قال لي امين مالو وبديت احكي ليهوو القصه وهو كان سااكت وبسمعني بعد خلصت قلته ليهو انا ما عارفه دا كذب ولاحقيقي م رد علي قلته ليهو يحيى اعمل شنو انا حاسه نفسي ح امووت..قال لي للاسف حقيقه. ..اتخلعته قلته ليهوو انت كنته عارف يعني كيف كدا؟؟
قال لي ميساء ممكن تروقي عشان أفهمك حاجة ابتسمته ابتسامة خيبه قلته ليهو تفهمني شنو يا يحيى؟ اثبت كلامي وانتهى بس جاوبني كنته عارف الحاصل ودسيت علي ليه؟؟ عشان هو صحبك؟ قال لي ميساء اهدي عشان افهممك ،،قلت ليهو بس عايزه اعرف حاجة وحده..أمين سافر مع البت دي؟ قال لي ميساء انت م فاهمه خليني اشرح ليك قلته ليهو ما تشرح أي شي.. بس رد علي قال اي سافر معاها.. فبدت بتتردد في راسي حاجات كتيره تعاملو معاي داك كلوو الطلع كذب عشان يأمن على نفسه ويسافر معاها لمن سمعتو بحجز في تزكرتين..!! حسيت انو حجم راسي زاد اضعااف وتقييييل يحيى كان بيتكلم بس أنا ما سامعه اي شي وحاسه قدامي ضباب ضباب نزلت خليتو فالعربيه فضلته بفكر ح تعملي شنو اسي،،دا الكنتي عايزه تعيشي معاهو وبتحبي فيهو للمره التانيه يا ميساء.. وأنا في حتتي اتصلت على نوف ردت علي قلته ليها نوف انا في الحته الفلااانيه راكنه بعربيتي تعاالي لي ضروري،،قالت لي ميساء حاصله ليك حاجة ؟؟
قلته ليها تعالي وح افهمك يا نوف.. قالت لي بس مسافة السكة.. اتجهته عالعربيه يحيى نزل جا علي قال لي ممكن تسمعي كلامي قلته ليهو انت اتفضل امشي لو سمحته انا ما عايزه اسمع اي شي يا يحيى ولا شي انت تتوقع ممكن اصدقك حتى بعد كلل دا؟؟قال لي معاك حق انا أسف ومشى طوالى فضلته واقفه لمن جات نوف جاتني جاريه ميساء خير في شنو قلته ليها ممكن نمشي بيتكم قالت لي ارح بس في شنو قلته بيها بحكي ليك فالطريق.
نوف ساقت عربيتي وانا معاها قالت لي يلا أحكي الحااصلل ،،، قلته ليها امين خاني اقصد رجع لحبيبتو القبليني الاصلا متزوجه غيرو.. اتخلعت قالت لي ميساء دا شنو البتقوولي فيهوو دا ،،كيف يعني،،قلته ليها زي ما سمعتي،،قالت لي عرفتي كيف ومن وين قلته ليعا راجلا حا قابلني وحكى لي ومعاهو صور.. وانا م صدقتو بس يحيى اكد لي..قالت لي يحيى منو؟؟ قلته ليها ح احكي ليك...وبديت احكي وشرحت ليهاا القصه كلهاااا،،، قالت لي م بصدق يا ميساء!! قلته ليها خليك انت انا زاتي م قادره استوعب نهاي يااا نوف نهاااي قالت لي أهدي وكل شي عندو حل
قلته ليها افتكرت علاقتنا ح تتحول للاحسن بس حصل العكس.. قالت لي اهدي وحليها بروااق قلتهه ليها الحلل الطلااق ،،الحمد لله الماا وهمته نفسسسي فيهو اكتر. ‘وجات لحدي هنا.. قالت لي طيب م ح تواجيههو قلته ليها ح نتواجه بس ك طليقين.. مشيت مع نوف اتصلته عالبنات اعتذرته انو ح اخليهم برااهم الليله ،،،لانو نفسسيتي كانت تعبانه شديد.. بين التصديق وعدمو.. كل دا طلع كذب ؟
انا أفتكرته حياتي إتغيرت ومع أمينن خلاص كل شي مؤلم ماضي ما أكتر حررفياً عثلي اتجمد تفكيري بقى صفرر ما فاهمه البحصلل معااي دا شنو وليهه كمان..فقدان امل وخيبه زول يعشمك ويرجع يكسرك حسيت بكل ثانيه فالليله ديك اي سانت في قلبي وجعني وحسسيت،، بيهو فقزان ثقه فالكلل اي حاجه بتعشم فيها بتتطلع بيساطه وهم ما عارفه هو م مكتوب لي أفرح؟؟..اليوم الثاني رجعته شقتي لقيت البنات مجهززين شنطهم قالو لي لقينا دااخليه وح يمشو إعتذرته ليهم عن غيابي واصلا م كنته حابه زول يشوفني فالحاله ديك ودعتهم وشكروني شديد ووحلفوني ما انقطع منهم ،،ومشو..
