نور: رجعنة للبيت لكينة البقية طالعين خطية عفناهم صعدنة اني وشمش نبدل لان حيل تعبانين بدلنة وكعدنة نسولف محسينة الة علة صوت بيبي تبجي وتعيط نزلنة اني وشمس منعرف شكو انصدمنة بالخبر ومتت قهر
(تعالو نعرف شكو)
عمر:خلصن البنات شغلاتهن واحنة هم. انريد نشتري ملابس وشغلات انريد ندخل المحل ودك تلفوني شباب انتو طبو واني شوية واجي باوعت احمد صديقي الووو
هلة بضلعي شلونك.
المتصل :العفو خوية اني مو صاحب الرقم الولد متعارك وهسة هوة متصاوب و اخر واحد متصل بي انتة ودكيت عليك
كرار: بيا مكان انتو المتصل :احنة بمستشفى .........
عمر: ماشي خوية اني جاي طبعا كلش توترت صديقي
وهوة معندة عداوة قابل وية منو تعارك طبيت كتلهم اني مستعجل اخذو تكسي للبيت
الكل: ماشي الله وياك
نور:عمر حبيبي اخوية وينة شلون صار ويا حادث اووف ليش هيج
زينب:رجعنة للبيت ونشوف بيبي والبقية كلهة تبجي ياساتر حجينة كلنة هاي شصاير
بيبيتهم:يمة عمر مسوي حادث
مصطفى ووسام:شلون واحنة ليش منعرف
ام نور:يمة قبل شوية يلة درينة رايح علة صديقة ومسوي حادث
رقية: راحت ركض شبكت نور وتبجي بحركة علة اخوهة مصطفى يباوعلهة ومقهور
مصطفى:اباوع لبت كلبي مقهورة وسام خل نخابر كرار نشوفهم وين حتة نروح
وسام:يلة راح ادك عليه اتصلت علة كرار وكال بيا مستشفى ورحنة ولكينة عمر بعدة بغرفة العمليات والكل مقهور علية
(تعالو نشوف شخص نسينة نشوف سنو صارلة لمن سمع الخبر)
زينب:لمن حجت بيبي ضليت مصدومة احس كلبي انكسر صعدت غرفتي واني بغير عالم يعني خلص يمكن يموت كلت هيج وخليت ايدية علة حلكي وصرت ابجي بحركة ليش هيج صار ويا والله راح اسمع كلامك بعد واريد اكلك احبك حباب لتعوفني ادري جنت غبية لمن رفضتك 😭ياربي دخيلك تشافي وميصيرلة شي
كرار:خابروني وكالو عمر مسوي حادث طلعت بسرعة للمكان الكالولي عليه وصلت وشفته ابن عمي واخوية نقلنا للمستشفى دخلو غرفة العمليات وبعدهة جوي وسام ومصطفى ضلينة منتضرين اكثر من ساعتين
طلع الدكتور. كرار:ها دكتور شبي شلون صار
الدكتور:احنة سوينة الي علينة بس.
كرار:بس شنو دكتور
الدكتور:صار عندة شلل برجليه فقط لان متاذي وحالتة جانت صعبة
كرار:باوعت للي موجودين عمامي وجدي والولد بحالة صدمة نقلو لغرفة خاصة وما قبلو نشوفة الة يرتاح بعد ساعتين او اكثر قبلو ندخلة وطبعا امة جتي دخلنة عليه وهوة جان نايم راحت عمتي علية تبوس براسة وبوجهة واديه منضرهم كلش حزين ضلت تبجي واحنة كوة مسيطرين وحابسين دموعنة رحت عليهة عمة عيوني مريض وراح يطيب ان شاء الله وحالتة متسمح هيج ادعيلة يكوم بالسلامة
ام نور:يمة وليدي كوم شوف امك مكسور كلبهة عليك
مصطفى:شفتو شنو صار باوعت عمر يحرك اصبعة كرار عمر حرك اصبعة
كرار:صيح الدكتور بسرعة اجة الدكتور وكال شوية ويصحة بس لحد يزعجة كنالة ماشي دكتور
عمر: اباوع بس عيوني مغوشة واصوات يمي اني وين بدت شوية شوية توضح الصورة عندي غرفة بيضة وصوت اجهزة اباوع امي وعمامي والولد هاي شكو اني وين ليش هيج حالتكم بس اني كوة احجي احس تعبان
كرار:ارتاح حبيبي احنة بالمستشفى
عمر: اذكرت شنو صار وهذا الموقف مراح انسى كاعد اسوق ودك تلفوني كاعد اشوف منو وما احس الةشي ونضربت بي وبعدهة حسيت سواد علة عيوني عرفت مسوي حادث بس ليش رجلية ما احس بيهن
صحت ليش ما احس برجلية ضلو واحد يباوع للثني وميحجون عدت الهم كلامي بصوت عالي كالو صار عندك شلل بس ممكن وية العلاج تتحسن ضليت مصدوم شنو شلل يعني بعد ما اكدر امشي راح اضل كاعد علة كرسي متحرك
كتلهم كلكم اطلعو عوفوني وحدي ما اريد احد يمي
ابو نور:وليدي ارتاح لتعب نفسك
عمر: خلص عوفوني وحدي طلعو واني نزلن دموعي اي بجيت راحت حياتي بعد ما اكدر امشي راح الناس تعطف علية وابين ضعيف كدامهم
زينب:ضليت بغرفتي لحد مسمعت صريخهم زاد نزلت مفزوعة كلت هاهية مات كالو صاير عندة شلل انقهرت بالزايد اكيد نفسيتة راح تتحطم ياربي ليش هيج ياربي شافي بحق كل من عندة جاه عندك🤲
اباوع زينب ورقية منهارات وعمتي دكت علة وسام اجة اخذهة جنت اتمنى اكدر اروح اشوفة باوعتلي نور وكالت تعالن فوگ
نور:شبيج زينب ليش هيج عيونج ورمانات هلكد جنت تبجين
زينب: تردين ما ابجي اي احبة ما اتخيل للحضة انو يصيرلة شي وحجيتلهن كلش حضنني وبجينة
كالو بعد يوم ويطلعو للبين ويبدي علاجة مر هذا اليوم كوة بين بجي وقهر وكلهة تعبانة باليل خلص قفلن عيونة من النعاس والتعب نمنة كلنة سوة بالصالة واحنة فرشنة جرباية لعمر علمود اذا احد اجة شافة او شي محسينة الة جدو يكعدنة
الجد: حبيبات جدو شو نايمات هنا بنياتي
البنات سوة: جدو بس شوية والله
الجد: ياا الرجال المريض كاعد من الصبح وانتن بعدجن نايمات
الجدة: كومن يمصخمات الساعة 11ونص
زينب: بسرعة رفعنة راسنة سوة جدو فز شعرنة صاير فلم هههه بقينة نضحك شلون جدو فز بعدين انتبهت علة عمر شلون صافن وشكلة مهموم
نور: شفت اخوية جايبي سلمنة عليه وهوة عينة علة زينب الي مبين عليهة شايلة همة شفت كرار اشرلي كتلة دقايق واجي رحت غسلت وعدلت كفشتي ههه حبيبي مبين تعبان دكيت باب غرفتة
كرار: تعاي حبيبي
نور: طبيت اجة حضني
كرار:شتاقيتلج بت كلبي
نور:حبيبي واني هم
شمس:................
الى هنا وينتهي البارت اعذروني ادري تاخرت اهواي بس مثل مكتلكم ضروف واريد توصلون البارت اكبر عدد من التصويتات والتعليقات الحلوة مثلكم 🥰
