود الاندية الاسبانية وعندي ولع بيهم لدرجة اكتل وانكتل عليهمحتى صديقاتي يصيحولي ميسي مو ميس
هيام.. خرب يعني صرتي لاعب بفريق برشلونة خربتي ام الانوثة يعني وين التغيير الي تحجين عليه
جنت احجي وياها واطلع الكبة من فريز الثلاجةاحس بروحي انطلقت بالبيت صحيح بيت خالتي هيفاء مامقصرين وياي بس جنت احس بالتقيد بس هنا بيتي يعني حريتي اتحرك براحتي احجي واسولف عادي ما استحي من الولد كلهم حمويني اخوتي
ميس.. التغيير الي صار ملابسي شعري تركته يطول ..صرت احجي بصوت ناصي والم حلكي من اكل
هيام.. لج ليش تغييرين نفسج علمود شخص
المفروض تتغيرين علمود نفسج ..دخلت علينا رفاه جانت تباوع علية ومترددة تسلم علية بادرت بالسلام لان خطية هي مالها ذنب بتصرفات اختها
هيام.. هلا رفاه شلونج
اجتي لعندي وسلمت
رفاه .. هلا بهيومة نورتي البيت برجعتج يارب يهدي سركم انتي وضرغام
احس عندها كلام وتريد تحجيه
.. تسلمين حياتي
.. هيام اني اعتذر عالصار
.. على شنو تعتذرين ليش انتي شنو دخلج
.. اني اعرف بيج انتي هسة شايلة بخاطرج علية وزعلانة مثل ما ريام زعلانة علية
لان اني جنت اعرف بسالفة رنا وسكتت
.. لا انتي ما جنتي ساكتة عنها انتي جنتي متعرفين بأختج محاجية لضرغام ومن عرفتي بضرغام ميدري رحتي بلغتي زوجج وهذا يثبت صدق كلامج
رفاه.. يعني انتي مصدكتني اني مالي يد بالموضوع
هيام.. اي اني مصدكتج
انتبهت عليها شلون الدموع صارت تلالي بعيونها
.. يعني هسة انتي مزعلانة مني
.. على شنو ازعل على اختي الصغيرة
.. هيام اشكرج لان انتي الوحيدة صدكتيني متعرفين هذا الشي شكد مهم عندي
جنا نحجي ودخلت ريام للمطبخ
وباوعت على رفاه ورفعت حاجب عرفت بأختي شانة الحرب على رفاه اعرف ريمة مراح تسكتلها وراح تحاسبها على فعلة اختها ...رجعت التفتت علية وحجت
ريام.. هَـا انتو هنا واني ادور عليكم
ميس.. هسة اليسمعج يكول كاعدة بالغابة وتدور علينا
ريام.. عوبة قصدي رحت لغرفة بيبي وما لكيتكم ....هيام اتذكرت شغلة ضرار كمل اوراق النقل مالت الكلية وان شاء الله راح ابدي دوام يوم الاحد هذا
رفاه .. اي راح تداومين وياي بنفس الكلية حتى نروح اني وياج سوية
اباوع لريام غلست عليها ومجاوبتها ورجعت تحجي وياي ولاعبالك واحد حجة وياها وهذا الشي ما اقبل عليه
هيام.. ريام ترة ما اقبل عليج تعاملين رفاه هشكل هي مالها ذنب بغلطة اختها
ريام.. يعني شفتي شلون انزعجتي من شفتيها مقهورة ودتعاني من صدي وبرودي وياها لعد اني شنو ذنبي من اشوف اختي تموت باليوم تموت الف موته والسبب كلة منها ومن اختها وسكوتها عم على حياتج ولحد هذا يومج انتي دتعانين من مخلفات مصايب رنا
.. ريام خليج انتي احسن منها وعامليها برحمة هي هم مثل اختج الصغيرة
.. اني ما عندي اخت خبيثة
.. لج ريااااام عيب!!!
ميس.. كافي بنات نصو صوتكم
هيام اتركي ريمة حقها تنقهر وتزعل خليها للايام هي كفيلة بالنسيان وتصالحها من تشوف نفسها مستعدة
.. هو اني صاحبة الحق واني سامحتها ليش هي معندة وية البنية
.. هيام اني مو مثلج گلبي طبب وبسرعة انسى
رفاه.. عفية هيام لتضوجين وتتعاركين وية اختج علمودي
جاي اريد احجي ودخل ضاري وشايل بيده قميص
.. ميس عفية تعالي لحظة بس اكوي لي القميص
انتبهت لرفاه راحت لعنده
.. انطيني اياه اني اكوي الك
مدت ايدها اجتي تاخذه وهو سحب القميص وحطه وراه وحجة وياها بجفة وببرود
.. لا ما يحتاج ميس تكوي الي ..جان يحجي ويباوع على ميس
ميس بضجر .. الله الج يا ميس بخيرهم ما خيروني بشرهم عمو علية
راحت لعند اخوها واخذت منه القميص . جيب امري لله عود اتذكرني من تتصالحون
وتطلعون مطاعم ومولات لوحدكم سوية مو بس تذكرني من تتزاعل وية مرتك
خرب يومج ميس ولا تكعد ام السان صدك لو كالت تربات خاجية اخذته وراحت
سمعت صوت شهكة بصوت ناصي التفتت وشفت رفاه دتبجي على صفحة وترتب ميز الطعام انتبهت لضاري باوع عليها وطلع ورة ميس استحيت احرجها وأسألها شبي ضاري وياها اقتربت من ريام
.. هذا شبي وية مرته
.. هذا مزاعلها من اليوم الي بلغته على عقم اختها بيومها صارت عركة بينه وبينها يكول هي وين جانت طول هاي المدة ومحجت عن اختها
هيام.. هاي شبيكم عالبنية ترة والله خطية حتى بعدها عروس ادري هي وين تدري بأختها محاجية قابل تشم ايدها وهسة من اتزوجت واجتي للبيت اكتشفت الصاروحجت يعني مو بيدها الموضوع
صدك انقهرت عليها رحت لعندها .. رفاه مسحي دموعج وصيري سباعية وسمعيني زين شنو راح اكلج
رفاه
كلام هيام وياي خلاني ارتاح وشجعتني حتى ما انطي مجال لضاري يستقوي علية وكالت لا تعودينه يزعل حتى ما يبعد عنج رحت صعدت فوك شفته يلبس بقميصة ..يالله والله مشتاقة لحضنه ولصدره ليش اني هيج متأثرة على زعله وهو هشكل ممتأثر
رفاه.. ضاري اني رحت اعتذرت من هيام وسامحتني وقبلها اعتذرت من ضرغام وفهمته الاشكال الي صار وياي واني انسان وجل من لا يسهو وانت تدري كلش زين من عرفت بسكوت رنا كبل رحت صححت غلطتي وبلغتك وهسة بعد هذا كله حتى اصحاب الشأن قبلو اعتذاري واني رغم السويته بية ومديت ايدك علية وضربتني سكتت ومحجيت شي واجيت اعتذرت منك وكلتلك حقك علية ادري مو هين الي صار باخوك وحياته اتدمرت من ورة اختي بس اني شبيدي عليها
ضاري ببرود وكف كبال المرايا مد ايده على كريم الجل وصار يرتب بشعره ويمشط وهو يباوع بالمرايا
.. وهسة شنو تردين مني بالضبط
.. ما رايدة منك شي بس جاية اكلك انت بعد مالك حق تزعل علية واذا بقيت على هذا برودك وياي اني ما اجبرك بس خلي ببالك اذا طالت السالفة راح تتعدة على حياتنا وبوقتها راح تصير المسألة مو بس قصة اخوك وزوجته واختي لا راح تصير بيني وبينك انت متريدني واتخذت مشكلة اختي واخوك حجة علمود تختل وراها وتبتعد عني
ضاري.. انتو هاي مشكلتكم بيت خالي فاضل كلشي عندكم تحورنه وتكلبونة لصالحكم وتطلعون نفسكم انتم المظلومين يعني برأيج انا مالي حق ازعل على كسرت اخوي تدرين شنو المشكلة وليش انا ضايج ومقهور منج
لان حضرتج هواي مستهانة بالمصيبة ولج اخوي من ورة اختج اتهم هيام وطعنها بشرفها وهي حامل ولج تدرين كلش زين وصلو للطلاك من ورة اختج وانتي جايتني تتنغوصين وتحجين بكل كواة عين وتكولين مصار شي انتي عبالج اذا اعتذرتي بكلمتين راح يطيح الحطب وترجع المياه لمجاريها ولا كأنما شي صاير .لا رفاه صحيح اعتذرتي من هيام وضرغام وهمة سامحوج من باب الاخلاق والادب بس اعتذراج مسوة شي لحياتهم بعدهم اثنينهم ديعانون من الصد والجفة والفراق واني بالمقابل اريد هذا يصير الج درس وتعرفين شلون الواحد يعاني من يفترق عن حضن محبوبه وشوفي نفسج شكد مقهورة ومهضومة على حالج وباوعي لهيام وضربيها في اضعاف لقهرها من فراك وزعلها من زوجها
انتبهت عليها دنكت ومحجت اي شي غير بس كلمتين
.. خلاص هذا هو اشكرج لان نورتني وعرفت مكاني وين وبعد اوعدك منا ورايح مراح اركض وراك واتوددلك علمود تسامحني حتى ما ازعجك بمحاولات التقرب منك لان لهنا وكافي لكلشي له حد اني هم ما ارضاها على نفسي انذل اكثر من هيج
درت وجهي واني ميتة قهر ياربي والله حتى بعدني عروس ومصارلي شهر ونص من اتزوجت وهذا حالي هيج يصير بية شكول عليج يا رنا سودتي عيشتي
هيام
الولد كلهم طلعو بقة بس خالو راضي واجة خالو مؤيد وبقة عالعشا عدناحطينا الاكل وكعدنا كلنا وخطية خالة حليمة بعدها معصبة راسها وشادته من ورة موقف اليوم صحت لخالة رحاب وبيبي واجوي كعدو يمنا
مؤيد.. انتو شنو سالفتكم اسافر وارجع وانتو كله مشاكل واكشن
رحاب.. والله عبالك دتحجي الي بكلبي
اني هم من رجعت من العمرة صارلي يومين لحد هسة بس مشاكل .. يعني اريد افتهم منهم شي ماكو ..واخر شي اجوي ولد اخوك وكملوها بسالفة الخطف
مؤيد.. هههههه والله صدك فلم
خوية راضي هذولي ولدك لازم يسون عليهم حجر صحي لان هذولي وباء اخاف ينتشر
راضي.. جا اذا هشكل ياخوي اخذ ولدك وياك من تطلع اخاف يعدونهم
الحجية خاجية.. شوف ولك مؤيد انا احجي عالولد اطيح حضهم اي بس ما ارضى عليكم تحجون عليهم بيك خير خلي ولدك من يكبرون يصيرون زلم حوك مثلهم
مؤيد.. والله والنعم منهم بس يمة عليج الله ضرغامً مو كدر يسوي البراسه ويرجع مرته
وانتي ما سويتيله شي اشو عصاتج بس كادرة علينا
الحجية خاجية.. ومنو كلك انا راح اعديها الة ..بس خل يصبرلي
اجة ضاري بالليل وجايب غراضي اني وعلاوي
الحجية خاجية.. لتصعدين غراضج حطيهم بغرفة ميس
.. ان شاء الله بيبي
خلصت تعديل الملابس مطلتعهم كلهم من الجنط..اخذتلي ثوبي الفانيلا القصير الاحمر وطلعت لعلاوي بجامة للنوم وكم شغلة الي استعداداً للنوم ...دخلت ميس علية وكالت
.. بيبي خاجية تكول خليها تجيب فراشها وتجي تنام يمي هي وابنها
رحت اخذت الغراض وكعدت ابدل ملابس علاوي يمها وحجيت
.. بيبي اخاف علاوي يزعج نومج بالليل
.. لا جدة عادي خليه ترة انا متعودة على الصغار وهوستهم مو جديدة علية ليش ابوه مو جان ينام كلة بحظني من جان بعمره
ابتسمت .. الله يخليج النا
دخل ضرغام وضرار ولبست شالي سلمو على بيبي خاجية وكعدو يمها انتبهت لضرغام يباوع عالفراش بالكاع وضيك عيونه
ضرغام.. هذا المن الفراش
الحجية خاجية.. هذا لمريتك وابنك خلهم ينامون يمي
ضرغام.. يعني بعدج مصرة على حجايتج ما راح تغيرين رأيح وتحنين علية وعليها
هيام.. اني طلبت من بيبي انام يمها يعني هذا مو بس قرار بيبي
رفعت حاجبي اباوع على علاوي يلعب بحضن ضرار ونوب يرجع يزحف يلعب بحضن ابوه مسويهم لعبةضرار كام واترخص
ضرار.. يالله تصبحون على خير
الحجية وانت من اهل الخير
طلع ضرار والتفتت على بيبي .. عفية بيبي اني راح ادخل اسبح بس عينج على علاوي
ضرغام صار وجهه ينطي الوان
.. جدة وياج صيحي على ميس خلي تجي يمي اخاف هذا ما اكدر عليه
ضرغام.. روحي سبحي ميحتاج تصيحين لميس انا موجود عيني عليه
طلعت رحت للحمام يصير بصف غرفة بيبي وجان ليل وهسة الولد ضرار وضاري فوك بغرفهم سبحت وبدلت وطلعت بسرعة اخاف علاوي يبجي لان هو بي طبيعة من ينعس يبجي دخلت واتفاجئت بضرغام نايم بفراشي وعلاوي نايم بحضنه وبيبي متمددة عالسرير وكاعدة تسبح وتستغفر بالسبحة شافتني
الحجية خاجية.. نشفي راسج لاتتمرضين
جففت شعري بالمنشفة واني اباوع على ضرغام شلون نايم زين هسه شلون هذا نايم بمكاني ..كملت تمشيط شعري ورفعته والتفتت لكيت بيبي نايمة رحت جبتلي فراش ثاني وحطيته بصف علاوي ابني
من الجهة الثانية اتمددت واتغطيت بنفس بطانية علاوي جنت كلش تعبانة درت وجهي على ابني وبديت على كيف اسحبه من حضن ضرغام ما اعرف انام اذا مو ابني بحضني قربته علية واخذته لحضني حسيت بالراحة رفعت عيني وباوعت لضرغام رايح بسابع نومة غفيت على صورة ضرغام وهو نايم ..ورة فترة ما اعرف شكد بجى علاوي كعدت اسويله ممية انطيته وكعد يرضع ..اجيت ارجع انام حسيت بحركة رجلين ضرغام حاوطت رجلية كلبي كام يدك حيل ما اعرف شصار بية باوعت شفته نايم ومتغطي ويانة بنفس البطانية كلت نايم وميدري بروحه رجعت اريد انام حسيت بحركة سريعة من الخطفة التفتت اريد اباوع شكو ماحسيت الا وضرغام نايم وراي انخبصت ومعرفت شنو اسوي
همس باذني .. اشششش لتحجين لتسمعنا جدتي وتكعد
همست بصوت مخنوك.. ضرغام شبيك ترة انت موجاهل شنو هاي التصرفات
ضرغام.. ليش هو الي يريد ينام بحضن مرته يصيحونه جاهل؟؟
.. منو كلك اني اقبل تقترب مني
اجة كلبي يكمز من مكانه
همس يم اذني وهو محوطني بأيديه
.. انا ما احتاج اذن اذا اريد اقتربلج
بالله شو تعالي دارني عليه وهمس بصوت مبحوح
.. لج والله مشتاقلج بكد رحمة الله ماتعرفين كلبي شلون متشعوط عليج يمكن لو الزمج احتمال اكلج كلج وما ابقي بيج شي صاحي واطلع حركة كلبي كلها بيج قربني منه
.. اريد اشمج اريد احضنج ...مكمل كلامه صار الفعل ابلغ من الكلام
نسيت نفسي بين ايديه وضعت وفقدت السيطرة على نفسي وصرت تحت امر لمساته عقلي انقفل وصار الگلب هو الامر الناهي حسيت على حركاته صارت اكثر جرئه و للحظات نسيت نفسي اني وين وشنو كاعد نسوي وبعدين انتبهت دفعته من صدره واني اتنفس بلهفة
.. لك ضرغام عيب منا بيبي والله زحمة
يتنفس بسرعة وجاوبني .. من احتركت عشيرة ضرغام
رفع راسه وباوع على سرير بيبي ورجع همس بأذني بصوته الخشن
.. شوفي انا ما راح اكدر اخذ راحتي وياج هنا وجدتي فوك راسنا سمعيني زين انا راح اكوم على كيف واتسحب واطلع كدامج وانتي تعالي وراي على كيفج حاولي متطلعين صوت جان شكلنا مثل الحرامية الي يتفقون على سرقة بنك بس احنا مو دنسرق بنك لا احنا دنسرق لحظات شوكنا ولهفتنا لحتى نكون بأحضان بعض
رجع اكد علية مو تنسين على كيفج تطلعين لتخلين جدتي تحس علينا يالله انا طالع
اباوع عليه قبل لا يكوم اخذ شفايفي بين شفايفه وابتعد بلهفة .. مو تنسين انتظرج
راح يمشي على اطراف اصابعه مثل الحرامي وفتح الباب على كيفه جنت اباوع بترقب ونظراتي ما بين بيبي خاجية النايمة عالسرير وما بين ضرغام الي طلع وترك الباب وراه شوية مردود ...اتنفست براحة كمت من مكاني وعدلت غطة علاوي وعدلت ملابسي واتجهت على كيف للباب اريد اطلع فجاءة سمعت صوت بيبي
الحجية خاجية.. هَـا وين مولية بتالي الليل
كمزت من مكاني والتفتت عليها ووجهي احمر من الفشلة الحمد لله الضوة مطفي وماكو بس الضوة العابر من فتحت الباب والله لو تشوف شكلي وهوستي جان انحجت حجايتي بلعت ريكي وجاوبتها امتمت واشرت عالباب وراي
.. اااااا بيبي جنت اريد اطلع اشرب ماي
باوعت علية ورجعت باوعت على مكان ضرغام ضيكت عيونها بتركيز وحجت
..ولج هَـا يالعوبة كدر يضحك عليج بكلمتين وقشمرج حتى ترحين وراه تركضين
يبووووو ياكاع انشكي وبلعيني خرب
.. ااا هااا بيبي شنو مفتهمت منو قشمر علية
.. خايبة الغمة لاتسوين روحج ماتعرفين على شنو احجي احجي عالتيس الي لعب بعقلج ويريد يجرج وراه وانتي من الثوالة بسرعة سلمتي الاول والتالي ورايحة تمشين مثل العمية لعنده
والله حصرتني البجية من ورة كلام بيبي ما اعرف اكره روحي مدري اكره ضرغام الي غواني ولعب بعقلي وخلاني انسى نفسي وزعلي سمعت بيبي خاجية تحجي وياي
.. يالله روحي قفلي الباب وردي نامي
وثكلي وبيج ما بيج بيعي ثكل لا تصيرين سهلة جوة ايده ترة كل سهل يقل مقداره
هزيت راسي بالموافقة بدون ما انطق بحرف واحد من الفشلة سديت الباب وقفلته ورجعت نمت بمكاني واني افكر بالبلوك الي راح ياكله ضرغام صرت اتكلب بالفراش
اتمنى اطلع كلبي واعاقبه على لهفته لحضن ضرغام ..عقلي فرحان بكلام بيبي وقلبي ينبض حيل مخذول يريد ضرغام صرت محتارة ما بين عقلي وكلبي تالي استسلمت لعقلي واتريثت وغطيت بالنوم بدون ما احس كعدت يوم ثاني على صوت بيبي وعلاوي صاعد على راسي يسحب بقراصة شعري ..رمشت بعيوني كوة افتحهم من النعاس باوعت للساعة جانت الساعة ب٨ الصبح سحبت شعري من بين ايديه
.. ااخ ولك اخ علاوي شعري
الحجية خاجية.. خليه يمشع بشعرج ويلعب عليج مثل ابوه ترة هذا ابن ابوه
حسيت بالمسمار وعرفتها شتقصد صخنت من اتذكرت موقف البارحة الله يلعن بليسك ضرغام
باوعت بيبي كامت من مكانها وهي تصلي عالنبي وتدعي طلعت من الغرفة واني
كمت لميت شعري وبدلت دشداشيتي ولبست شالي لان اليوم جمعة والولد كلهم بالبيت
واخذت علاوي وياي للحمام واني اتمنى ما اشوف ضرغام
خلصت تبديل علاوي ودخلت للمطبخ جان محد كاعد بس خالة حليمة وخالو راضي محضرين الريوك اجيت وكعدت يمهم وعلاوي شمر نفسه على جده واخذه مني
جنا دنتريك وسمعت صوت ضرغام صبح علينا وخزرني حواجبه معكودات ووجهه ما يكصه السيف مبين واحد مضروب بوري راح لعند بيبي وباسها من راسها اجذب على روحي لو كلت ما مشتاقه لحضنه
والدليل رجفة كلبي وجسمي جوة ابده احس النبض وصل لركبتي وحرارة خدودي فضحتني
قربني منه.. اريد اشمج اريد احضنج ..مكمل كلامه صار الفعل ابلغ من الكلام
نسيت نفسي بين ايديه وضعت وفقدت السيطرة على نفسي وصرت تحت امر لمساته
عقلي انقفل والقلب هو الامر الناهي حسيت على حركاته صارت اكثر جرئه ورفع ملابسي
للحظات نسيت نفسي اني وين وشنو كاعد نسوي ..دفعته من صدره واني اتنفس بلهفة
.. لك ضرغام عيب منا بيبي والله زحمة
يتنفس بسرعة وجاوبني .. من احتركت عشرة ضرغام
رفع راسه وباوع على سرير بيبي
ورجع همس بأذني بصوته الخشن
.. شوفي انا ما راح اكدر اخذ راحتي وياج هنا وجدتي فوك راسنا
سمعيني زين انا راح اكوم على كيف واتسحب واطلع كدامج وانتي تعالي وراي على كيفج حاولي متطلعين صوت
جان شكلنا من الحرامية الي يتفقون على سرقة بنك
بس احنا مو دنسرق بنك لا
احنا دنسرق لحظات شوكنا ولهفتنا لحتى نكون بأحضان بعض
رجع اكد علية مو تنسين على طلعي لتخلين جدتي تحس علينا يالله انا طالع
اباوع عليه قبل لا يكوم اخذ شفايفي بين شفايفه
وابتعد بلهفة .. مو تنسين انتظرج
راح يمشي على اطراف اصابعه مثل الحرامي وفتح الباب على كيفه جنت اباوع بترقب ونظراتي ما بين بيبي خاجية النايمة عالسرير وما بين ضرغام الي طلع
طلع وترك الباب وراه شوية مردود
اتنفست براحة كمت من مكاني وعدلت غطة علاوي
وعدلت ملابسي واتجهت على كيف للباب
فجاءة سمعت صوت بيبي
الحجية خاجية.. هَـا وين مولية بتالي الليل
كمزت من مكاني والتفتت عليها ووجهي احمر من الفشلة الحمد لله الضوة مطفي وماكو بس الضوة العابر من فتحت الباب والله لو تشوف شكلي وهوستي جان انحجت حجايتي بلعت ريكي وجاوبتها امتمت واشرت عالباب وراي
.. اااااا بيبي جنت اريد اطلع اشرب ماي
باوعت علية وجعت باوعت على مكان ضرغام ضيكت عيونها بتركيز وحجت
..ولج هَـا يالعوبة كدر يضحك عليج بكلمتين وقشمرج
حتى ترحين وراه تركضين
يبووووو ياكاع انشكي وبلعيني خرب
.. ااا هااا بيبي شنو مفتهمت منو قشمر علية
.. خايبة الغمة لاتسوين روحج ماتعرفين على شنو احجي احجي عالتيس الي لعب بعقلج ويريد يجرج وراه
وانتي من الثولة بسرعة سلمتي الاول والتالي
ورايحة تمسين مثل العمية لعنده
والله حصرتني البجية من ورة كلام بيبي ما اعرف اكره روحي مدري اكره ضرغام الي غواني ولعب بعقلي وخلاني انسى نفسي وزعلي
انتبهت على بيبي خاجية تحجي وياي
.. يالله روحي قفلي الباب وردي نامي
وثكلي وبيج ما بيج بيعي صكل لا تصيرين سهلة
جوة ايده ترة كل سهل يقل مقداره
هزيت راسي بالموافقة بدون ما انطق بحرف واحد
من الفشلة سديت الباب وقفلته ورجعت نمت بمكاني
واني افكر بالبلوك الي راح ياكله ضرغام
صرت اتكلب بالفراش
اتمنى اطلع كلبي واعاقبه على لهفته لحضن ضرغام
عقلي فرحان بكلام بيبي
وقلبي ينبض حيل مخذول يريد ضرغام
صرت محتارة ما بين عقلي وكلبي
تالي استسلمت لعقلي واتريثت وغطيت بالنوم بدون ما احس
كعدت يوم ثاني على صوت بيبي وعلاوي صاعد على راسي يسحب بقراصة شعري
رمشت بعيوني كوة افتحهم من النعاس باوعت للساعة جانت الساعة ب٨ الصبح سحبت شعري من بين ايديه
.. ااخ ولك اخ علاوي شعري
الحجية خاجية.. خليه يمشع بشعرج ويلعب عليج
مثل ابوه ترة هذا ابن ابوه
حسيت بالمسمار وعرفتها شتقصد
صخنت من اتذكرت موقف البارحة
الله يلعن بليسك ضرغام
انتبهت لبيبي كامت من مكانها وهي تصلي عالنبي
وتدعي طلعت من الغرفة واني
كمت لميت شعري وبدلت دشداشيتي ولبست شالي
لان اليوم جمعة والولد كلهم بالبيت
واخذت علاوي وياي للحمام واني اتمنى ما اشوف ضرغام
خلصت تبديل علاوي ودخلت للمطبخ جان الكل
محد كاعد بس خالة حليمة وخالو راضي
محضرين الريوك اجت وكعدت وعلاوي شمر نفسه على جده واخذه مني
جنا دنتريك وسمعت صوت ضرغام صبح علينا وخزرني حواجبه معكودات ووجهه ما يكصه السيف مبين واحد ضايج راح لعند بيبي وباسها من راسها وكعد يمها وهو يباوع علية وعيونه بيها حجي هواي يمكن لو لوحدنا احتمال يخنكني لو يشبعني بسط
باوع على امه وحجة
.. هَـا يالغالية بشريني شلونج اليوم
حليمة.. اسكت البارحة الليل كله ما نمته من ورة الوجع
.. سامحيني يمة ومسحيها بوجهي عساني انا بمكانج
حليمة.. اسم الله على اسمك يمة
الحجية خاجية.. اي حليمة ما اوصيج انتي همين صيري غمة وبسرعة سامحيه خلي يضحك عليج بهاي الكلمتين مثل ذيج المرية البارحة اجو يقشمرونها ويضحكون عليها
بس همة عليمن اجو.. اجوي علية انا خاجية ويردون يعبرون الماي من جواي عباله ما اعرف بسوالفه
جان ضرغام ياكل صمون وبيض ويشرب جاي من حجت بيبي خطية فجاءة غص بأكله ووجهه صار احمر خالة حليمة ضربتهزعلى ظهره
.. يمة اسم الله عليك شبيك غصيت
اخذ كلاص الماي من ايدها وشربه
وباوع على بيبي
.. هَـا جا شعبالك راح تعبر علية سوالفك بيوم تجيني بتالي الليل وتتحجج بأبنك
.. اي يجدة خليج دوم حذرة مني
ما اوعدج اصير حباب وية بنت بنتج راح اضل احوم عليها مثل الذيب لان انتي ربيتي ضرغامج ما يتنازل عن حقه وهيام حقي وحلالي
خلص الريوك وكام من مكانه وطلع بدون ما يلتفت
(((((((((()))))))
ريام .. هاي شنو عيني شطالعة المن هاي الكشخة كلها ..شنو عندج طلعة
ميس التفتت بكلا الجانبين
.. ولج نصي صوتج فضحتيني ياعوبة
ريام.. كولي وين طالعة
.. ما طالعة بس اني هيج عاجبني اريد اكشخ واعدل بنفسي
ريام.. هااا يعني مو علمود بيت خالة هيفاء راح يجون انتي هشكل لابسة
حطيت ايدي على حلكها
.. الله ينعل بليسج على هالصوت خرب لج منا جدتي لا تسمعج
وخرت ايدها .. اي احسن ما تجين الا بالعين الحمرة حتى مرة ثانية من اسألج تجاوبين
ميس.. بس سكتي وانا احجيلج
.. يالله انطقي غردي خلينا نسمع
.. اوف منج شكد لزكة
اليوم عهود اتصلت وكالت راح نجي اني وامي وايمن بعد انتي تعرفين من راحت هيام زعلانة عندهم صار ايمن يتقرب مني ويسولف وياي ودائما احس بي يستغل الفرصة حتى يكعد وياي ويحجي وهواي يسألني عن دراستي والكلية
قاطع كلامنا اصوات جهال مها يوسف وسيف يلعبون بلاي انتبهت على ميس كامت من مكانها وراحت كعدت يمهم واخذت اليدة من ايد سيف وكعدت تلعب
.. مو بيدج تبقين ميسي
.. هو اكو احلى من ميسي فديته
يالله وخري من وجهي لا تدوخيني
.. حرامات كل هاي الكشخة والترتيب
جنا نحجي ودخلو بيت خالة هيفاء
♥♥♥♥♥♥♥♥♥♥♥♥
