نور: غيرنة ملابسنة ونزلنة انحضر الغدة و بين منجمعو العائلة كلهة وعمر هم جيه
زينب: كاعد نحضر الغدة ودخل عمر باوعتلة خجلانة من تصرفي
عمر:خابرتهم وكتلهم راح ارجع رجعت للبيت سلمت عليهم سالت عالبنات كالو بالمطبخ طبيت سلمت اجني نور ورقية حضنني مشتاقلجن حبيبات كلبي اباوع زينب مدنكة راسهة شبيهة هاي سلمت علة شمس وطلعت
زينب:سلم عل بنات واني حتة مكلي شلونج ما اعرف ليش ضجت بعدين كلت عادي
نور:حضرنة الاكل وكعدنة ناكل كعدت بين كرار وحسن صرت وية كرار نفس الماعون وهوه يجيب ويخلي اكل كدامي همستلة حتجيب السفرة كلهة يمي
كرار:ضحكت كلهة انتبهت
الجد:اشبيك كرار شو تضحك
كرار:لاجدي هيج اذكرت سالفة
نور:اني دنكت حتة محد يحس خلصنة وشلنة الماعين ونغسل ونسولف ونغني لمو خلصناهن كومة رحنة كلنة لغرفتنه وكعدنة نقرة وشمس كاعدة ترسم الساعة 4العصر خلصنة نمنة شوية كعدنة الساعة 6:30بدينة نحضر العشة خلصنة كاعدين ناكل وحجة بابا
ابو نور:يابة باجر راح يجي ابو مازن(صديق ابو نور من الطفولة كلش عزيز عليه)
الكل:هلة بي
الكاتبة:شوية نسرع الاحداث
*********في الصباح*******
نور:اليوم جمعة وعندة خطار صديق بابا وعائلتة
كعدنة من وكت نضفنة البيت كلة وخلصنة كل الشغل ماما ونسوان عمامي يطبخن رحنة سبحنة وخلينة مكياج خفيف سمعنة عمة ام كرار تصيحنة نزلنة
شمس:نور انتي ودي العصير اني ما اعرفهم
نور :اوكي دخلت سلمت وقدمت العصير طبعا بس ام مازن واختة الزلم بالديوان
ام مازن:اللهم صلي على محمد يمة صايرة تخبلين الله يحرسج
نور:تسلمي خالة
الكاتبة:ستوووب خلي نتعرف علة مازن
مازن:هلو اني مازن عمري 24خريج كلية هندسة
مواصفاتي طويل وجسمي معضل وعيوني سود واني حنطاوي وشعري عالي بين قوسين(وسيم)
الكاتبة:خف علينة عيني
مازن :شعبالج لعد
ابو مازن: خوية حسام انه جايك بطلب واتمنى ما تردني وما اريد شي يخرب علاقة سنين
ابو نور:ان شاء الله خير
ابو مازن:اني جايك اريد اطلب ايد نور لابني مازن وهذا هوة كدامك خريج هندسة وانتة تعرف اخلاقة ما يحتاج احجيلك
كرار:خلص صديق عمي كلامة والكل ساكت عمي راد يحجي وكفت وكتلة من رخصتك عمي ومن رخصت الكل انة بت عمي ما خليهة تطلع لغريب انة ناهي علة نور والاحد نعقد بعد اذن جدي
الجد:كفو وليدي ابو مازن اعذرنة بس انة خال ابراسي انو بناتنة مايطلعن الغربة وابن العم اولى واتمنى ماتزعل
ابو نور:خوية انتة صديقي وهوة ابن اخوي وربي شاهد نفس المعزة ثنينكم بس مثل مشفت ابوي شمخلي ابالة
ابو مازن: ولو ابو نور قابل شنو انتة اخوي وانة افرح لكرار هوة مثل ابني
الجد :عجل خلونة نقرة الفاتحة
حسن:لحضة جدو انة اريد اطلب منك ومن عمي ابو كرار شمس علة سنة الله ورسوله
ابو كرار:وليدي ادلل اعتبر شمس نصيبك
الجد:عفية وليدي بنات عمكم انتو تحموهن وتسندوهن
هسة نقرة الفاتحة لثنينكم
كرار:قرينة الفاتحة والشباب باركولي طبعا كلش فرحان ترخص ابو مازن وعائلتة من بعد ماراحو دخلنة للبيت وجدي خبرهم وكال العقد بعد باجر انصدمت انو نورصعدت فوك و لمحتهة تبجي وشمس كامت وراهة كتلهم اترخص شوية تعبان اريد ارتاح
الكل:مرخوص
كرار:رحت لغرفتهن واشرت لشمس تطلع وهية كاعدة تبجي كتلهة نور ليش تبجين معقولة متحبيني معقولة حجيج جذب (بصراخ)
نور:لا كرار اني مجذبت عليك بس مردت اتزوج بهاي الطريقة يعني نهوه وحتة العقد بعد يومين كلشي ما الحك
كرار:مشيت وصلت يمهة فتحتلهة ادية حضنتني كتلهة كافي ياروحي شاسوي جايين يطلبوج لمازن ترديني اعوفج ترحين لغيري
نور:بزعل لا
كرار:بعد شكو عليمن البجي اذا عل عقد نروح اني وياج وحسن وشمس ونحضر كلشي
زينب ورقية وزهراء وعمر ومصطفى ووسام: واحنةولد البطة السودة
كرار انتبهت الباب مفتحوح وهذول واكفين نور فزت وابتعدت بسرعة كتلهم انتو مترحون ويانة بس العرسان يرحون شمس حسن اليوم العصر نطلع نحضر كلشي للعقد
حسن: ماشي
البقية :واحنة انروح كلنة سوة ونشتري اشياء احلة من مالتكم يلة ولو
عمر:يلة امشو وانتة اطلع من يم اختي عود لمن تعقدون ضل يمهة
كرار:هاااا اطلع مووو اليوم الة اجنزكم والعباس اوكفولي
الكل:افلت خوية عامر
الكاتبة:واني هم اترخص اريد هذا البارت يوصل اكبر عدد من التصويت فديتكم بعد هواي احداث مشوقة لاتنسون تعلقون تعليقات حلوة مثل وجوهكم الطيبة حبايبي جاوووو
