مراهقتي سلبت حياتي (مكتملة)(روايات ليبية)

مراهقتي سلبت حياتي😢

اول حاجه نعرفكم بشخصيات
بطلة روايه ميسم م 2002 ابنيه كويسه مرحه شاطره في اقرايتها حنشوف كيف حتغير حياتها
اختها فاطمه م 1996متزوجه
محمد م 1995 ولد كويس معا الناس لكن واعر في اخته وان الكبير الحوش امديرلا الهيبه اكثر من حجمه
علاء م 1998 شكله يعطي اكبر من هكي صايع ولد مش كويس لا في الحوش ولا في الناس
عزام م 1999 ولد كويس وحنون في اوخايته
امها عائشه وخدتها على طلوع وتنسريف
ابوها خالد راجل كويس وديمه الخدمه
____________________
نعرفكم بعيت جيرانهم صاحبة ميسم
لبني م 2002وصاحبة ميسم منهيا اصغيره
عمر م 1994 اوليد اكويس عيونه عسليات اسمر شعرا اسود طويل عريض
عز الدين 1998
امهم اسماء
ابوهم متوفي
_________________________
لو فيه شخصيات في الروايه حتعرفو بيها
&&&&&
طبعا احني توه ف 2019 بس روايه حتبدا من 2017لعند 2019
♡♡♡♡♡♡♡♡
ميسم :تفتح في فيس لاول مره تسجيل الحساب علقت عليه منشور (صاحب منشور دز طلب الصداقه ل ميسم وطلب مراسله )

ميسم :توه انت شن تبي مالحقتش فتحته نطيت في وجي حي حي عليك ياميسم كان يكبسك حد من اخوتك 😭😭
شاب :في طلبات مراسله
رساله 1 اهلا
رسالة 2ردي
رساله 3اقبلي
رسالة 4مانكليش في اللحوم بنادمين
ميسم :ههههههه ياعليك اهبال 😂نقبل وخلاص ها ياميسم حتي مروه تكلم وجوها ايههههبل نجرب نهدرز معاه وكان لعب في ديله حظر علية قولة مروه

(((((هنا في نقطه لما صحبتك اتجي وتهدرزلك عليه جوها هيا ولد ف مرات هو حقه راجل يحبها ومرات يضحك عليها ومرات تبقي نيته سوده عليها ومرات هيا تبقي قدهم وتعرف كيف طلع روحها وانتي يبقي اجديد عليك الجو هدا وتريحي بين الكرعين فا اسمعي مني ماتخليش حد يلعب بيك في عمرا ماكان تكليم هروب من الواقع 👊👌💪))))

Malak yossef

___________
ميسم :(شن نكتبلا نكتبلا )نعم
شاب :اهلا كيف حالك
ميسم :حمدلله كيف حالك انتي
ميسم :اسفه قصدي انت غير مش متعوده نهدرز مع الولد
شاب :لاعادي حمدلله حالي
شاب :معاك يوسف وانتي شن اسمك
ميسم :اني ميسم تشرفت بمعرفتك
يوسف:عاشت الاسمائي مواليد كم انتي
ميسم :2002
يوسف: العمر كله
ميسم: تسلم وانت
يوسف: سلمك م1998
ميسم :العمر كله
يوسف: تسلمي وين تسكني
ميسم :سلمك لازم 🙁🙁
يوسف: ههه ماتخفيش مش ح انجي نخطفك
ميسم لا ههه نسكن في المنطقه %^#&$&

ميسم هدرزت معا يوسف وازدو تعرفو عليه بعضهم

ثاني اليووووم
في العشيه
عائشه: اني منطلع
عزام :كان تركحي يومي وانتي ادوري كل يوم ماسدش بويا الخدمه طول الوقت والضناك طالعين وابنتك اتجيك مره في اسبوع اقعدي احدا ميسم
عائشه:اصغيره بيش نقعد احداها تشد اكتابتها ماسدش ليها يومين مامشتش
عزام :مابعدها هيا مالا تخدم فيك وفي الضناك انتي والضناك امديرين الحوش في فندق وهيا الخدامه امتاعه
عائشه :مادخلكش بيا اني منهتم بروحي ساد كبرتكم
عزام :قصدك هكي تمت مهمه
عائشه:منطلع من درق وجي عليك .
ميسم :امي قبل ماتطلعي منقولك
عائشه :نعم
ميسم :منمشي حدا لبني
عائشه :امشي مطوليش
عزام :وش معني انتي اطولي وهيا لعيت جيرانه ماطولش
عائشه :اصكر فمك ورميته عليه مفتاح الحوش
ميسم :😂😂
عائشه :طلعت واصكرت باب
ميسم: خيرك هكي امكسد عليه امك
عزام :منكسدلها لين تكره طلوع
ميسم :هههههه😂😂
عزام :هي اردبلك عليه روحك منطلع اني وماطوليش
ميسم :تمام
طلع عزام
ميسم فتحته صفحتها لقيت رسائل من يوسف
يوسف :ميسو
يوسف :ميسو وينك شغلت عليك
يوسف: يابت ميسو
ميسم :اهلا
يوسف: من بكري ندزلك خيرك ماترديش شغلت عليك
ميسم: كنت امصكرة توه بس كيف فتحته
يوسف: كيف حالك ان شاء الله بالخير
ميسم: اي بالخير
يوسف :شن امدايره
ميسم :كساااد بعدين شويه منطلع
يوسف : وين
ميسم :لحوش جيرانه
يوسف :اخليها اتجيك
ميسم :لالا اني منعدي احداهم
يوسف :اني نغار عليك وبدات كان عندهم اولاد فوتيهم😠
ميسم لاهدوما حوشي تاني وكان على اولادهم ف توه مش حنلاقهم
يوسف تمام اديري بالك على روحك
ميسم منمشي بنحارب تي احدانا خطوه او خطوتين
يوسف هههههه😂بعدين تقدري نحكو
ميسم اي كان مجوش خوتي بعيد عليك نظام الفندق الحوش
يوسف هههههه😂
ميسم نستادن
يوسف تمام خلاص نحكو بعدين

بعد وقت ميسم طلعت
يوسف :كان واقف ويبرق فيها في الحوش يلي شاك فيه حوشها حسب الوصف
ميسم :طلعت كانت بيضه عيونها عسليات طولها اكويس
يوسف: في خطاره شدت معاك ياايوسف

_________________
ميسم خشت
لقيته عمر
عمر :اهي منو جانا 😍
ميسم: كيف حالك 🙂
عمر: حمدلله كيف حالك انتي ☺🤩😍
ميسم :حمدلله😊
عمر:كيف حال خوتك
ميسم :حمدلله
عمر:لبني تراجي فيك داخل
ميسم اها
خشت ل لبني
ميسم: لبني 😍
لبني:اهلين
سلمن عليه بعضن وسلمت عليه اسماء
لبني :قعمزي
ميسم :شن جو المدرسه بدوني فيه يومين
لبني :جو بلاك شين وبايخ ليش معاش اجيتي نسئل فيك وتقولي توه نخبرك
ميسم :امي بدات تطلع واني معاش نلحق عليه حوسة الحوش وحوسة خوتي ونرقد متاخر مانوضش الصبح وقبل تعواين فيا فطومه وتوه فطومه في الحوش راجلها

يتتتتتتبببببببع😍