..فالاثناء دي اتصلل علي رقم غريب رديت عليهو قال لي بتعرفي واحد باسم باسلل؟؟ قلته ليهو ايوا خير؟! اتخلعته وقمته علي حيلي و أمين بسألني مالك في شنو.. الزول قال لي ايوا باسل دا عمل حادث.. التلفون وقع من يدي من غير م افهم حاجةة وبقيت بردد بااسل بااسل وداك م فاهم شي رفع لي تلفوني لسه الخط كان فاتح والواحل بيتملم الوو ألو... رد عليهو امين وراهو الحااصل ومحل المستشفى سألني باسلل د منو بقيت بتمتم ول واد ولد خالتي قال لي طيب م تخافي اهدي اهدي جاب لي مويه وانا خلاص قلللبي ف كرااعي.. قال لي ارح نمشي المستشفى م تتوتري اكيد هو كويس المستشفى دي شغاله فيها اختي سبأ اسي ح اتتصل عليهاا اتصلل على سبأ وبقى بشرح ليها وركبنا العربيه وبقى ساايق بسرعه وانا دموعي ماا وقفتت نهاي،، وطبعاً امين ما عارف بقصتنا انا وبااسلل ومتخيلل عشان بس ولد خالتي وكذاا،،، اداني منديلل وقال لي امسحي دموعك دي وادعي بس ليهو يا ميساء.. وصللنا المستشفى وانا برجف بصوره م طبيعيه خاايفه خاايفه وقلبي خاالص ما مطمن ...إحساسي حرفياً اتحجر.. خشينا وأمين بقى متواصلل مع سبأ لاقتنا وسلمت علينا قالت لي ما تخافي م تخافي هو اسي فالعملياات وان شاء الله بسيطه... بس عايزين رقم ابوه او امه نوريهم قلته ليها أبوه متوفى بس ح اديك رقم خالتي او نوري امس تجيبها ممكن تروح فيها خالتي وفعلاً اتصللنا ع امي وريناها وتجيب خالتيي لانو خايفين عليها تتصدم حتى امي خوافه م هولننا ليها الموضوع قلنا ليها حادث بسيط انا توتري زاد وبقيت بس بمشي وبجي بمشي وبجي ورجعت سألت سبأ قلته ليها عمل الحادث دا كيف؟؟ قالت لي هو قاطع الشارع وتقريباً كان بتكلم بتلفونو وم مركز ولقو اخر مكالمه ليك كان بتكلم معام هو؟؟ خليتها جريت ل تلفوني فعلا لقيت ف مكالمه منو!!!!! لحظتها أغمى علي.. *
م قدرت استوعب المشهد.. لمن صحيت وفتخت عيوني عاينته حوالي امين واختو وامي واختي رحيق وخالتي.. كللهم قاعدين وامين واقف جنب راسي سبأ لاحظت لي جات قالت لي مافي حاجة انتِ كويسه بس هبطتي.. م كنته قادره اتكلم في نفس الوقت عايزه أعرف بااسلل حصلل عليهو شنو ؟ قالت لي عايزه تقولي حاجة.. ؟ قربت علي قلته ليها باسل كيف؟ قالت لي كويس هو طلع من العملية نبرة صوتها م عجبتني..وم ينفع اسال تاني فسكته امي جات حنبي قالت لي كويسه انتِ؟ قلته ليها الحمد لله يا أمي.. أمين قال لي تشربي عصير؟ قلته ليهو لالا م عايزه سبأ قالت ليهو أحسن تجيب ليها قال ليها كويس وطلع..
اخت أمين سبأ دكتوره عظام وشغاله فالمستشفى دي..
بعد شويه جا امسن وشاايل عصير أمي سندتني وبقيت بشرب أمين طلع وراهو سبأ فضلنا انا وأمي وخالتي ورحيق قلته لأمي بااسلل كيف يا أمي قالت لي هو كويس يا ميساء والله بس فالعنايه قالو رأسو اتاذى شديد عشان كدا مُحتاج عنايه.. خالتي قالت لي بإبتسامه م ح تحصل ليهو حاجة باسلل قوي يا ميساء..قلته غي نفسي خالتي اكيد لخبطت وراسها م تمام بتكون اإتخلعت 💔حسيت نفسي عايزه اشوفو بس م عارفه اطلع كيف وخايفه أمين يشك فيني ..قلته ل رحيق اختي ارح عايزه اطلعع برا حاسه نفسسي مخنوقه طلعته لقيت امين قاعد جنب الباب وظاهر نعسان شديد وتعبان قلته ل رحيق انتي الدنيا ليلت ؟ قالت لي اي الساعه واحده صباحاً..قلته ليها انا نمته دا كلو قالت لي اي أبوي جا ومشى كمانن..وزععل من الشافو وم عرف يقول لي ناس امين شنو طبعاً كانت بتتكلم براحة قلته ليها خليني اقول لأمين يمشي جيت وقفته جنبو قال لي حمد لله رجعتي وقفتي ع رجولك قلته ليهو الحمد لله انت كمان ارحع بيتكم تعبتك معانا والله وم كنته عارفه الليل جا قال لي العفو دا كلام شنو ح نبقى اهل نحن كلمتو دي شقتت قلبيي شقق قلته ليه انت شغال بكره امشي ارتاح م تتعذب ساي قال لي والله مافي عذاب قلته ليهو طيب إذنك عايزه اتمشى شوية قال لي تمام وابتسم كداا فمشينا قلته ل رحيق وريني غرفه باسللل قالت لي عرفتك عايزه تشوفيهو لا عايزه تتمشي لا شي قلته ليها يلا طيب وريني قالت لي فوق ارح طلعنا قالت لي هدي لكن ممنوع الدخول قلته ليها عاايزه اشوفو ح ادخل قالت لي لو جو لقوك م برحموك قلته ليها م بيحصل شي قالت لي اعملي الف راسك خترك.. ما سمعته ليها وخشيت.. .
يلا خشيت طوالي كنته ملياااانه لهفه عليهوو عاينته ليهو نايم ف صمت ومليييان أجههزه 💔 حسييت بنخزه ف قلللبيي.. اقتربته منو بخطوات متثاقله ..صوت جهاز القلب.. والاجهزه وصمت عجيب بقيت بعاين ليهو كأني أول مرره اشوفه.. بقست بقول بقلبي بااسلل قوم ي باسلل اصحى انا مُحتاجاك شدديد دمعتي نزلت.. م قدرت امسك نفسي وحسييت لااازم أطلع.. وانا طالعه وعايزه اقفل الباب سمعته صوت مش ممنوع الدخول هنا اتلفته واذا د الزول اللاقيتو وكنته ح اقع تحت عربيتو عاين لي قلته ليهو مجبوره اخش اسفه.. قال لي انتي؟ قلته ليهو اه قال لي سبحان الله لقاءاتنا كترت انتي بتبكي؟ تعاالي تعاالي خير ماالك عيان ليك منو قعدنا فالكراسي قال لي اسف لكن الدخول بيأذي المريض عشان كدا ممنوع مالك انتي قلته ليهو ولد خالتي عامل حادث وياهو الجوااا دا وقصه طويله قال لي أهدي الزول دا كويس وللصباح بالكتير ح يصحى ادعي ليهو بس وبطللي بكاء عايني كلنا بنمر بمواقف زي دي وعادي دي عتبات وقضاء وقدر وبتمر عادي انا العملته ليهو العمليه ونجحت م تشيلي هم قلته ليهو بجد؟ قال لي اي والله ربنا كريم جدا...ح اتابع معاهو انت بس اصبري وكلو بيهون ..وشايفه الصدف دي كلها بينا.. قلته ليهو اي والله واسفه كنته لئيمه معاك قال لي ولا يهممك ومشى كلامو خفف علي كتتتير.. اتزكرته رحيق كانت معاي بس وينها باعتني الكلبه نزلت تحت لقيتهم كلهم نايمين نمته جنب امي وانا بفكر لا شعورياً نمته.. الصباااح صحيت بجوطه طويله عريضه بيقولو بااسل صحى باسلل صحى.. وكلههم طالعييين لفوق طلعننا كدا وانا مع كلل خطوه بحس قلبي بنقسم حسيت باحاسيس غريبه وملخبطه وحسيت الطابق التاني دا بعيسسد بعيييد كانو اميال عدييل وصلنا فوق والممرضات بقولو مااف زول يخش الدكتور بيطلع يطمنكم طلعع بعد شويه الزوول داك زاتو قال لينا اطمنووو اطمنو هو كويس شديذ ومافي اي مضاعفات جسديه بس.. وعاين لي مساافه اتخلعته خالتي قالت ليهو خير؟ قال ليها باسلل ما متذكر اي حاجة... "
#نتلااااااقي♥
#ميساء_محمد..
