ورد :كعدنا الصبح ولكينا كرار جاي
وطلعنا للصالون ساعه 9
اجت ويانه دموع
وللساعه ب1ونص الضهر خلصنا
📱📱📱
ورد:الو عمه خلصنا خلي كرار يجي بعد
حنان:هاهيه بحيل الله رح يطلع هسه
من يدك هورن طلعله
————-
علي:كعدت نعسان لان مانمنا البارحه من وره
هوسه الولد وركصهم وكعدتهم ماخذ عيونه النوم خاصا اجوو گرابتنا هواي عزاز صار شكثر ماشايفيهم همه هم اصدقاء احمد فكله بيتهم باتو
وكبل رحت للبيت اني والولد خاطر نكون قريبين ع ابوي لو احتاجنه
وصلت لكيتهم مخلصين كلشي وجاي ينضفن بالطرمه ويرشن الحديقه
زمرد:علي كرار وين
علي:خويه شني اني امه
شمدريني بي
اني ضال بالي يم هاي لبست جبه قبل لاتروح لو لا ::
لشوي صارت هوسه كله التمت فوك عوايل عمامي الگرابه والاهل والسلف والجيران
كله اجت للبيتين ناس يمنا وناس بيت ابو احمد
صار الغده وصبوو وكامت الناس تبدل
راحو الولد كله تكشخ
رحت اني وحميد لبيتهم
هو لبس وكمل اخوي مامصدك راح يخطب
الله يتممله يستاهل حميد
وانا بدلت وخلصت
طلعنا اني رحت لبيتنا وهو بقه بيتهم
من طبيت شفت كرار جاي يطلع كال البنات خلصن رايح اجيبهن
كتله ماعليك اني اجيبهن
ورحت بسيارتي
—————————-
ورد:ماحجيلكم خيتي شطلعت
يمه اللون البنفسج💜 يجنن عليه فدشي
والمكياج فدشي ستايل ونازك طلعت جنه العافيه
واني لبست بنطرون كابوي تسعين وحجل وبدي قصير اصفر 💛 وبوتين بيضه وبيه خط رفيع اصفر
يعني لبس كجول كلش كيوت
ورفعت شعري (كعكه)
ودموع لبست فستان قصير وخلت شعره ع حله بدون تسريحه لان كلش حلو ومي
دموع ضاله صافنه ع زهراء تكله ولج شرح تسوين باحمد اليوم👌🏻😂
ورد:اليوم الالي واذبح طلي😂
زهراء:يمه اروح فدوه لليحجي مثل اهل البصره
ورد:عله كيفج اعرف هالجمله قبل لااجي هنا بس هنا تذكرته
زهراء:بعدين شهالكمر هذا
ورد:اروح فدوه لهالوجه ولج تشوفيني اضحك بس كلبي رح يطك والله كل ما اتخيل ماترجعين ويانه
زهراء:لا والله مو وكت هالحجي تره هستوني خلصت مكياج مابيه ابجي واخربه
ورد:مضمومه ع العرس
بس شطالعه الله يساعد حمودي من حيشوفج☺️
أنت تقرأ
اولاد العم✨♥️
Romanceقصة تتحدث عن اولاد عم فتاة بغداديه وشاب بصراوي فتحدث صدفه تجبرها الى الذهاب للبصره😯........وتتبع💜✨
