شلونه التعويض بالبارتات🇮🇶😂
علي:😓😓😓
شمالج انتي بعده البنج مافاكج؟؟؟
ورد:لا اني بكامل قواي العقليه
علي:تره احجي صدك شمالج شهالحجي انتي تدرين شجاي تحجين
ورد:يي ومتاكده من كلامي
علي اني احبك❤️
احبك من زمان وماجنت ادري بروحي
علي:انا ماجاي احلم مو
الجاي يصير حاليا كبالي مو حلم مو
ورد:هههه لا
علي:ولج ورد تحجين صدك ؟
ولج ماتدرين انا شضليت بدونج
لا موصدك ماصدك
ورد ولج تعبتيني حيل
روحي ذبلت
حيل ماضل بيه
صرت جني ورقه بريح
انهب بالهوه اليجي وباليروح
وماضل كل طعم لحياتي
حته واهس ماضل
وطبه للبيت ماكمت اطب خاطر لاذكر سوالفج وكعداتج وكلشي صار حته عركاتنه
كلشي صرت اشتاقله
ماكلج ماحاولت
لا حاولت شكثر بس ماكدرت انساج
خايب انسى روحي ومانساج
انتي تدرين شسويتي بيه هسه من هاي حجايتج
ورد:😭🥺
علي انس اسفه....
علي:لاتبجين ورد
باعيلي لاتبجين كافي هاهيه
ورد:والله احبك والله اول مره احس بهالاحساس
وحسيته وياك
علي:خايب انا الاحبج واعشگج
والمخبل بيج
انا الماحب ولا يحب يغيرج
انا اليعشك سوالفج حته المره
انا اليعشك خبالج وعنادج وشكلج
وكل تفاصيلج حته الشينه
خايب ورد ماتدرين شلون عشت بخوف وبقلق خاف غيري ياخذج
خايب اجه الوكت الي الله عوضني عذاب السنه المضت كله
هسه شنهي؟؟
ورد:شنو
علي:ماتمشين وياي
ورد:هههه مو بهاي السرعه
علي:جا شلون ولج موكلتي احبك
ورد:هههههه يي احبك بس انتظر شنو
عله شنو مستعجل
لازم تروح وتحاجي عمو وتجون خطابه وبعدين
علي:خايبه عليمن
وعلي لاسويلج عرس تحجي بي السلف ويعبر صيته البصره امشي وهناك نحله
ورد:هههه لا ماكو هيج☺️
علي:بوياي
خايب اروح فدوه لهالوجه هذا
عود هم اطلعج للوادم
وروح ابوي مابيه مجال اله بوشيه
ورد:يبووو بدينا
بس لازم تكون عله علم تره اكمل دراستي بالبصره
علي:هسه الله كريم هالسوالف بعدين يبت الناس
باجر. رايحين احنا وانشالله الله يسهلنا
خايبه اخذج من عيون بغداد واخليج جنه للبصره
ورد:جا هوه هيج عشك بغداد والبصره
مثل ماتكولون
علي:😂😂😂😂
وجعا
بعدنا مامشينا وكمتي تحجين بالجاا
ورد:ههههه☺️💚
علي:لاتوكفين
ورد:شنو
علي:لاتوكفين ضلي اضحكي
ضحكتج ترد العافيه
ورد:علييي😓
علي:ههههه يله كومي ارتاحي بغرفتج مايصير تكعدين بالهوسى حاليا هالفتره
لاتنسين العمليه براسج مو باقي جسمج
ورد:يي حصيح زهراء تاخذني
ورد:رحت لغرفتي وجابولي الاكل هناك
خطيه زهراء كالت باجر ارجع لان ولازه قربت وتريد تولد عله ايد دكتورته الخاصه
———
علي:مامش يوم مره علي ونمت بي هيج نومه هنيه
كمت الفجر صليت الصبح وصليت ركعتين شكر
ماخاب گلبي هالمره وردلي محمل فرح
طلعنا الصبح واتفقنا محد يحجي بهالموضوع لحد ما احاجي ابوي وتصير السالفه علنيه
بس وين اذا انا حلكي مشكوك من الضحك
اجيب السمعه لو طايره
ذاك ويني مبين علي
بس عمي حقي يبين علي
وين جنت وين صرت
رجعنا للبصره
وارتاحيتا الحمدلله
وطبيت للوالد بالمضيف
علي:السلام عليكم بويه
ابو مهند:هلا بسبعي هلا بابن ابو شلونك بويه
علي:من الله بخير بويه الحمدلله
ابو مهند:سولفتلي امك شلونه بت عمك
جاماحجيت بويه خاطر نروح وياكم
علي:لابويه زينه الحمدلله وعمي ومرته هواي يسلمون عليكم وحلفني كلهم لاتجون
ابو مهند:الله يسلمهم
علي:بويه جايك بسالفهً وحاجه وانا ادري بيك تكيف وتستانس بيه
ابو مهند:گول يابعد ابوك مكضيه انشالله
...
يتبع....
تابعوااا✨💚
أنت تقرأ
اولاد العم✨♥️
Romanceقصة تتحدث عن اولاد عم فتاة بغداديه وشاب بصراوي فتحدث صدفه تجبرها الى الذهاب للبصره😯........وتتبع💜✨
