وقال لي شكلك عايزه يربوك من اول وجديد وسكتنا ليك كتير جا وقت تسكتي انتي اطلعي امشي غرفتك وتوافقي عليهو غصب عنك ،،دي كانت بداية معاناتي او نقول تحدي حياتي حاجة غير متوقعاها ولا فحساباتي وكمان مغصوبه عليها....
قعدت ف غرفتي وانا بقول يارب يطلع كابوس حلم اي حاجه الا حقيقه يارب لا اسي اعمل شنو اكلم باسل ولا اتصرف كيف لا لازم اتصرف العرس م لعبه يالله لااا،، فاللحظات دي باسل اتصل علي م قدرت ارد لانه من صوتي ح يعرف انا م كويسه وانا ما عايزه يعرف عشان م يزعل نفسو عالفاضي اكيد ابوي م ح يغصبني،،بعد فتره جات امي خاشه علي طوالي قمته مسكتها امي عليك الله ابوي دا جادي؟ ولا بختبر فيني ولا شنو دا!! قالت لي تعالي اقعدي كدا قلته ليها جاوبيني يا امي يااخ حلفتك،،سكتت حبه وقالت لي لا ابوك جادي يا ميساء ولو عايزه رأي واافقي ،،قلته ليها امي جنيتي وكمون؟ يا امي انت مش عارفه نحن بنحب بعض وعايزين نتزوج يا امي انت لازم تقيفي في صفي فتحته تلفوني قلته ليها شوفي دي صور بيتنا اشتراهو باسل وبجهز فيهو السلسل دا الانا لابسه من باسل الفرحه الفي قلبي من باسل ،عايزاني اقول ليه شنو يا امي لينا اربعه سنه مع بعض كيف تقولي كلامك دا يا امي ،،امي مش انت راضيه بعلاقتنا اقنعي ابوي ،،قالت لي اهدي ي بتي بس العرس م بس حب لازم حاجات تانيه والزول الجا دا ح يعيشك احسن عيشه وح نرجع احسن من زمان قلته ليها يا امي دي صفقه من صفقات ابوي م عرس م عرس ومهم كان عندو م ح يكون عندو شعره من شعر باسل وم بيسوى شي عندي قامت مشت وقالت لي والله م بيدي وابوك اداهم كلمتو وقال اجهزي جايين يشوفوك بعد المغرب عشان تتعرفي عليهوو،، بقيت بفكر ف طريقه تطلعني من القصه دي جا ابوي قريب المغرب قال لي ميساء قمته طلعته قال لي الناس ديل جايين ولا كلمه ولا اعتراض م عايز اسمع ألبسسي وجهزي نفسك عشان تقابليهم ،، رجعت دخلت من غير م ارد عليه اول مره في حياتي يمكن اشعر شعور العجز الكامل دا وم اعرف اتصرف ،،ابوي عايز يدبسني في الزول دا وانا لو تنطبق السماء والارض مستحيل اوافق بس الله يعدي اليوم دا ع خير ،، فبديت اجهز نفسي لبست لي فستات كحلي عالماشي وجزمة بيضاء ومكياج خفيف كدا جاتني ف غرفتي رحيق قالت لي بحماس وصلو وصلو جاهزه انتي صااح وواي ي ميساء لو تشوفي العريس لقطه كيف سماحة خمج عديلل ،،اها انت مالك متمحنه كدا،،امي جات خاشه قالت لي ارح يلا عشان تقابليهم ،،كلهم كانو مبسوطين وفرحانين شديد بعرسي وبالناس ديل وكلهم لابسين وموڤرين كمان طلعنا وانا احساسي كانو تشييع جنازه ماا تعارف ،،نزلنا تحت انا وامي ورحيق ، م رفعته راسسي من الارض الا امي همست لي ابتسمي ،رفعت راسسي ابوي كان قاعد معاهم بت كدا والاب والام وهو فاكيد العريس كان واضح من لبسهم انهم ناس هاي ومقتدرين كمان ،سلمت عليهم وقعدته جنبهم فبدو يتكلمو وانا حاسه نفسي مخنوقه شديد ،بعد شويه ابوه قال خلونا نخلي العرسان براهم شويه يتعرفو على بعض ابوي قال ليه اكيد اكيد ومشو كلللهم بقينا انا والزول دا جا قعد جنبي وانا منزله راسي ل تحت قال لي سلام عليكم قلته ليهو وعليكم السلام قال لي ممكن ترفعي راسك رفعته عاينته ليهو قال لي انا امين اسمك ميساء صحيح قلته ليهو ايوا قال لي اخر سنه ليك صح قلته ليه ايوا فضلته اجاوبه ع قدر السؤال وبس ،بعدين اهلو واهلي جو وقالو ماشين ابوي سالني قدامهم اها اكيد اتفقتو صح؟ امين قال ليهو والله ي عمي اكيد ههه ابوه قال ليهو يعني نقول مبروك قال ليهو مبروك ابوه اسمو مجدي قال لينا خلاص يشترو دبلهم بكره ونتكلم ف تجهيزات العرس لقدام ،،الحاجه المبهمه هنا ماف زول فيهم لاحظ لعدم ردي ولا اهتمو انا طوالي مشيت منهم سامعه امي بتقول ليهم بتنا خجوله شويه ،،قفلته على نفسي باب غرفتي و بقيت ببكي بس وم عارفه اعمل شنو بعد شويه لاحظت للحاجات الهم جابوها فبقيت بكسر فيها وارميها ف الارض امي وابوي رحيق سمعو اصوات التكسير فجو وبقو بضربو الباب وينادو عشان افتح وانا كنته م شايفه قدامي ، وبس بكسر وبعدين قعدته فالارض شويه عاينته فالمرايه القدامي لفستاني اللابساه بقيت بجر فيه احاول اقطعه طلعتو ولبسته بنطلون ولبسه وحسيت عايزه اطلع ،فتحته الباب ابوي وامي كانو قاعدين امي بتسألني فشنو ي بتي ،وابوي قال لي ميساء قلته ليهم عايزه اطلع برا شويه خلوني امي جايه معاي ابوي قال ليها خليها وانا طلعت طوالي ،الساعه كانت حوالي عشره مساء الشارع شبه فاضي وانا ماشيه كنته شايفه شريط حياتي قدامي لمن نزلت السودان علاقتي مع باسل حب حياتي الظروف المرينا بيها ضحكنا هظارنا حبنا لبعض الفي لحظه انتهى عدم وجود باسل فحياتي يعني عدم وجودي لاول مره تحصل حاجة تزعلني وم اقدر أللجأ لباسل الدايما كنته بمشي ليهو ويحلها لي ،،الليله حرفياً انا وحيده ، فاللحظه ديك حسيت عايزه تموت وأنهي الفوضى دي فقررته اخش الزلط
تخبطني عربيه واريح العربات كانت بسيطه عاينته ف عربيه جايه خشيت قدامه طوالي ل سوء حظي وحسن حظ السايق قدر يفرمل وانا وقعت بس ، نزل بسرعه وجا علي وكان مخلوع انت كويسه؟ حصلت ليك حاجه؟ يا بت الناس!! ردي علي وانا اغمى علي فاللحظه دي جاب مويه من عربيتو رشاني فتحته عيوني عاينته ليه قمته مخلوعه قال لي انت كويسه فيك كسر ؟ قلته ليهو لسوء الحظ قال لي نعم؟؟ عايزه تموتي يعني؟ قلته ليهو لو م عايزه الموت كنته رميت نفسي قدام عربيتك؟ قال لي مجنونه انتي؟ ماف حاجة بتستاهل الموت ،قلته ليهو لا في حدق فيني مسافه قال لي دقيقه دقيقه شايفك قبل كدا انا؟ قلته ليهو ااا قال لي راس السنه ؟ محل الحلويات،قلته ليهو د انت قال لي سبحان الله ،قلته ليهو فعلا سبحان الله م تطلع لي الا انت؟قال لي وانت م لقيتي حته ترمي نفسك قدامها الا عربيتي قلته ليهو لسوء حظي والله قال لي قومي اوصلك قلته ليهو لا،شكرا قال بي بطلي عناد ي بت الناس قلته ليهو وانت مال اهلك قال لي عايز اضمن م ح تفكري تنتحري تاني قلته ليهو وانت خصك شنو م مت الليله بموت بكرا ح تفضل معاي يعني انساك مني وامشي قال لي قلته ليك قومي بنهره كدا انا قمته فتح لي باب عربيتو ركبته قال لي بيتكم وين وصفته ليهو ، قال لي اسمعيني عارف ف كهربا بينا بس البتعملي فيهو دا غلط مهم كان الظرف الانتي فيهو قلته ليهو وانت منو وبتعرفني من وين عشان تنصحني قال لي اعتبريني عابر سبيل قلته ليهو نزلني قال لي اهدي قلته ليهو نزلني قلته ليك وقف عربيتو نزلته وقلته ليهو شكرا عالنصايح الجميله ومشيت ،،رجع ساق وهو بيقول مستحيل تكون طبيعيه البت دي ، اما انا رجلي كانت واجعاني فرجعت البيت وانا موجوعه فيها شديد ، لقيتهم شبه نامو مشيت غرفتي رقدت وانا بفكر لقيت مكالمات من باسل ومسجات كتيره من ضمنها حبيبتي قلقتيني عليك ،حاصل عليك شنو ،ليه م بتردي علي! انا راسي شطب وم عرفته لمن بكره الاقيهو ح اقول ليهو شنو واشرح ليهو كيف عدم ردي عليه وحتى هو رده فعلو ح تكون كيف ،،وانا بفكر نمته صحيت الصباح وكان بدري شديد لسه ماف زول صحى قمته صليت وادوشته ولبسته طلعته للجامعه ،، اشتريت قهوه وقعدته فالكافيريا اشرب كدا لمحت حلا بتشتري في حاجة شافتني جات علي سلمت علي فاستغراب سالتني كيفك ومالك متحيره كدا قلته ليها اقعدي احكي ليك الحصل م ح تصدقي قالت لي احكي قلته ليها اتقدم لي واحد واهلي وافقو،قالت لي وانت موقفك شنو قلته ليها اكيد رافضه قالت لي واهلك مش عارفين بموضوع باسل قلته ليها للاسف وابوي مصمم عالعريس دا ورافض باسل ،،انا محتاره اعمل شنو قالت لي كلمي باسل وصدقيني ح يلقى حل ،،قلته ليها متردده خايفه عليهو،قالت لي باسل قوي وبيحبك شديد انا بتمنى زول يحبني كدا،،قلته ليها خلاص ح اتوكل واحكي ليهو دقيقه اتصل عليه ،،اتصلته رد علي من اول جرس ،وهي مشت مني
قلته ليهو صباح الخير قال لي واخيراًً صباح النور وين انتي ،،قلته ليهو قاعده فالجامعه وعاايزه اشوفك ضروري قال لي انت كويسه قلته ليهو تعال الكافتريا وبحكي ليك،جا شفته جاي من بعيد ملهوف وماشي بسرعه جا وقف قداامي قال لي ميساء خيرر في شنو؟ ليه دا كلو قلته ليهو اقعد افهممك اول م قعد قلته ليهو بااسلل انا اتقدم لي وااحد عاين لي مساافه طويله واضح مصدوم وم فااهم كملته المشكلة م هنا المشكلة في ابووي ي بااسل ضاغط علي شديد ومُصر علي اناا حاولت افهمو بس لاهو لا امي سامعني تعبته تعبهه م عارفه ح افهمهم كيف انو حياتي م ح تستوعب غيرك،من غير ما يرد علي قام ومسكني من يدي وبقى ماشي وانا بتكلم باسل مالك باسلل فك يدي ،،وااصلا م وقف غير جنب عربيتو فتح الباب قال لي اركبي ،قلته ليهوو بااسل فهمني حاجة ح نمشي وين ،،قال لي ماهو ابوك دا لازم يفهم قلته ليهو بسم الله اسي نحن لشه م اتفقنا ح نعمل شنوو ،،قال لي وهو ماسك الدراكسون ومحدر عيونه عالشارع ح نهرب...
*في جانب تاني
_اها لقيت العروس كيف
*من ياتو نااحيه
_كلل النوااحي
*والله هي جمييله شديد
_حظك والله ي معلم طلع ابوك بجيب حاجات ظابطه،،بس ليه حاسي انك م مبسوط ي صحبي
*إنت عارف كويسس انه انا م مبسوط ليه وم عارف ح اتخارج منها كيف
_انت م كان توافق
*اعملل شنو انت عارف ابوي
_والله انت اي تصرف منك ح يكسرها هي
وهي م عندهها اي ذنب فالبحصل دا
*فهمني انت معاها ولا معاي هي لاقيه تعرس واحد زي أمين أصلا
_للقلوب حقوق يصحبي العفو مقصدي حاجة.
"كلانا يُشبه الأخر تماماً كلانا تبدو عليه ملامح التعبٌ"
#نتلااقى... ♥
