مراهقتي سلبت حياتي (مكتملة)(روايات ليبية)

حلقة3

ميسم صباح الخير
ام ميسم :لا رد
محمد :برق فيها 🤨وخلاص
ميسم:😔
ميسم :ادرتلي فطور
ام ميسم :خيرك مشلوله ومانعلميش امالا
ميسم: ياريتني ماسئلت وسمسمت بروحي
محمد :اني مش راضي ع تلفون
ميسم :زرطت ريقها اه
محمد :اني ضده لكن والله نزبط عليك شي مانقصليك الا رقبتك فهمتي
ميسم: اي اي فهمت
عزام :مادخلكيش بيها اني نتحمل مسولية ميسم وعارف ميسم ماتغلطيش
ميسم :هنا حست بالامواس تنخط قلبها 😭💔
محمد :تو تنفعك تقتيك الزايده فيها😏
ميسم :مجاش بابا
عزام :لا  اني نشك ان هدي الخدمة
علاء اجي
علاء  :بلكي متجوز عليك ياامي😑
ام ميسم :ههههههه قصدك بوك يديرها 🤔
عزام :والله كاني اني مكانه مكرهتيني في نساوين كلهن مش ناخد
علاء :اني قلت بلكي😶
محمد :اصكر فمك امك مش ناقصها امك اموسوسه
عزام :ان شاء الله الخير

__________________________________

                      -بعد وقت -

علاء :ميسم
علاء: ميسم
ميسم تسمع اغاني
علاء ياعن ماتسمعيش انتي
ميسم فكت سماعات نعم
علاء ليا ساعه ننبح ياعن وخدي سماعات قطعهن
ميسم تبكي خييرك
علاء :بيش نوريك ياكلبه
ميسم: شن تبي حرام عليك قطعت سماعات
علاء :اضرب الكف ل ميسم اعدي اجييلي المياه
ميسم: هدا كله علشان المياه قطعت سماعات علشان المياه
علاء :ضربها الكف وشدلها شعره معاش تناقشي
ميسم :تبكي بحرقه
علاء :اني بنخش لدار الحقيني بالمياه
ميسم: به

_____________________________________

علاء: ارن عليه صاحبه رامز
علاء: ايوا
رامز :شنجو
علاء: تمام وانت
علاء: تمام غير قولي مزليتو محصلتوش طرف اتجي فيها النية
رامز: والله عندي صاحبي يوسف عارفه
علاء: اي يلي مره يلي فاتت جبته معاك
رامز : اي هدا هو امحصل طرف بس مزال مطيحهاش اطيحها وبعزمنا عليها
علاء : ههههههه ان شاء الله مايطوليش بس
رامز : لااا لا هدا مش جديد ع الجو هدا الخبره وطروف سمحات

(هنا علاء ماتفكريش ان الدنيا كما تدين تدان وان في اي وقت الدنيا  تردلا دينه )

ميسم :هاك
علاء :احطيها ع طاولة واقلبي وجك
ميسم :خشت تبكي في الحمام حشاكم
ميسم :تبكي مش عارفه ع شنو تبكي تبكي ع كلمة خوها يلي كل ماتفكرها يحرقها قلبها 🤷‍♀️ولا ع طريحة علاء ولا كلمة امها كانت طريحة علاء وكلام امها في كفه و كلمة عزام في كفه كانت تشهق وتبكي. 😭وكانت حايره تحدف يوسف ولاه
عقلها يقولها احدفي وقلبها يقول اخليه 🤷‍♀️هنا يكون اقوى واوعر نقاش بين عقل وقلب ،💔
(اعرفو ان شي غلط استحيلا يجيب شي صح 🤷‍♀️خوديها مبدا🙂)

ميسم :غسلت وجها وطلعت من الحمام (حشاكم )

ميسم :خشت للمطبخ
ام ميسم :وين كنتي
ميسم :في حمام
ام ميسم :ساعه
ميسم :استفزت امها بضحكه وبدات توتي في الغدي
ميسم :في خاطرها اه يابابا اعطني يوم من خدمتك ونفتك من الحوش
ميسم :واتيت الغدي
علاء :امي
ام ميسم: نعم
علاء: فلوس يامو
ام ميسم: كم
علاء: 200
ام ميسم :نتغدا ونجبيلك
علاء: تم