ابو علي: دك دك دك(ترة كاعد يدكون الباب بيت روميو )
ابو ورود:اجيت السلام عليكم شلونك خوية
ابو علي: بخير انتو شلونكم
ابو ورود الحمدلله اتفضلو شلونج خيتي ام علي
ام علي :الحمد لله نسال عنكم
علي:شلونك عمي
الكاتبة:(احممممم بدت اللواگة عمي)
علي:خوما انتي بس عليه نادرة
الكاتبة:ههههه شسوي يلة كمل عيني روميو
ابو ورود:هلة بعد عمك
علي:سلمنة عليهم وكعدنة طبت سلمت ردت اموع واذوب يربي اني طبعي ثكيل بس اسودنت من ورة حبي الهة وصلت يمي سلمت من ورة خشمهة وصلت لسجاد(اخو علي)سلام وشقة والله نقهرت عود ليش هيج خبيثة بس اضل احبهة
ابو علي:والله يا خوية اني اليوم جايك بطلب واتمنة ما تردني وشيكون جوابك اتاكد مراح يصير اي خلاف بينة
ابو ورود:انتة تامر خوية مو تطلب ادلل
ابو علي:ميدلل عليك ضالم اني اليوم جايك اخطب سراوي لعلي وهذا هوة كدامك واكيد انتة تدري بي من صغير مشيبنة يحبهة ويخاف عليهة وبعد انتو يمكم
ابو ورود:والله والنعم منك ومن ابني علاوي اني بالنسبة الية موافق شتكولين ام ورود
ام ورود:والله ما الكة عريس مثل علي ولاعمة مثل ام علي لسارة شوفهة وقرر
ام علي:دومج اصيلة خيتي
ابو ورود:سارة بابا سارة تعالي حبيبتي
سارة:لج ورود بابا يصيحلي
ورود :روحي حبيبتي وانصحج توافقين علي جمال واخلاق ويحبج بعد شتردين بس فكري بي هوة ابن عمنة واكيد راح يحافض عليج يلة روحي بسرعة لترفضين واذا تردين كوليلهم ينطوج وقت تفكرين
سارة:اوكي يلة رايحة طبيت منزلة راسي عمو صاحلي اكعد يمة كعدت يمة رفعت راسي شفتة يباوعلي يااا هذا شبي صدك عود هيج يحبني
علي: عود يعني خجلانة ما اكدر اشوفهة منزلة راسهة باوعتلي صفنت بيهة والله ياجماعة احبهة غير لو تفهمني هية شلعت كلبي
ابو علي:عمو اني اليوم اجيت اخطبج لعلاوي هوة ابن عمج ويحبج وخريج هندسة قابل متعرفي شتكولين
سارة:عزززة راح اموت خجل فكرت اوافق بس راح اشلع كلبه مثل ماهوة سوة بيه هيج باوعتلة بنضرة بيهة عتاب وبعدين نضرت كره وعصبية كتله عمو بيكيف بابا
ابو ورود:بابا اني موافق انتي شتكولين
ورود: طبت بابا موافقة متشوفهة خجلانة
ابو علي: لعد نتوكل نقرة الفاتحة
ورود:يلة سراوي تعالي نحضر الغدة
سارة: يلة امشي ورود اني وافقت بس راح اخلي يندم لان فكر يخطبني
ورود:حبي سارة انطيني سبب مقنع يخليج ترفضي
سارة:ورود ما اعرف اكره عصبيته وتدخلة بحياتي احسة مخليني لعبة يتحكم بكلش يخصني من زمان
ورود:لا حبيبتي هوة لان يحبج هواي هيج يسوي ميخليج تطلعين وحدج يخاف عليج
وميخليج تلبسي شي مو مناسب يغار عليج
انتي حاولي تفهمي مو كلشي تفسري علة كيفج فكري زين
**********
سارة :صار العصر راحو بيت عمو سعد اخذت شاور ونمت كعدت علة صوت التلفون شفتة علي اهووو هذا شيريد هوة العصر راح اوووف الو
علي:الوات حبيبتي شلونج
سارة:شنو هل سؤال قبل شويه شفتني
علي:كوة مسيطر علة اعصابي بس ما اريد من اولهة مشاكل اريد اخليهة تحبني حبي شتاقيتلج
سارة:ساكتة ما اكدر اكول نفس الي يكولة ممتعلمة اجاملة. امممم
علي:سارة ترة احبج مو كافي عناد شنو الشي الي يخليج تكرهيني
سارة:علي اني ما اكرهك بس انتة عنيد كلشي تريدة تسوي حتة عل خطبة ما اخذت رايي انتة بكيفك حددتهة
علي:لعد وين اكو واحد يذل نفسة يوميهة احاجيج متحجين وياية شي اسالج شلونج كلشي تكولين اني السبب اي فعلا اني السبب لان حبيتج بعد ما اجبرج علة شي. سوي الي يريحج يلة باي
سارة: ما اعرف شكول يمكن مجان لازم اجاوبة هيج
اوووووف ما اكدر افكر بأي شي رجعت نمت
***************
زينب:كاعدين نتريك وعمر كل شوية يباوعلي يااا شبي هذا هسة يشوفو خزرتة وميفيد انوب يضحك فدوة لضحكتة
جلال: بمناسبة ابتسامة عمر كلهة باوع لعمر عمر هيج صار شكلة😲 اني قررت اخطب ورود شتكول جدو شتكول شيخ كرار
الجد:والله وليدي بكيفك انتة دامك رايدة وهية بت خالك اليوم بليل انخابر خالك ونشوف شوكت انروحلهم
كرار:عفيه بخوي كلشي سوي بالحلال احسن
نور:شركت بالاكل
الجد:اسم الله اسم الله بنيتي شبيج
نور:مبية شي جدو .يا حلال يحجي عليه باوعتله هوة خزرني عززززة شراح يخلصني منة
********
رقية:ضجت لان يرحون لبغداد اكيد مصطفى راح يروح
باوعلي بنضرات معناهة شبيج اشرتلة مبيه شي
مصطفى:لمن كال جدو علمود الروحة ضاجت رقية لان تدري راح اشوف سمر هناك وراح تبقة لازگتلي كلت احاجيهة لان ما اكدر اشوفهة ضايجة
مصطفى :جدو شنو رئيك اليوم نروح نتغدة بالبستان ونتونس شوية نغير جو
الجد:والله خوش فكرة يول صاير خوش تفكر
مصطفى:شعبالك حبيبي اني ابو الافكار(تقصدت اكول حبيبي)حتة اضوج رقية وبيبي
بيبيتهم:انجب ولك شنو تكول لرجلي حبيبي متستحي
رقية:اي والله بيبي ميستحي يكولة حبيبي
الجد:شوف ضاجت بيبيتك من وراك
مصطفى:عمي بس هية تكلك حبيبي وبس اني اكول ل
رقيه:خزرت سكت جان فضحنة كرار يباوعلة عبالك حس
الجد: يلة اليوم غدانة بالبستان تحضرو حتة فد ساعة هيج نروح
حسن:والله مصطفى خوش صاير يفكر صار هواية محاجين براحتنة اني وشمس باوعتلهة ابتسمتلي
*************
وصلنة نهاية البارت كلما تتفاعلون اكثر كلما ادللكم اكثر
😘😘😘😘فديتكم عائلتي الثانية
