قلته ليهو م قادره استحمل البيت دا حاساهو كاتم علي نفسسي قال لي طيب اطلعي لي في نفس المكان او بجيك تحت البيت انا بس خايف تحصل ليك مشاكل قلته ليهو لاأسف مف زول ح يسألني وانا وهو فالبيت دا م بندخل ف خصوصيات بعض ح أطلع ليك..
قفلته منو كدا جا خاشي امين.. قال السلام عليكم رديت ليهو وعليكم السلام كان شايل معاهو اكياس قال لي دا عشاء قلته ح تكوني ما اتعشيتي نتعشا سوا قال كدا وختاهم وخشا الغرفه بقت لي شينه اطلع واخليهو قلته خلاص اكلم يحيى واوريهو م بقدر اطلع خشيت غرفتي اتصلته عليهوو قال لي لسه ما وصلته طلعتي ولا شنو قلته ليهو معليش حصلت لي حاجة ما ح اقدر اطلع قال لي طيب نتلاقى بكره في كافي... **** قلته ليهو تمام قال لي شغاله كم انتي قلته ليهو عشره قال لي طيب نتلاقى قبل قلته ليهوو تمام.. وقفلته طلعت لقيت أمين طلع جا وبحضر فيهو فالتربيزه رفع راسو قال لي تعالي هههه عشاء الساعة 12بس أحسن من العدم مش كدا قلته ليهو اي وابتسمته عاين لي مسافه وقال لي اقعدي ناكل بدينا ناكل كدا سألني صحباتك كيف قلته ليهو بخير والله الحمد لله قال لي الحمد لله ناس امي قالو بكره نمشي نتغدا معاهم كيف معاك.. قلته في نفسي الحصل د بسبب ابوك بس لأنها اول عزومه م بقدر أقول لا رديت ليهوو ما عندي مشكلةة... قال لي تمام وحسيت بيهو فرح لانو وافقته.. تاني سالني فكرتي؟؟ قلته ليهو في شنو! قال لي موضوعنا.. قلته ليهو والله يا أمين ما عارفه صراحة كدا ف كلا الحالتين ما فاهمه حياتي دي ماشيه كيف أصلاً.. ابتسم كدا وقال لي الرأي رايك وم تقولي ما عارفه دي حياتك انتي زي ما قلتي من حققك تتنبسطي وتعيشيها طول وعرض.. في نفس الوقت يا ميساء انا محتاااج ليك في حياتي دي شديد.. اتخلعته وبقيت مبحلقه وبعاين ليهو باستغراب..!!! كملل انا عايز افتح صفحه جديده واكمل معاك عايز نعتبرها فرصه لينا الاتنين حتى لو ما بي إرادتنا نزي نفسنا فرصه نفهم بعض ماهو يمكن نتفق.. ورب ضره نافعه.. ما كنته مصدقه نفسي وانا بسمع في امين وهو بيقول كدا.. وصراحة كلامو كان منطقي بعض الشي في نفس الوقت انا لسه باسلل جواي رغم انعدام الامل فانو نرجع.. قال لي فالنهايه ما بغصبك على شي كل العايزك تعرفيهو انا محتاجك شديد وما بجبرك وقام مشى. .حيرني رسمي.. ،،،قلته خليني اوري يحيى الموضوع دا يمكن تكون عندو نظره لاني فعلا محتاره.. هو ما زول كعب لكن الظروف يمكن خلت السوء الفيهو يتغلّب على الخير الجواهو.. قلته الجمله دي ليحيى لمن لاقيتو تاني يوم.. قال لي يمكن.. قلته ليهو يممكن؟؟ قال لي والله ما بقدر احكم على زوجك داا احتمال فعلا عايز يتغير انت أدرى بمصلحتك يااا ميساء ولو عاااايزززه رأي اديهو فرصه انتي ما خسرانه حاجة ويمكن يتغير ويبقى انسان كويس اقعدي معاهو الكم شهر القالهم ديل لو م عجبك الوضع اتخارجي.. قلته ليهو والله بقيت مستغربه فالبحصل داا شي عجيب.. قال لي كلو ل خير م تشيلي هم..الجاي اجمل وحياتك ح تترتب قريب انت بس ركزي في قرايتك واخر سنه ليك اجتهدي شديد واشغلي نفسك بالجامعه...قلته ليهو ان شااء الله.. ماا عارفه اشكرك كيف قال لي مش قلته ح اسمعك في اي وقت وبعدين النااس للناس.. احتجتي حاجة انا متوفر وفالخدمه..
مشيت من يحيى الجامعه وانا كلي أمل ويقين وطُمأنينه..لااقيت نوف وقعدنا نتونس ونفكر البحث ح يكون شنو وكدا قالت لي ميساء انت كويسه صح ؟؟ قلته ليها حمد لله كويسه والله.. قالت لي اذا حابه تحكي اي شي وريني م تضغطي ع نفسك.. رجعت البيت بعد يوم ممل وشاق عاينته ل شقه جيرانا وخالتو الطوالي بتقول لي تعالي لينا مشيت خبطه ليهم جات فتحت لي بت كدا خدوريه ..قلت ليها دا مش بيت خالتو بهجة ابتسمت وقالت لي وصلتي فضلي خشيت جات خالتو من حوا سلمت علي وقالت لي واخسر زورتينااا...قلته ليها والله معليشش ياا خالتو بس اخر سنه ومضغوطين قالت لي الله يوفقك برضو دي بتي ومضه اخر سنه ليها بتقرأ علاج طبيعي قلته ليها ما شاء الله بتها جابت لي مويه وعصير خالتو قالت لي اهلك مساافرين صح قلت ليها اي اصلا زمان كنا عايشين فالنرويج ورجعنا هنا واسي بعد زواجي سافرو تاني قالت لي ما شاء الله نحن برضو كنا عايشين فالسعوديه انا وبتي وابوها الله يرحمو اتوفى والمعيشه هناك بقت صعبه علينا نزلنا هنا وهي كانت فالجامعه اصلا.. قلته ليها الله يرحموو ان شااء الله.. وبعد شويه قلته ليهم انا استأذن األحق اخش البيت اهل زوجي عازمننا عندهم قالت لي م تتقطعي مننا قلت ليها العفو الباب ف الباب انتو كمان زورونا. ..ومشيت منهم حسيت في بيتهم بكمية حنييه ودفا وحب ما طبيعي ..خشيت البيت كانت الساعه 2وحاجة اتصلته على امين قال لي جاي عليك.. وفعلا ربع ساعه مسافة اطلع من الحمام كان جااا طلعت فتحت ليهو الباب قال لي معليش المفتاح نسيتو تحت فالعربيه
وكان بيعاين لي بصوره غريبه عاينته قلته يا ربي انا في شنو غلط فيني.. ركزته لقيت نفسي بشورت وتشيرت والشعر فاكي ومبلول قلته ليهو معليش وخليت الباب فاتح وهو واقف وجريت خشيت الغرفه وهو عاين لي وابتسمت ابتسامه م تتفهم حب ولا شماته.. ارتبكته م كنت عايزه يشوفني فالمنظر دا بس نسيت نفسي لبسته بس كنت خجلانه اطلع ليهو واشوف وشو تاني فضلته قاعده فالغرفه سمعتو بينادي ميساء لو جهزتي أطلعي خلينا نمشي.. وانا غالبني ارد عليهوو سمعتو بيضحك وقال خجلانه مني؟؟ يا بت عادي انت ناسيه اني عاقد ليك بطلي عولاق ياخ صحي الجو بينا مكركب بس بعتبر نفسي م حصل شي وكمان يعني الموضوع م خطير.. هو بيقول كدا وترني زياده بس استجمعته شجاعتي وطلعته عاين لي من فوق ل تحت وضحك قال لي اقسم بالله م قايلك بتخجلي حالتك مُنفتحه ولبسك عادي وموضه يعني م نوع البنات المتمسكات خليتو بتكلم ونزلت قفل الباب وجا نازل وراي وقفته قال لي ارح مالك قلته ليهو عايزه اقول ليك حاجه قال لي قولي. .قلته ليهو انا موافقه قال لي ع شنو قلته ليهو نعيش مع بعض كم شهر لو اتفقنا كان بها لو م اتوفقنا كل زول يمشي في طريقو..سكتت مسافه وقال بجد يا ميساء؟ قلته ليهو اكيد ..ابتسم وقال لي شكرا.. وفتح لي باب العربيه ركبت وهو ركب وساااق.. فتح الميوزيك واشتغلت نفس الاغنييه دييك قال لي بكره افتحو واسمع بالزات للعبد المجيد لانها كانت بتريدو وبالزات الاغنيه دي لكن من اليوم دي صفحه جديده واي حاجة لازم تمر عادي وما توقفنا قلته ليهو دا الصح.. واللازم يحصل من زمان قال لي ايواا.. وفضلنا بنتونس ونحكي قال لي كل واحد فينا محتاج يتعرف على التاني طبعا الظروف م سمحت انو نتلاقى بصوره طبيعيه لكن لازم نتعرف ع بعض قلته ليهو ان شاء الله بس كمان الوقت م ح يكون مساعدنا وانا اخر سنه لي وح اكون مضغوطه قال لي ولايهممك ح نلحق.. يلا وصلنا نزلنا ورن جرس بيتهم جات فتحت لينا وحده ع ما اعتقد الشغاله . .امين قال ليها فطوم كيفك قالت ليهو حمد لله خشينا امو جات نازله من فوق وبتقول اهلا اهلا بي حبايبي امين سلم عليها بحب وانا كمان مشيت سلمته عليها جات سبأ نازله وقالت اخيرا نورتونا يااخ الا الواحد يشحدكم كدااا معقولل ههه فضلو فضلو.. بعد زي ربع ساعه من الونسه جا ابوه امين مجدي خاشي سلم علينا وسألنا احوالنا وكدا سبأ قالت يخوانا طواالي الغداأ اتاخر زاتو ههههه ..اليوم اكتمل عندهم طلعو عكس ما كنته متصوره كنته مفتكره انهم ناس متكبرين وشايفين نفسهم بس طلعو حب ما طبيعي وظريفين ودمهم خفيف لاابعد خد ومتواضعين والااجمل مبسوطين بيناا اناا وأميين شديد اتغدينا وشربنا شاي وقهوه واتونسناااا وصلينا المغرب امين قال لازم نمشي بعد كدا سبأ قالت كان تبيتو معانا الليله ولا لسه معتبرين نفسكم عرسان جديدين امو قال ليها اصلاا هم لسه جديدين هههه ودعانهم وكدا ومشينا ف اتجاه البيت ،،،، امين قال لي اها راايك شنو في اهلي. ‘قلته ليهو حبوبييين يااخ ووحلوووين قال لي اصلا نحن عائله فكاهيه جدااا هههههه.. المهم انت امبسطتي قلته ليهو جدا والله حسيت نفسي بين اهليي.. قال لي الحمد لله.. خشينا البيت كدا تلفوني رن لقيتها امي رديت عليها سلمت علي قلته ليها نسيتو انو عندكم بت سريع قالت لي قلنا انت عروس جديده ونحن هنا انشغلنا شديد نحاول نرتب وضعنا واسفين يا بتي اتونسته معاها حبه قالت لي امين وين قلته ليها هدا ليهو واديتو التلفون اتتكلمت معاهوو وادتو رحيق سلمت عليهو وجاب لي التلفون اتكلم مع رحيق.. قلته ليها يخس عليك نسيتي اختك ولااا رساله ي رحيق دي خوتك قالت لي والله انت في بالي بس الجو هنا كان ضغط تقييل..قفلته منهم.. حرفيا دا بعد زممن كان اخيرا مر علي يوم حلو وحسيت فيهو بفرح.. شويه امل وانو السعاده موجوده نص الوجع بس انت فتش عليهاا..
#نتلااقى
'"""'""""''""'
