حبايب گلبي شلونكم. يلة نبدي القصة
بس لحضة.حطو لايك ومتابعة وتعليق لان كاعدة اتعب واعذروني اذا اتاخرت عليكم بس والله مريضة وهم علمود المشكلة مثل مكتلكم وهسة خالة كانونة بس كاعدة اكتبلكم بارت يمة فديتكم 😘
(تعالو شوية نعرف شنو صار للعرسان بيوم المهر👀)
رقية:كعدنة الصبح واخذنة شمس ويانة دائما تعرفون شنو يصير بالصالون محاجة احجي بدت بيه وبعدين زهراء والدور زينب خلصنة خابرت مصطفى كال اجينة اني وعمر والطريق كلة بس يباوعلي
مصطفى:يبت كلبي شو باوعيلي اشوفج
رقية:وهية ترفع راسهة بخجل
مصطفى:يمن فدوة للكيكة اني
رقية:ساكتة متوترة
مصطفى:حبيبي شبيج ساكتة 😳 معقولة ام الصالون. بس لا ام الصالون تخلي مكياج متكص لسان العرايس
رقية: لمن كال هيج ضليت اضحك فدوة لسانة ينكط عسل حبيبي
مصطفى:اي وهسة تمام هاي رقية حبيبتي. يمن فدوة اروحلج
شمس: احممممم انا هنا
مصطفى:احمممم ترة ادري
&&&&&&&&&&&&
زينب: اجة عمر و وسام بنفس السيارة وشمس راحت وية رقية ومصطفى والطريق كلة بس يتغزلون واحنة مدنكين وصلنة للبيت سلمنة عل بنات وعقدنة اجة عمروالشباب لبسنة الذهب وگطعنة الكيك وشربنة العصير ورحنة بغرفة بيبي
عمر:واخيرا صرتي مريتي وباس راسهة الف مبروك عمري
زينب:بست ايدة الله يبارك بيك گلبي
عمر: عرد ليش هلكد طالعة حلوة
زينب:يعني قبل جنت محلوة
عمر:لج انتي مو حلوة انتي خليتيني مسودن بجمالج احبج مريتي
زينب:واني اموت عليك
&&&&&&&&&
وسام:يفدوة لله شنو هاي گلبي بعد ما اتحمل
زهراء:عزةةة وسام كافي والله اخجل
وسام:لج شايفة روحج لمن تخجلين تصيرين تطگين بالكاع
زهراء:وانت همات ممقصر شوف البنات شلون يباوعلك
وسام:لج بابا ما اشوف غيرج مرة حياتي انتي
&&&&&&&&&&&
مصطفى:هسة كافي بعد ماكو زعل اريد اعيش ايام الخطوبة براحة لج انتي احلة شي صار بحياتي
وباسهة بخدهة
رقية:وانت همات الله لايحرمني منك
مصطفى:ولا منج عمري
&&&&&&&&&&&&&&
حبايب نسرع الاحداث شوية
نور:بعد مرور اسبوع بين تحضيرات عرسنة ووسام همات راد يصير عرسة ويانة طبعا الولد حجزو قاعة جبيرة للعرس وبيوم الحنة سوو عشة للشيوخ واصدقاء الشباب بيوم الحنة رحنة للصالون وراحت زينب ويانة اكيد مصطفى العنودي مقبل رقية تروح يغار عليهة متنة تعب بدت بية وبعدين شمس والنوب زهراء وزينب هم سوت مكياجهة بالصالون كالو اجوي ياخذونة وكرار موتني
كرار:ما اريد شي يطلع منج ولو شعراية
نور:حبيبي شكاعد تشوف حتة مكاعدة اشوف الطريق راح اوكع
كرار:وكامش ايدهة حتة يوديهة للسيارة شلون اخليج توكعين واني يمج
نور :الله لايحرمني منك ويخليك سند الية
كرار:باس راسهة وسد الباب اجة صعد يسووق
&&&&&&&&&&&
حسن: هسة عود اني شلون اضمن نفسي مااسوي حادث والكمر مرتي واخيتي كاعدات هنانة
وسام:انجب لك اتغزل بمرتك وعوف اخيتك وبت عمك ترة هاي مرتي
حسن:بلة شحجي وياك هسة
شمس وزهراء:يضحكن بخجل
&&&&&&&&
زينب اجة عمر عليه رحت ويا للبيت والطريق كلهة فرحان عبالك عرسنة ههه
&&&&&''
شمس:وصلنة للبيت والهوسة وتعرفون مراسم الحنة صار المغرب وكلهة راحت بس خوالي هل مرة جدو مقبل يرحون ودخلو العائلة كلهة سلمو علينة واخذنة صور جماعية وبعدين كل واحد وخطيبتة بعدين دخلنة سبحنة ونزلنة نشوف البنات طبعا ورود وسارة وسمر من الصبح اجني يساعدن رقية ومقبلن نسوي شي خلصنة عشة وكعدنة نسولف ونحجي شنو صار ويانة
رقية:كاعدة يم البنات واتصل مصطفى جاوبتة الووو
مصطفى:اروح فدوة للالو تعالي شوية اريدج
رقية: اوكي .مو زعلانة من مصطفى بس يغار كلش مخلاني ارح وياهن رحتلة للغرفة لكيتة متمدد عل جرباية ويكلب بالتلفون. لمن شافني ذب التلفون وكال تعاي كعدت علة طرف الجرباية كام اجة كعد يمي
مصطفى: ليش بنيتي ضايجة
رقية:لان مخليتهة تروح وية البنات
مصطفى:شوفي حبيبي انتي اصلا ميحتاج ترحين للصالون لج انتي بلة شي تموتين والنوب ترحين يلعبون بوجج واني ما اريد هذا الشي يصير لج مرات اغار عليج من نفسي
رقية:مثل كل مرة يقنعني بكلامة باسني براسي وبست ايدة بس ترة بعدني ضايجة
مصطفى: هممم اعرف شلون اوخر الضوجة منج
رقية اممم شلون
مصطفى:غمضي عيونج. غمضت وبستهة بشفتهة وكعدت اتفنن بالبوسة لمن حسيتهة تريد هوة بعدت عنهة وخليت جبيني علة جبينهة عسل لو شنو
رقية:لساعتهة مغمضة عيونهة خجلانة باسني من عيوني باوعتلة عود ليش هلكد متعلقة بيك اني
مصطفى:المفروض اني اسالج هل سؤال من ما اشوفج احس جني طفل مضيع امة
رقية:حضنتة حيل احبك
مصطفى:واني اموت عليج رويحتي
&&&&&&&&
(بيوم العرس محاجة اعيد سوالف الصالون لان نفس روتين الحنة الي اختلف صار العرس بقاعة والعرسان والناس فرحانة علة فرحهم )
نور:طبعا محبينة نحجز بفندق كرار كال محاجة طبعا ما اعرف ليش متوترة وكانو كرار غريب لاابن عمي ولا حبيبي شوية وسمعت صوت هوسة معناهة حيدخل
دخل واتقدم باس راسي وتعشينة وسبحت وخليت ميك اب خفيف وصلينة وووووووو (يلة برة معليكم بيهم)
&&&&&&&
(الباقين همات نفس الشي )لتنتضرون احجيلك يلة برة عوفو العالم براحتهة
&&&&&&&&
كرار:بعد مرور كم يوم وجنت ماخذ اجازة اتصل علية ولد وياي بالدوام وخبرني انو نقلونة بميسان
ونور من لمن سمعت وهية ضايجة وتبجي صح جنت اداوم بس جان مكان دوامي قريب عل بيت بس هسة لا
نور:وهية تبجي كرار الله يخليك لتروح حتة السبعة مطالعة حباب شلون ابقة وحدي
كرار:بوية اني رايح لدوامي ومو هواي اسبوع باسبوع علة شنو هل دموع وبعدين وين راحو الباقين شنو تبقين لوحدج بنيتي هذا دوامي ما اكدر
نور:زادت بجي يعني حتروح
كرار:اي يروحي لان مجبور مو بايدي يلة مسحي دموعج وتعاي نحضر جنطتي حتة باجر التحق
نور:وهية تمسح ادموعة وتحاول تبتسم بوجهة ماشي حبيبي
كرار:يروحلج فدو حبيبج وعشيرتة وحضنتهة
نور:الله يحفضلياك وترجعلي بالسلامة
كرار:امين يعمري
نور:حضرت ملابسة ولاشياء ليحتاجهن يعني بعدهة حتة سبعتنة مطالعة وهوة صار مكان دوامة شوية بعيد جان يمنة قريب عل بيت بس شنسوي الحمد لله
كعدت الصبح حضرتلة ملابسة كرار حبيبي
كرار: همممم
نور:يلة حياتي راح تتاخر حضرت ملابسك
كرار:تعاي اشبع منج قبل ما اروح
نور:يلة كرار اسبح حتة اسويلك ريوك
كرار:ماشي
نور:سويتله ريوك واكل وكمل قبل لا يروح بعدة بالباب باسني بشفتي حيل وباس راسي ديري بالج علة نفسج حبي وعلى الي بالبيت كلهم ماشي مع السلامة وسويتلة باب سوالي بوسة بالهوة وراح رجعت نمت ومن بعدهة مشت يومين عادي بس افتقدة تعودت عليه
صارت السبعة وهوة يوصي بالتلفون البسي شي مستور ودزيلي صورة اشوفج وطبعا احترمت رغبتة ونفذت الي طلبة
&&&&&&&&
شمس:حبيبي حسوني حطلع النسوان برة ينتضرني عيب منهن
حسن :ماشي بس لحضة لج هاي شنو
شمس:عزةة شنو
حسن: تقدمت عليهة وبستهة بشفتهة لج الحمرة هواي مطوختهة
شمس:حسن الي ساعة امكيج ليش هيج
حسن:احسن حتة لايباوعولج
شمس رتبت حمرتي مرة لخ من ورة استاذ حسن ونزلت
&&&&&&&&
زينب: عمر حبيبي
عمر:مسوي روحة مشغول بالتلفون وممهتملهة وهوة يباوعلهة من دون متدري همممم حبيبتي شبيج
زينب:😕عمر كاعدة اكلك هاذا الفستان حلو لو اغيرة
عمر:( بكلبة :يجنن) هااا لا محلو ذبي بسرعة
زينب: ماشي وهذا
عمر:(السكر حيصعد عندي من كد الحلا) وهذا همات محلو ماكو غيرة
زينب: وهسة
عمر: هاي شنو ولا واحد حلو (كلهن يموتن عليج) احممم خليني اني اختارلج
زينب:ماشي تعال شوف
عمر: بوية هذني كلهن ممستورات شراح اختارلج
زينب: وهية تصغر عيونهة 😑يعني الك ساعة تكلي محلوات بس علمود انو هنة ممسترات
عمر: لبستي هذا طالعة حلوة هواي ولبستي هذا بعد احلة ولبستي هذا طلعتي تموتين هسة شلون بالله شنو رايج متطلعين ونبقة هنانة نسولف ونباوع فلم المن طالعة واني هنانة كاعد
زينب: راح البس اول واحد والله جنت شاكة لان الفستان جان كلش حلو. غيرت ملابسي وعدلت مكياجي وشعري ونزلت وخطار رايح وخطار جاي راحن خدودي من البوس ههههه
&&&&&&&&&&&
الكاتبة:عزةةة يمة متت الي ساعة اكتب 1132كلمة
حبايبي خلو لايك وتعليق للبارت يمة فديت 😍😍😍
