#بلسان_يحيّى
---------------------------------
قعدته فالعربيه وأنا ساامع صوت دقات قلبي،،،أنفاسي،،،متوتر فتحته الرساله وبديت أقرا:-
بِسّم الله الرحمن الرحيم..
يحيى أو ألكس ألأقرب ل قلبك.. ،أنا يا صديقي أشعر وانني على حافة هاويةٍ ما.، أشعر وأن النهايه قد أقتربت ،،لم أسلم من الأذى منذ ولادتي،،الجميع يغزُ خنرجه السام بقلبي،، لم أسلم ،،تخلى عني أهلي والاصدقاء ،،ومن أحببت،،ومن تزوجت ثم أحببت ،،أترى حتى انت لم أسلم منك ،،ولكن تراني أكتب لك ،، أهذا لانك اخفهم قدراً ،،أم غير ذلك ؟؟ ،صدقني لا يهم ،، أنا الأن متعبة جداً يا صديقي لدرجة اللا شعور ،، حتى قلبي أشعر وكأنه لا وجود له ،،انا لا أستيطع أنا أكمل هكذا ،،وكل شعرة بجلدي تحترق وتلسعني جمراتها، أشعر وكأننما أريد الذهاب في رحلةٍ بعيده ولو موت ،،كم أتمنى ان يتغير الزمان وأولد من جديد،،أعاشر أُناس جدد،،أعيش ف عالم لا يعرف يخدع ولا يقتل القلوب ،،كم أحلم بحياة تستحق أن أحارب لأجلها ،،محاولاتي فالهروب من الأشخاص لم تنجح ف نسيان الاحداث،، لا أدري ف ربما لو وجدت سبباً للبقاء لبقيت،، شمعة أمل واحده كانت كافيه لاعيش عمراً كامل كالبقية،، ولكن أحياناً لا سبيل الا الرحيل،.
ميساء..
قريت الرساله لي مية مره مية مره وانا في حتتي ،،حسيت بكل حرف خزلان ،، بكييت بكيييت شديد ،،هي كانت فاقده الامل وانا كمان واحد من أسباب موتها ،، حتى انا ،،بس الرساله دي كتبت قبل الحادث ،،ميساء معقوله قررت تنتحر،،قبل الحادث ،،طيب عشان اعرف الفتره الاخيره الحصل ،،اقل معلومه ممكن تساعدني ،،فجأه اتزكرته انو أمين قال لي هي كانت مع بنات صحبات بت جيرانهم،،اسي المفروض تصل ليهم بس ح اصلل كيف وانا ما بعرف إسم اي وحده فيهم وماتو فالحادث و ولا عايشين ،،طيب امشي لجارة امين ،،يدلوني عليهم،،..العصر مشيت ،،طلعته العماره الفيها بيتهم م عرفته ح اسأل ياتو شقه ،،بتذكر اقرب شقه واحتماال القصادهم رنيت الجرس،،فتحت لي بت قلته ليها دي شقة بهجة،، قالت لي بهجة منو؟ قلته ليها صراحة ما بعرف بس عندها بت اسمها ومضه وانا صاحب امين الكان جاركم،،قالت لي وصلته اتفضل خشيت نادت لي امها سلمته عليهم،، جابو لي مويه وكانو مستغربين سبب زيارتي ، قلت ليهم انا صراحة سبب الزياره ،،عايز أسال صحبات ميساء الكانت معاهم ف الاجاازه ،،عايز الاقيهم ضروري، هم من الناس الطلعو كويسين،،؟ ومضه قالت لي ايوه بس انت عايز تلاقيهم ليه،،قلته ليهم هم الكانو معاها اخر فتره ،،عايز أساألهم شوية أسئله عنها اذا ممكن ،،ومضه قالت لي تمام ح اديك رقم تسابيح تقريباً لسه هنا م رجعت ،،اتصل عليها وقابلها ،،ادتني الرقم ،،وشكرتها ،،وطلعت منهم طوالي اتصلته فالرقم ردت علي بعد مكالمتين ،،سلمته عليها وقلته ليها معاك يحيى وعايز اقابلك بخصوص موضوع مهم،،قالت لي يحيى منو،،قلته ليهاا انا صديق ميساء الله يرحمها ،،عايزك ف موضوع ،،قالت لي اوك ،،قلته ليها نتلااقى بكره ،،بناسبك متين قالت لي الصباح بتصل عليك ونتفق،،قلته لي اوك تمام شكرا‘. ..رجعته البيت ،،حاسي بشوية راحه ،،كنته مرهق جداا،،إتصلل علي ياسر ودقه جرس قال لي انت ليه م جيت وكدا ،،اعتذرته قلت ليه ،،كنته عندي موضوع كداا. ،ح اجي بكره ،،قال لي المهم انت كويس قلته ليهو ايوا احسن ب كتير الحمد لله،،
اليوم التاني الصباح اتصلت علي تسابيح فعلا عشان نتلاقى ومشيت لاقيتها قعدته معاها في كافيه ،،قلته ليها صراحة ما عارف افتح معاك الموضوع كيف ،،بس انا عايز اعرف الحصل مع ميساء الفتره الاخيره وانت الوحيده يمكن تعرفي لانها كانت معاكم ،،قالت لي ايوا هي الفتره الاخيره كانت مرهقه وطواالي زهجانه وحاسه انها مضايقه ومخنوقه ،،انتو لقيتو جثتها؟ قلته ليها للاسف لا راجعته كل اللستات بس كانت من ضمن المفقودين ،قالت لي لسته الداخليه؟ قلته ليها ايواا ،قالت لي بس هو م مسجله فالداخليه اصلا ،هي قعدت معاي انا ورغد وكنا عايزين نتم الشهر ونتخارج ،،قلته ليها جاده انتي ف كلامك دا؟؟ وهي طيب كانت معاكم لحظه الحادث ،،قالت لي الصراحه م بعرف نحن نمنا قبل م هي تجي اصلا. لا اتزكرته قالت لي طالعه وح تجي قبل الداخليه تقفل،،والحريق كان متاخر ولمن قمنا مخلوعين م شفناها وم ركزت اصلا مع زول حتى رغد شفتها بعد كذا يوم،،قلته ليها بس احتمال م رجعت ،احتمال عايشه،،قالت لي طيب وين ح تكون مشت اذا م اتوفت،،م عايزه اخد امل. ،بس لو عايشه كان ظهرت، قلته ليها فعلا بس م عارف اعمل شنو اسي الكلام القلتي دا امل في حد زاتو ،،اتحركته من تسابيح وانا حسيت روحي رجعت لي حسيت بسعاده عظيمه ،،ف امل ف امل تكون عايشه في مكان ما ، في امل اشوف ميساء والاقيها وارد عليها ع كل سؤال في رأسها،،بس طيب لو العكس ،،شلته التلفون واتصلته على صحببي ياسر قلته ليهو انا في شارع النيل تعال الجو ظابط عايزك في موضوع مهم،،
قال لي من صوتك حاسي في خبر حلوو. ،قلته ليهو تعال وافهمك وفي ظرف ساعه وصلني ،،سلم علي وقال لي اها بشر شغلته لي بالي ابتسمته وقلت ليعو ميساء عايشه ،اتخلع وفتح خشمو قال لي سبحان من يحي العظام وهي رميم. ،قول بسم الله ،ي ود الناس جنيت؟؟ وصلت اخر مرحله جنون انت؟ دا عدم النوم ،قلته ليهو اهدا اهدا ،،وحكيت ليهو الحصل بالتفصيل ،،قال لي بس ي ألكس دا مجرد احتمال ولو فعلا عايشه كان ظهرت!! قلته ليهو هي المرت بيهو م هين وما شويه احتمال عايزه تريح راسها،،قال لي مسلسل هي ،،اصحا فوحده بضيع مستقبلا عشان شوية مشاكل وتخلي حياتها، دا مجرد احتمال واحتمال ضعيف جدا جدا جدا ، كدا انت بتعشم نفسك ل حاجة مستحيله لو غير ممكنه ،،ألكس ارجع لحياتك دي مجرد وحده كنته بتعرفا ومرت صحبك ليه بتعمل دا كلو وفرضا عايشه ح يفرق معاك؟ قلته ليهو يفرق كتير انا بحبها ،،عاين لي بنظره غريبه وقال لي المره دي عقلك راح،،حب شنو بتحب وحده ميته؟ قلته ليهو هي ما ميته ،،ولو لو هي عايشه جواي ،قال لي ألكس لاخر مره لاخر مره ارجع لحياتك وانسى ام الوهم دا شيل الفكره دي من راسك كده بتعذب نفسك بتموتها باالبطئ عشان وحده لو ما ميته م سألا ف زول ،،فكر مع نفسك وارجع لحياتك اعتبرها انتكاسه وعدت يا ألكس ،،ويلا نغير الموضوع ،،ياسر حاول ينسيني ويقنعني اني بتوهم بس انا كنت حاسي اني صح بس احيان بفكر واذا هو صح ودا وهم واحساس بالذنب ليس إلا موقفي شنو،،ااه يا رب،،طيب انا قلته لازم اعمل ليها حاجة ومدام هي احتمال عايشه لازم الاقي طريقه افتش بيها عليها ،ف ي رب دلني ع فكره ،،طيب انا ممكن اعمل فديو يصل ليها طيب فرضا م وصلل ،،بوست ،،اصحابي كدا ح يودوني مستشفى ،،اخ ي رب ايوا ممكن اعمل ليها كتاب بس ح اقول فيهو شنو ،،ما مهم المهم اعملو ،،اكتب فيهو اي حاجة بتخصها وممكن كلام اهلها اصحابها وكل دا ،،لو هي موجوده اكيد ح يصلا بس لازم يتنشر ف اي مكان ، الموضوع دا كبير لكن هل ح اقدر عليهو انا ك مبتدئ فالكتابه ،،يا رب سهلا ....وتكوني عايشه.
#تخريمهه
شعرة أمل كفيله بمنح حياة.. 💜
#نتلااقى
ميسااء محمد
