صباح الخير
@الاستاذ والمشاكسه
الكاتبه WhiteRose557
كالو نساج وملتهي ومايحن
كتلهم انه ارتاح من ينسعد
هو الشراع الساكن بنص بحر
يرتاح من غيض العواصف يهد
شما تبطي احبك واذبل واحترك
تكثر معزته الغالي من يبتعد
هو البرد صدكوني مو بالشتا
لمن تحن لاهواك هذا البرد
.... فدوا شنو هل جمال تكول لعابه جنج بزونه
زينب : اباوع الشكلي بالمرايه باعجاب وكلامهه ذكرني بعلي من يكلي بزونه وصرت افكر بردت فعله من يشوفني هيج بالفستان الابيض وعروسه
سويت تسريحه بسيطه لان شعري قصير وماقبلت تضيفله شعر عبار عن خصل نازله ومزين بتاج الماسي وكليل طويل وفستان ختاريت بسيط مو كلش ضخم حته اخذ راحتي بالحركه ناعم كلش حلو ومكياج سموكي برز ملامحي درت وجهي عله رشا وساره الي لا بسات نفس الون وهاجر همات عود وصيفات العروس وطبعا هاي فكرت ساره الي توليت ترتيبات الحفله القاعه والموسيقى الاكل كلشي جان مسوليتهه ولاخت تريد كله عله الطريقه الكلاسيك تكول لان اني اعتبر قصه حبج انتي وعمو اسطوريه ولازم عرسك يكون مميز ركضو علي حضنوني
ساره : زنوبه اتجنين والله عمو راح يطير عقله اليوم
رشا : يمه فدوا والله طالعه مثل الاميرا
زينب : ولج وخرا ختنكت فوك الفستان انتن فوكي
ساره : كبر خربتي اللحضه وحق الله زينب اذا ضليتي تتململين اكفشج مسويه مراسيم وكلهن تفذينهن مو يروح تعبي حرامات
زينب : شيخلصنه اليوم من مراسيم الملكه اليزابث
ساره : ههههههه ي وعمو الامير وانتي سندرله
زينب : ضربتهه بالماسكه اشايفتني خادمه ابيت ابوج اشو اجيك بنعال حته حذاء ماناسيه يمكم
الكل : ههههههههههه
زينب : يبو الصالون كله ضحك عله كلامي
رشا : كافي زعاطيط وتتناكرا عشتو اليوم عروس
ساره : ههههههه كبر مو صوجج راح اتصل بعمو اكله خلصنه
رشا :واني اتصل بثائر كال اني اجيج
زينب : ي تصلي بعمج ابو خشم اليابس ..... كعدت انتضر واني اشباح الخوف التوتر بدت تتلبسني اباوع عله ايدي ترجف تذكرت شلون مرت هاي الاسبوعين بعد اخر موقف بينه بمهر ساره بين الدوام والجهيزات مالت العراس التواصل بيه جان يقتصر فقط عله الكلام بالتجهيزات الحد ما اجت ليلت الحنه اني نفسيتي زفت سويناهه العصر اجوي خوالي وبيت عمو رشا وثائر وهاجر لان خطيه همات عدهم دوام ماكدرو يجون قبل كم يوم اجوي بيوم الحنه بدت ملامح العرس والفرحه ابيتنه واني بديت اشتاق للنوم يوميه انسحل من الصبح بالدوام والعصر اطلع اجهز بعد ما ختاينه القاعه ساره ستلمت التنضيم بيهه وتجيني للبيت تسويلي بروفا خبصتني خبص فوك الجفاف العاطفي مال عمهه هيه سحلتني سحل بالتجهيزات واليوم داست ابطني من الصبح كعدتني علمود الحنه وكتلهم اله تسوولي جلوا مثل الرشا وستعانينه بهاجر ومرت عمو نضمنهه رحت صالو طببعا قبل يوم رحنه المركز سويت تنضيف للبشرا والجسم وعنايه للشعر هل مرا سويت بني مشقر كلش حلو يعنب غسلني غسله بحياتي ما مغسولتهه اليوم بس سوتلي المكياج ولبس فستان نفش ماروني من الصدر تور اجه مرتضى رجعنه للبيت اني والبنات طبعا علي ما سوا حنه بس اصدقائه مسويله بمكان وحته ثائر اخذه وياا سوولي الجلوا وجانت الاجواء كلش حلوا ركص وتصوير جانت حنه بسيطه بيناتنه ما عزمنه هواي بس اقاربنه والجيرا كلش تونست وحته الضوجه روحنهه وخليت ابالي انو اني لازم افرحه حته لو زعلان مني بس بالاول والاخير هوا الانسان الاحبه وهاي الايام للذاكره فلازم تبقى ذكرا حلوا حلصت الحنه بعد ما هلكت صعدت الغرفتي سبحت كلت للبنات يبقن يمي نسوي سهرا ماقبلن كالان لازم ترتاحين لان باجر وراج يوم طويل واصلنه الحنه خلصت بوقت متاخر نمت بالفراش رغم تعبانه بس النوم جافاني كعدت اتذكر كل الاحداث الصارت وياي من اتعرفت عله علي لليوم واكول سبحان الله رغم كل هاي المشاكل الصارت وبالاخير راح نزوج وننجمع سوا لعد اذا هيج ليش رب العالمين خلانه نعيش كل هاي الاحداث والمشاكل هيج يختبر صبر الانسان يمكن لو اني وعلي كلمن شايف حياته جان مارجع جمعنه من جديد عمناته الرابط البينه اقوا من اي مشاكل واجهناهه وراح انواجهه بالمستقبل واكيد راح يجي يوم وعلي يسامحني واله ماجان تمم زواجنه هاي الافكار دخلت الامان الكلبي وعاني من افكاري صوت التلفون شلته وتفاجئت انو علي المتصل ابد ما يتصل بهيج وقت من اخر موقف بينه وهوا اخذ موقف كلش قوي من عندي رديت بسرعه لان كلش فرحت كلت الووو
أنت تقرأ
الاستاذ والمشاکسه
Romantizmعلي.... الحب لایعرف حدوده وهاذ ما فعل قلبي تعلق في حب جارتي الصغیرا وطالبتي المشاکسه ❤ زینب ..... لا اعرف ان کنت سالتقیک مجددا ولاکن انته اصعب من ان تکون شخصاً عابراً في حیاتي انته استاذ قلب فتاة مشاکسه لاتعرف الحب سوا بك ......
