❤❤❤
مسائكم فوز وفرحه الله
يديمهه عله العراق نشالله
الف مبرووووووك الفوز للعراق💃🇮🇶
الكاتبه WhiteRose557
# الاستاذ والمشاكسه
.......
لا شيء يؤلم أكثر من تلك الأحزان التي تأتي دفعة واحدة أن تشعر أنك مثقل ولم تعد كالسابق أن لا تستطيع التفوه بكلمة وأن تختار الصمت بدلاً عن ذلك،أن تتلاشى رغبتك بالقراءة والنوم والحياة
......
زينب : ما كو شي اصعب من انو نفقد شخص عزيز علينه شعور ولا اسوء من هيج اسبوع من الاحزان جان طويل كلش طول بيبي جانت من اطيب الناس المرت عليه بحياتي ما جنت متوقعه نفقدهه بهاي السرعه هيج بدون مقدمات فارقتنه واثرت بينه وخلت بنفوسنه غصه وخاصه الاستاذ علي النهار بشكر مو طبيعي عله امه البتعد عنهه بسببي اي بسببي وهاذ الشي زاد تانيب الضمير عندي اضعاف اتذكر بيوم السمع بالخبر جان الضهر عدنه محاضرا ودك نقاله ما جاوب بس من بقى يلح بالاتصال اعتذر من عندنه ورد عله النقال جنت مراقبه ادق حركاته شلون تحولت عيونه حمر وطفرت الدمعه منهه رتخت ايده اوكع النقال والقلم جان بحاله صدمه للحضه توقعت انو بابا صار عليه شي لان بقى يباوع علي وطلع مستعجل الكل بقى بصدمه احس رجلي بعد ماتشيلني ستجمعت قوتي وركضت ورا وطيبه وراي شفته متوجه للكراج السيارته ضل يضرب عل سياره ويصرخ ودموعه تصب منضرا يفجع كعد بالارض وخله اديه عله راسه بجزع تقربت منه وكعدت كدامه وجسمي يرجف كتله برجفه
...... ستاذ بببابا باوعلي بنضرا اول مرا اشوفهه نضرت حقد اي اني حسيته حاقد علي وكارهني نضرته كطعت كلبي وكلمته ذبحتني
علي : لا مو ابوج امي ماتت بحسرتي ماتت وهيه زعلانه مني لان بعدت عنهه بببسبببببج ماتتتتت قبل لا اودعه وكله بسبببببببببببج
زينب : دفعني وكام خلاني بصدمتي ماقهرني كلامه بكد ما نقهرت من الخبر بيبي ماتت لا يالله بقيت اصرخ وابجي والطم عله وجهي لزمتني طيبه اتصلت عله مرتضى وتاكدت من الخبر احس روحي راحت كتله يجي ياخذني اخذوني البنات للقسم ولمو ملابسي جنت بحاله صدمه اجه مرتضى اخذني سئلته شلون صار هيج
مرتضى : فجئه محد يعرف السبب هيه جانت تعبانه مثل ما تعرفين بعدين ادهورت صحتهه واليوم الضهر سمعنه صوت الصريخ ابيتهم الله يرحمهه
زينب : هوا يحجي واني دموعي تصب مرتضى ستاذ علي وصل
مرتضى : اي تركته وصل لبيتهم راح يبدون اجرائاءت الدفن واني اجيت الج
زينب : وصلت للبيت جان الفرع مليان عالم لا ياربي جنت اتمنه هاذ يكون كابوس رحت البيتنه لان مالابسه اسود لكيت البيت فارغ صعدت الغرفتي عل سريع بدلت ملابسي ورحت البيتهم جانو اقاربهم ملتمين بس ساره وامهه ماكو رحت عله ماما حضنتهه وكمت تبجي ومن سمعت ساره واكعه وبالمستشفه هيه وامهه اخذت عبايه ماما وطلعت مرتضى وصلني الهم لكيت خاله منهاره حضنتهه وكمت ابجي وياهه تفاجئت ابوجود فهد وساره بالطوارء خاليلهه مغذي من الصدمه فاقده الوعي كعدنه ننتضرهه تستعيد الوعي فهد ما تركنه خطيه او ماصحت بقت تصرخ وتضرب عله وجيهه بالكوا لزمناهه اني ومهه فهد مايكدر يتقب بس القلق مبين بعيونه عليهه سندناهه وصلناهه للسياره
أنت تقرأ
الاستاذ والمشاکسه
Romanceعلي.... الحب لایعرف حدوده وهاذ ما فعل قلبي تعلق في حب جارتي الصغیرا وطالبتي المشاکسه ❤ زینب ..... لا اعرف ان کنت سالتقیک مجددا ولاکن انته اصعب من ان تکون شخصاً عابراً في حیاتي انته استاذ قلب فتاة مشاکسه لاتعرف الحب سوا بك ......
