اولاد العم✨♥️

Part7

زهراء:!وصلنا لبيت عمو ابو مهند
بيتهم يجنن اني احب اروحلهم ومشتاقتلهم احسه بيتنا الجبير بيت اجدادي وكذا
الصدمه موعدي✋🏻
عد ورد ضلت بس تباوع😄
-
-
-
ورد:وصلنا اول شي البصره تجنن ودخلنه منطقه بيوته شكبراتهن ماشالله يعني
بيت وحديقه اماميه وزرع فدشي
المهم وصلنا لبيت عمو جواد
بيت علي يعني
اباوع شنو هاي بيت فخم جنه قصر وهيج ع صفحه معزول المضيف
بيت ثاني عبالي اني
زهراء كالت هذا مضيف مالتهم
عازلي عن البيت مضيفهم عبالك بكد بيتنا😄
واشوف عدهم ع اليمنا هيج حديقه تجنن حلوه عاشت ايد اليسكيهه مرتبه وتجنن
وبالباب كومه زلم كومه
حته اول منزلت من السياره كتله مامه خاف بيبي ماتت🤦🏼‍♀️
شهالناس
كالت لا يمه اسم الله ذول ناس جايه تشوفهه
وهمه هيج خطارهم هواي
المهم علي كال عمه دخليهن منا ع البيت ودخلن كبل
صدك مشه ويانه لحد مادخلنه وولد هيج يعني يمكن بعمري يجي او اصغر دخل الجنط
دخلنا واشوفلك ماشالله نسوان كومه
يعني بمعنى الكلمه كومه
وبيتهم من جوه يجنن جنه قصر يعني صدك بيت شيوخ
-
-
-
والنسوان كلهن هجمن علينا بس فدوه شلون يرحبن بينا ومامه وزهراء يعرفنهن ف اكثر شي ممصدكات بيه اجيت
فدوه ربي يخليهن مكيفات
وحده حظنتني وباستني حيل
باوعتله كتله انتي عمه حنان موو
هههه هاي عمتي اعرفه لان هواي تتواصل وي زهراء وتدز صورها وندزله صورنا ف اعرفه بس مملتقيه وياهه بالصدك
هيه تجنن حلوه هيج شكله محبوب
وهي هم شبابيه بعمرنا موكلش جبيره تقريبا
31عمره
حنان:يي يبعد عمتج اني حنان شلونج يعمه
ليش حارمتنه من شوفتج
ورد:كظيته هه ويي وهه ويي
وماعرف شجاوبهم
كعدنا وكل ساع وحده دخلت وسلمت ميخلصن والله تعبت كومه
وحته كومه يسلمن ماعرفهن
شوي ارتاحينا عمه حنان عرفتنا
طلعن بنات عماتي وكومه هنه ماشالله
وبنات عمامي هم ماشالله اعداد هائله وكله حلوه
نسل جدي جانن عيونه خضر😂
وهم كعدت يم عماته يسئل ويعتبن لان ماجي
باوسنه بيبي بس ماعرفتنا نستنا يكولون اليوم الصبح سالت عليجن وهسه نستجن
بعد المرض هدهه
خطيه زهراء ضلت تبجي تاثرت حيل

زهراء وامي حته كمت ماشوفهن ماخذات ع المكان ويعرفنهن
اني الوحيده الضاله بمكاني
وكل ساع بنيه تكلي تعاي يمنا
واكلهن لامرتاحه هنا

-
-
-
-
علي:اول مادخلنا مثل ماتوقعت زلم شكثرهم والمضيف غاط وزلم واكفه بالطرمه
وهوسه بس وره نص ساعه مو اكثر كله طشت
لكيناهم متعشين كله بس اهل البيت محد متعشي
احنا هيج مانتعشه اله لمن نكف ضيوفنا لل8ونص كله طشت سدينا باب الشارع عمامي كله واصله هي وعوايله وعماتي جايات اربعتهن ماعده عزيزتي عمتي حنان هاي صاحبتي مو بس عمتي هاي الوحيده بيتها يمنا بالبصره
دخلنا للبيت طلعن البنات نظفن المضيف والطرمه
دخلو الزلم الي همه العمام وولدهم ومحد غريب
دخلنا للبيت
مهند اخوي صاح مرته
كله يله خل يصبن
طبعا اخوي مهند ماخذ جنه بت عمتي حنان
بنيه ورده
ع طاري الورد اشو هذيج ماتبين

-
-
-
ورد:طبعا دخت ماشالله ماتوقعت عمامي هيج عوائلهم كبار
لشوي ولد صاح ع مرته صبو عشه
زهراء:ورد باعي مهند هذا اخو علي
وهاي زوجته جنه بت عمه حنان
ورد:هااا
لشوي وديصبن بعدهن دخلت الولد كله
ماشالله مجموعات ولد عمي كومه همه سته واحدهم مخلف كومه
ماشالله همه اغلبهم كبار يعني ناس جامعه ناس اعداديه
حمودي اخوي وابن عمو ضياء اصغر حفدين للعائله
المهم دخلو عمامي واني ماعرف حسيت بسند من دخلو حسيت براحه وهيبتهم تسطر
باوسوني اني وزهراء وماصدكو طارو بينا
وعماتي وعمامي يعرفوني ع ولدهم
همه كومه تعبت 🤦🏼‍♀️
نوب زهراء تكلي احفظي اسماءهم موتصيحين لواحد بسم اخو😂
المهم صبو والعشه كله ثكيل يعني لحم ودجاج وسمج وتشريب وتمن وهوسه
ماحب هالاكل يعني قله اكله بس لمن اشتهي
المهم كتلهم لا مشكورين شبعانه اني
كلهم اصرو
واني ارفض كله كعدت بنات وولد وزلم ونسوان الاستقبال جبيره وهم طبعهم ماطول ماكو غريب بينهم مايفصلون سفره الزلم ع النسوان
-
-
-

زهراء:طبعا حلالي الجو لان كلهم احبهم لمتهن تونس انشالله بيبي تكوم ع حيله وتكمل فرحتنا بس بوكت العشه داكل واحس احد ديباع علي من صفحه اليمنا يبو ع الاحراج يربي
اباوع الكاه احند ابن عمتي حنونه
اني ممختلطه بي هواي ومشايفته هواي وهاي ثاني مره اشوفه
حته من سلم حسيت سلم وهو صافن بوجهي
استحيت كلش منا
ماعرف شهالنضرات هيه نضرات بريئه وحلوه
بس يعني شكو ليش ديباوع صدك مضل بيه دم من الخجل
ومن ادير وجهي اشوفه ديباع لولا كبل يدير وجهه هوه
😕✋🏻
-
-
-
ورد:اني رحت دخلت للمطبخ
وصحت ولد ابن عمو ضياء صديق حمودي😂
كتله هاك هاي فلوس جيبلي حلويات وكتله جيب هيج وهيج وهوه مايفهم عليه اكله جيب جبس ديروتوس يكلي شنييي؟؟
هههه واسمع واحد يحمحم!!
علي:احم احم
عدلي شالج
ورد:يله حبيبي ملازم روح ارجع اكل
علي:كتله عدلي شالج وهيه تحجي وي سجاد ابن عمي ضياء ولايمهه
مدري شتريد منا
هيه من دخلت مشافتني بس اني اشوفه لان وولد كومه حقه تتيه 😂
المهم كتله
علي:مو احجي وياج
ورد:رجاءا لاتحجي وياي مالي خلك تسوي مشاكل وعيب من عمامي
علي:مومخبل اني واسوي مشاكل وحدي انتي تنرفزيني
ورد:تمام باي
كتله باي ولزمني من ايدي عود اوكفي
-
-
-
يتبع.....