الاستاذ والمشاکسه

البارت الثالث عشر ج2

صباح الخير 🌺

الكاتبه WhiteRose557

نحن الحالمون الضاحكون رغم مأساة كُل شيء .💔✨

.......
.........

رشا : طول الاسبوع ما تصل بيه ولا سئل كلش ضجت حته ما سئل اذا تحسنت صحتي من اخر اتصال بينه بس دز فلوس علمود التجهيزات والذهب طلعنه اني وماما شترينا جان اسبوع صعب بين التحضيرات ومرضي بس الحمد الله تحسنت شوي كلامي ويه زينب ريحني اتمنه يجي يوم وتسامحني جهزت كلشي واليوم كعدت من الصبح اني وزينب وساره هلكنه تهب بالتجهيزات وبعدهه رحت للصالو خبصتهه بخبص لاتسوين هيج ولا تحطين هيج لحد ما طلعت النتيجه مثل ما ردت كلش حلوا رجعنه للبيت والبنات ما مقصرات بالركص والضيافه جنت ناسيه نفسي بس رتعدت اوصالي من سمعت صوت السيارات وكالو وصلو فقدت السيطره عله جسمي من الرجفه الزمتني اجني البنات وخواله ومرت عمو من شافتني كلبت الجو بالهلاهل غريبه هاي المرا شلون تفضلني عله بت اخوهه نسوان خواله وبناتهن كلهن كالبات الخلقه عشتو اجني سلمن علي وطايرات من الفرح تحولت الاجواء الهن بالركص والهلاهل جهزوني علمود العقد كعدت يم الباب وتفاجئت بهواي عادات سوتهه ام ثائر بس كيوت بده يردد الشيخ واني اردد ورا وكل كلمه اكولهه كلبي يدك وياهه الف مرا ما جنت متخيله الموضوع صعب الهاي الدرجه وبي رهبهه شريط اخر سنتين كله مر كدام عيوني شلون وصلت الهاي النقطه الي اعتقد بدايتهه مهمشه لعد شلون راح تكون النهايه غمضت عيوني وتوكلت عله الله ورددت وانت وكيلي بعد هاي الكلمه خلص تسجلت باسم ثائر اتمنه ما اشيل ذنبه واضلمه وياي هوا هم سمعته شلون يردد بصوته الرجولي ورا الشيخ الي ختم العقد بالمباركه ضجت الصاله بالهلال والتبريكات رجعت كعدت بمكاني بس شنو نطرشت ما هدن لحد مكالو راح يدخل نخبصت خبص تكول ما اعرفه واول مرا راح اشوفه وكلبي رتعد احسه راح يطلع من صدري تلكنه امه وخالاته بلهلاهل رفعت راسي دخل بهيبته المعتاده مدنك راسه تفاجئت انو لابس قاط توقعته يلبس زي عربي بس شنو طالع اشرد القاط اسود وخصر عله جسمه كلش انيق حسيت كلبي يرجف من كعد يمي ولحد الان ما رفع عينه وباوع علي احس يتجاهلني وعيونه تتهرب ومتوتر مني حته ما سلم جابت زينب الذهب وسلمت عليه رد بكل ود لا يالله انوب كدام زينب هسه تشك بشي طنكرت اخذ الحلقه من زينب درت وجهي عنه ومديت ايدي حسيت بضغطه عله ايدي درت وجهي بغيض تقرب يم اذني وهمس

ثائر : دير بالج تتجاهليني

رشا : نضراته بيهه توعد وهاذ غلط ثاني لازم اتحمل نتائجه بلعت الغصه وبتسمت بوجهه ماريد احد يحس بشي لبسني الحلقه ونطتني حلقته لزمت ايده البسه اشو صفن بوجهي وبعيونه نضره غريبه بس تنطي احساس حلو بعدين نتبه عله نفسه دار وجهه ونتر اريده بعد مالبسته ماقبل يلبسني باقي الذهب كل لمه ما اكدر العالم كلهه تباوع بيه خله وطلع ضحكت اعرفه يتوتر من يكون قريب مني دائما هيج يسوي اني اخذته ولبستهه خلصت الحفله ومشت العالم حته خواله رجعو ماقبلو يبقون وعمو رجع وياهم بس بابا اصر انو مرت عمو هيه والبنات يبقون عدنه لان هاي اول مرا يجون البغداد خطيه فرحن واكيد ثائر بقى حته ياخذهم كلش فرحن ردت اصعد ابدل بس مرت عمو ما قبلت واخذتني للستقبال بعد ماما صاحت البابا والولد يفرغو كالت ما لحكنه ناخذلكم وناخذ وياكم صور طلع يركض ستحه من النسوان تدخلني للستقبال وشايلات البدله جان كاعد يلعب بنقاله رفع راسه عله صوتنه ستغرب اجتي زينب وبيدهه الكامرا اني هم فتهم سبب هجومنه عليه تجاهلني واني هم ضجت من تصرفه رحت وكفت بدون هتمام خليت البنات بيناتنه اخذن كومه لقطات ويانه حته زينب وماما بعدين بعدن حته ناخذ لقطات ابحدنه قرب مني وخله ايده عله خصر كلش حسيته متوتر بس مو اكثر مني اخذنه كم لقطه احسه عرك وسحب الرباط مالته وكلهن كافي