ورد:كعدت الصبح عله راحتي
محد كعدني
لان من التعب والهلاك
المهم
اليوم حجيب ذهب اني وزهراء وعلي حيروح ويانا
لان هم صديقه صايغ بالمول
ويعرفه
المهم راحو هذوله الجاين من العماره
وكالو نجي بالعرس
والناس كفت حته الي باتو
راحوو
طبعا شوي احسن من فرغنا
ع الاقل نكدر نحضر براحتنا
وعمامي والولد من هسه يحضرون
اله بطايق ودعوات عامه وخاصه
يكولون البطايق لازمه
لعزيمة الشيوخ الكبار
مصطفى ومرتضى راحو يطبعون
طبعا عمامي كله متوزعه عله شي
عمو كاظم مختص عله طبخ العرس
والحنه واكل الحفله والطباخين وهالسوالف
هالمره اهتمو بشكل جبير لان اعراس الولد تختلف عدهم من كلشي
وكله تحجي بعرس مهند
بالفاتحه والنسوان يسولفن بي
وعمو جواد حالف يكول اسوي عرس علي مو اقل من عرس اخووو
كلش حلوه علاقه علي بعمو
وهوه عمو معتمد علي كولش هواي
بالنسبه لليوم
البنات من وره الغده شغلن الديجي
والردح المعدل
نوب والله متت عله عمه رقيه شلون
شاده الوصله وتركص
تشبع ضحك
ماتعرف تركص
جنه غساله وعطلانه
بس البنات وعمه هنا
ركصهن يجنن
كله ركص شرقي
نوب شبعت ضحك عله كرار
خطيه يطب يهزله شويه وي عماته
يشوف زمرد ويشرد
ونوب طب مره ثانيه
وهيه طبت للصاله وهوه فلت😂
ههههه نوب من تطب هيه
البنات يكلله اجت اجت اجت
وهو طكها ركضه
هيه تسمع البنات وتعرف بي كرار جاي يطلع من وراهه بس متنطي ردة فعل غير ابد
ولا تستسلم 😂
ع
العموم وره صلاه المغرب صلينا وكملنا
واجه علي
حته ياخذني
وهستوني شفته
من البارحه لليوم
لان جان يفصل بدلة العرس
وكذا
والولد كله رايحه هم
———
علي:السلام عليكم
زهراء :وعليكم السلام
علي:ها كملتو
زهراء:اني مخلصه بس ورد بعده
خل اصيحه
ورد🗣
ورد:
لبست صايه جديده
بس شنو تجننن
* فخامه واني جبته لان عرفته هاي ذوق علي
كل نزاكه وانوثيه وبنفس الوكت فخمه
يصير بيه بصمات لون بيجي بي قليه بالردان والنص همات
يعني اناقه اناقه
وياها لبست شال اسود وشاح خليته لفه وحده يعني
بس اكيد مطالع شعري
وكعب بيجي نازك كلشي مبي
انوثي🍬
ومكياج همات ناعم
واضافري سويتهن فرنسي
يعني البياض الي يصير بس بالبدايه
بس مو لون ابيض ابيض كلش محلوو
خليته همات ابيض طافي
أنت تقرأ
اولاد العم✨♥️
Romanceقصة تتحدث عن اولاد عم فتاة بغداديه وشاب بصراوي فتحدث صدفه تجبرها الى الذهاب للبصره😯........وتتبع💜✨
