ملاحضة: الفقرة الاخيرة من البارت الفات كاتبة عمر وزينب كلش اسفة خطأت جان المفروض وسام وزهراء كلش اسفة بس اني كتلكم جنت مريضة ومنتبهت 🤒
********&&&
خلونة نبدي البارت خلو لايك يلة بسرعة وتركو تعليق حلو من اديكم يمن فدة رحتلكم 😍😍😍😍😍😍
نور:واخيرا صار اسبوع وراح يجي كرار طبعا كلش فرحانة كعدت الساعة سبعة فرغت الغرفة ورجعت رتبتهة من جديد نزلت صبحت عليهم تريكنة وغسلت الماعين والبنات نضفن البيت واني استلمت الطبخ كل الاكل الي يحبة شيخ كلبي سويتة سويت دولمة وبرياني وشويت دجاج وسويت تمن ومرگة بامية صارت 11ونص عزة من شوكت اطبخ صحت شمس اجت بمكاني وتحضر الماعين وسوي زلاطة رحت للغرفة اخذت ملابس سبح وخليت مكياج خفيف صارت 12وربع اذن لبست شال الصلاة وكعدت اصلي حسيت الباب انفتح
خلصت وكمت لفيت السجادة وما احس غير واحد حضني عرفتة كرار نداريت حضنتة كل قوتي حبيبي هذا انتة
كرار:روحة لحبيبج وعمرة انتي
نور:شتاقيتلك والله 🥺
كرار:بوية واني هم مو مشتاقلج لا ميت عليج
نور:حبيبي يلة اسبح حضرتلك ملابس حتة نتغدة
كرار:ماشي انتضريني ننزل سوة
نور:اوكي. طلع من الحمام ولابس تراك فدوة واكف يمشط عل مراية ويباوعلي خلص رش عطر ونزلنة ادية بادينة
بيبيتهم:يمة فدوة عيني الباردة عليكم
نور: بسنة راسة واديهة اني وكرار لكيت البنات محضرات الغدة فرشنة السفرة وكعدنة ناكل
(تعالو حبايبي نشوف مصير كل واحد بهاي السنة )
نور:جانت طالبة خامس والسنة حتداوم سادس
كرار:اصلا هوة ضابط بس الي اختلف تغير مكان عملة
حسن: جانت اخر سنة تخرج من كلية التربية وقسم عربي
شمس: اصلا تاركة الدراسة
مصطفى:نجح من السادس وطلعلة كليه هندسة
رقية: تاركة الدراسة
جلال: كلية مرحلة اخيرة
ورود:كلية مرحلة اخيرة لان نفس العمر ونفس القسم
وسام: مرحلة اخيرة قانون
زهراء:السنة حداوم سادس
سارة: مرحلة ثانية صيدلة
علي:مرحلة ثالثة هندسة
عمر: تارك الدراسة
زينب: طالبه ثالث متوسط
اعرف هسة وضح عدكم كل شي
حاليا
نور وكرار وشمس وحسن ووسام وزهراء تزوجو لان كرار ضابط وحسن وسام تخرجو
مصطفى وجلال اتفقو يتزوجون سوة وعلي هم راد عرسة وياهم لان جلال ورود يتخرجون ومصطفى يصير مرحلة ثانية ورقية تاركة وسارة رادت عرسهة وية ورود وهمات علي يصير مرحلة رابعة
اما عمر حالتة حالة راح يبقة منتضر لمو زينب تنجح من السادس يعني حينتضرهة 3سنوات 🥺
نرجع شوية للقصة بس بهاي السنة ماكو احداث قوي بس شمس حامل الشهر السابع ونور وزهراء كاعدات يدرسن سوة لان سادس وامتحاناتهن بعد شهر ونور حامل شهرين لان جانت متفقة وية كرار هيج
مر الشهر وخلصن امتحاناتهن وزينب تمرضت حيل لان همات ثالث وجانت حيل خايفة عمر حاير بيهة
الكتابه (والله تستاهل حابلك وحدة اصغر منك ب5سنوات)
عمر:الحب ميعرف عمر لو فرق سنوات خيتي
الكاتبة:اقنعتني ابو خشم ههه
نور /المهم: اليوم يطلعن النتائج مال الثالث وزينب حابسة روحهة من الصبح متقبل تشوف احد حتة عمر
صار العصر انريدهة تطلع ماكو عمر كاعد عل لابتوب يدور نتيجتهة
عمر:هاي هياتهة مدرسة زينب وينهة زينب همم هياتهة
ناجحة ومعدلهة 87 والله عمي مريتي شطورة بس لحد يكوللهة ناجحة خلي نخوفهة ونكلهن علة باجر يلة يطلعن
الكل:ماشي
عمر: دگ دگ دگ (والعباس كاعد يدگ الباب هههه)
زينب:منو
عمر:حبيبتي هاي اني افتحي الباب اجلوهن لباجر النتائج خوما تضلين حابسة روحج بالغرفة
زينب:فتحت الباب صدووك يعني ماكو نتائج
عمر:للاسف اي يلة امشي صبيلنة غدة الساعة راح تصير اربعة واني ممتغدي من وراج
زينب:يااا سودة عليه حبيبي ليش مأكلت
عمر:يعني اكل وانتي حابسة روحج بالغرفة
زينب:هممم يلة امشي نروح نسوي اكل بس انتة تساعدني
عمر: ماشي. كعدت علة ميز الطعام وجابتلي حاجات كالت سوي زلاطة كتله ماشي هاي سهلة
زينب:نطيت العمر يسوي زلاطة وفتحت الجدر لكيت مسوين برياني ودولمة هلة والله فاتحة الجدر ومبتسمة
عمر:بربج لو مباوعة بوجهي مجان ابتسمتي
زينب:ههههههه غير برياني ودلمة ذولي
عمر:يفدوة لضحكتج يلة جوعان
زينب: ماشي بس شوي حميت الاكل ورتبتة وكعدنة ناكل خلصنة ونطيتة جاي وغسلت الماعين وهوة كاعد يمي خلصت ورحنة للصالة كلهم حزنانين خير شصاير شبيكم ليش هيج وجوهكم
الجد:هاي تاليتهة تنزلين راسنة مهتمين بيج ونشجعج انو تمتحنين وتنجحين تاليهة تطلعين ب4دروس
زينب :😦
الجدة: واني اكول شطور وهيج تاليهة
ابو كرار:يا وسفة هاي تاليت تعبي عليج
زينب:اني اصلا مثل واحد وضربني علة راسي شكاعد يكولون شنو راسبه وطالعة ب4دروس احس رجليه بعد ما اكدر اوكف عليهن كعدت بالكاعد ودموعي تصب ليش هيج والله تعبت وقريت وحتة اجوبتي جانت تمام 😭😭😭😭
عمر: كعدت مقابيلهة وحضنتة عادي حبيبتي امتحني دور ثاني
زينب:عمر عوفني حباب اني وحدة غبية ما استاهل كلشي بس والله جاوبت زين 🥺🥺
كرار:مكافي عاد تقهرون بيهة لج حبيبتي انتي ناجحة ومعدلج 87 وهمة ناصبين عليج 😂الف مبروك
زينب: رحت حضنتة بس زدت بجي بس هاي دموع الفرح وبست راس جدو وايدة وبيبي وماما وبابا عمامي باركولي البنات حضنني ياي واخيرا والله حتة راسي صدع خلصت باوعت العمر فرحان اكثر مني جدو كال روحيلة بنيتي هاذا رجلج مبيهة شي
لمن جدو كال هيج رحتلة حضنتة ياربي شكد احبة جان يقدملي الدعم ودائما يخليني حريصة علة دراستي
الكاتبة: لج هسة هوة فرحان لان خلص من هاي السنة شراح يگضي 3سنوات هههه
بعد اسبوعين وطلعن نتائج السادس بس زهراء ونور معنوياتهن عاليه كاعدات يم وسام ديطلع النتائج
وسام: زهراء ناجحة ومعدلج 90
نور لا راسبة😲
نور:شنو 😮
وسام اقصد ناجحة ومعدلج 96
نور وزهراء :عااااااا جدوووو وراحن حضننة وبااركلهن الكل
نور صارت العطلة والحمل شوية تعبني وقررو عرس مصطفى وجلال بعد شهر وهاي تحضيرات العرايس وخطية عمر مجبور ينتضر. اما كرار فكلش يخاف عليه وحسرة اسوي شي اكعدي لتتحركين وها نسيت اكلكم هسة شمس بشهر التاسع واني شهر الرابع وزهراء بعدهة اول شهر ووسام خطية ممصدك فرحان كلش
بيوم الحنة طبعا اخذو رقية لبغداد الحنة صارت ابيت ابو ورود لان نفس اليوم حنة سارة وورود فصارت الحنة ابغداد ورجعو بالليل وجايبين ورود وياهم بس اكيد علي مقبل ترجع للبصرة حب ياخذهة من بيتهم
ورود ورقية حاجزيلهن صالون بالبصرة وماجرات بدلات وراحت زينب وياهن لان الباقيات حوامل 🤣🤣🤣
والله خطية مراح يرگصن. تم العرس علة خير وجانو مسوينة بالبيت لان طبل وهيج سوالف عرس شعبي بمعنة الكلام بس روعة
اما سارة وعلي فجان عرسهم بقاعة وعلي من كد فرحتة اعتقد عازم بغداد كلهة ممخلي اصدقاء وكرايب
وسارة راحت صالون وطالعة تخبل بس حزت بنفسهة مشافت ورود و ورود همات نقهرت لان مجوي اهلهة بس جان جلال كافي كدر ميخليهة تضوج
بيوم عرس علي وسارة وجانت سمر موجودة وجان صديق علي وياهة بنفس الكلية وخطبهة بيوم العرس بالقاعة وجان بينهم نضرت اعجاب وسمر وافقت وبعد فترة تقدم الولد لسمر بس دقيقة تعالو نتعرف عليه
الولد: دتعالو تعرفو علية 😂😂 اسمي يزن مرحلة ثانية كليه تربية قسم انكلش نفس المرحلة والقسم اني وسمر شفتهة بالكليه ونعجبت بيهة وبعدين سالت عنهة والصدفة الحلوة جانت اخت علي صديقي خطبتهة بيوم عرسة هية وافقت بالقاعة وبعد فترة رحنة اني ووالدتي حتة اخطبهة والدي متوفي وعندي اخت وحدة اسمهة ابرار مرحلة اولى معهد تقني ووافقو وقرينة الفاتحة وقررنة بعد اسبوع عقد المحكمة والسيد نفس اليوم
************
اووووه تعبيت حبايبي القصة مخلصت بعد بارت والبارت كلش حلو وصلو البارت ل40لايك و40تعليق وراح انزللكم بارت ورة السحور يمة فديت متابعيني الغوالي وهذا البارت لعيون متابعيني الي ينكرطون
