...
علي:
هنا صارت علامه فارقه
تغيرت حياتك يعليوي
تكدر تنسى
تكدر تمشي وتتناسه الصار
تكدر تسوي رويحتك ماشفت منهم شي
تكدر تحسبه مثل الهوى
وماتهمله تكدر
اعاتب روحي
واسولف وي روحي مثل المسودن صرت
طلعت من غرفتي وانا افكر
شلون الكه حل لعلتي
شلون اضمد جراحي
شلون انساج وانسى سوايتج وياي
شلون المطعون اول مايدجونه
يدورله ضماد
يدورله جاره لجرحه الجاي ينزف
صرت مثله
خليته ومشيت
وخليت گلبي يمهه بقه💔
هذا اليوم الي يفوز باسوء يوم بحياتي
مشيت للكراج ارد اخذ السياره وانا مادري وين الوجهه
مادري وين رايح
امشي وجني مسودن مامندل دربه
ولا جني هذا عليوي زلمة ابوي
ولاجني هذاك الي يهابونه الزلم من شيمته وشيمت اهله
راحت هيبتي كله
ولا جني هذاك الاسد
صرت جني عصفور مكسر جناحه
ليش ياورد
ليش يابعد گلبي
ليش يابعدهم
ليش ردج هيج صار
ليش مكسور رديتيني
ليش مالميتيني
ليش الكسره من عدج صفت
ليش وليش والف ليش ضلت تسرح بفكري
عله مامشيت هستوني جاي اطلع
وطب احمد
للطرمه
شافني
احمد:ها عليوي وين رايح ولك بهالليل
جا ماتعبت من الفاتحه ولك نهد حيلك روح نام
علي:دنكتله من الجامه شوي كتله رايح بشغلة
وجاي احرك السياره
احمد:هوب هوب دنطينه صبر اوكف
عليوي شماله وجهك لونه مخطوف
ولك شماله عيونك حمر
(جاي احاجي جر حسره ودنك عله الستيرن)
افااا افاا يخوي شمالك عليوي
خليت وصعدت ويا وكلتله امشي
مشينه مسافه سولفلي كلشي الصار
بس هذا مو عليوي اليسولف
هذا مو الاعرفه
اول مره بحياتي اشوفه هيج منهار
اله شوي وتلكه الدمعه نازله
بس هوه يكابر كلش
بحيث عيونه مغوركه بس ماينزلهن
المهم شفته كلش متاذي منتهي
كتله انزل انا اسوق
وماكتله نرد للبيت لان اودي للموت بيدي اذا ارجعه هسه للبيت
احمد:تريد تروح تنفه عن نفسك شوي
مطعم ليلي هيج شي و تتونس وتنسه هاليوم
(طبعا بهيج حالات تصير هالمواقف )
علي: خاب حميد يانعل انته الثاني
اطلع للنجف
احمد:شنهي راح تدفني
علي:اطلع ومعليك
احمد :طلعنا
الفجريه وصلنا للنجف
وهذا كضاهه صفنات تجر صفنات
من امده الدنيا ياخوي
وعلي ماتستاهل ينكسر گلبك
انته الماعشگت مره
من ردت تعشك نكسر گلبك
المهم جاي الوف عله مكبرتنه لان من ندخل للامام بالاول ندخل ع المكابر
علي:اطلع كبل لاتلوف
احمد:جا موكلت ودينا للنجف
جا غير نزور موتانه حته نطلع للامام
علي:لا اطلع كبل لامير المؤمنين(ع)
من نرد نروح للكبور
احمد:مثل ماتريد
المهم طبينا توضينا ودخلنا للحضره الحمدلله
———————-
علي:وصلتلك سيدي ياعلي
مولاي انا اتمنى ماكو عالم هسه
جا بجيت بحضنك الف دمعه
ها يابو الحسن رايدلي جاره
انا طلبته منك ياعلي
شو كسرت بكلبي
شو مامشت وياي
سيدي انا ماكدر بدونه
اني تعنيتلك ليشني حسيت روحي مهزوز ومكسّر
شد حيلي سيدي
قويني مدني من قوتك ياعلي
كومني من هال الوكعه
انطيني بس القوه الكافيه حته اتضاهر باني ماطحت
انطيني بس القوه التخليني اتناساهه
لان ادري مستحيل انساهه
ياربي دخيلك بجاه وليك بجاه ابنه الحسين
گومني لان من صدك انا ماحس روحي ذاك عليوي نهديت
احمد:صلينا وخلصنا وطلعنا وردينا لجدتي ثنيناتنه كعدنا نوح ونون يمهه الله يرحمه
وعليوي ماصدك لكاله سبب يبجي
طلع حركته كله بالبجي يم المرحومه
المهم
ردينا لهلنا
وصلته للبيت وانا رحت للبيتنا لان كلش تعبان
بس ركنت سيارته بالكراج ورحت
علي: من وصلت لكيت عالم جايه وعالم هستوهه كاعده
دخلت سلمت وابوي شافني تعبان سالني كتله
رحت للنجف
كلي روح ارتاح الولد يمي
ماجذبت خبر كبل طبيت لغرفتي
✋🏻✋🏻✋🏻
ندكت الباب
علي:منووو
ام مهند:انا يمه
علي:فوتي يمه فوتي
ام مهند:شلونك يمه جاوين جنت البارحه
علي:يم جدتي
ام مهند:يا صدك جا ماحجيت ييمه وقافل تلفونك الدور
علي:مخلص شحن
ام مهند:دهاك يمه كوم اتريك
و عمتك حنان جتك الفجر وي الصلاه ومالكتك
علي:يمه اخذي الريوك هسه انزل اكل وي عمتي
وانطيه خبر كليله هسه يجيج
بس يسبح
ام مهند:ديله يمه يمك بس العافيه
———
ورد:النوم مامر عله عيوني البارحه
كلبي يم علي وين صار
انتظرته للصبح
واني بس افكر خاف صارشي بي
وحسبه تجي وحسبه تروح
للصبح
لحد ماكالو اجه نزلت جوه حته اشوفه
كالو صعد كبل لغرفته
ضليت منتظره شوي وهم ماكو مانزل
كلت اكيد راح نام بعد
خلي اصعد مادام اطمنت هوه بخير
داطلع من باب المطبخ
وصار بوجهي
كتله.......
يتبع......
💜😞
أنت تقرأ
اولاد العم✨♥️
Romanceقصة تتحدث عن اولاد عم فتاة بغداديه وشاب بصراوي فتحدث صدفه تجبرها الى الذهاب للبصره😯........وتتبع💜✨
