تكمله ......
امير: اني فرحت من كال هيج اخوها يعني هيه هم معجبه بيه
كلت احسن شي اروح لبويه واكله
رحت على ابوي وكتله انو اني اريد ساره بنت الشيخ.
والحمدلله ابوي وامي ماعترضو لان الحمدلله اني متخرج ومنتضر التعين.
كال ابوي باجر اروح واحاجي الشيخ.
واني كلش فرحت.
صحيح الجان بينه بس نظرات بس حبها كبر بكلبي
ساره:اني جنت حيل ضايجة لان اخويه هيج كال لامير
المهم.. وره ماراح الزلم الي بالمضيف..
اجوي خطار علينه..
وسمعت ابوي يرحب بيهم وكلهم اتفضلو.
كلت...
سارة:اني كلت منو ذوله الي اجو وابوي دخلهم بيتنه.
راحو دخلو المضيف ..
بعد ماعرفت شصار لان الاستخبارات مالتي .
اخوي الصغير نايم .😂😂😂
المهم اني ما هتميت ورحت كملت شغلي.
وامير ماخذ كل فكري.
كمت كل ماكعد او اشتغل افكر بيه.
ما اعرف شنو هذه الشعور الغريب.
اول مره هيج اهتم بشخص للدرجه هاي.
امير: جنت طاير من الفرح لان ابوي بليل يروح للشيخ.
ماتتصورون الفرحه عندي .
جنت عايش اللحظة.
كلت معقول راح اخذ الاحبهة .
اوف من اذكر عيونها الزرك.
يطير عقلي من راسي.
صرت مجنون بعيونها الزرك.
ساره: وره ساعة تقريبا.
اجه بابا بس طوول بالمضيف.
اجه كبل صاح ماما وكاللهة تعالي وراي للغرفه.
سمعت صوت شوية عالي.
ما اعرف ليش وبالاخص ماما.
بس اني ضلت بكلبي حوصه😂
اريد اعرف شنو لان خفت وكلت بكلبي يا ربي.
شنو هل الاجتماعات السريه😂
اول مره هيج يسوون.
اني صرت افكر ليش بابا هيج يعاملني.
جان مايضم شي عليه .
بس من كالوله على سالفتي اني وامير.
كام يعاملني معامله مدري شلونهة.
بس اني مسويت شي .
هوه ابتسم اني شعليه.
بس شسوي ابن عمي هوه الحركني .
المهم وره نص ساعه امي طلعت وتباوع عليه.
و وجها صار ينطي الوان.
راحت للمطبخ رحت وراها.
كلت ...
ساره : ماما شكو
كالت معليج انتي..
ضليت الح عليها لمن كالت ابوج يريد يزوجج..
كلتله شنو كالت ....
اليوم اجوي مشايه يردونج لبنهم...
كلتلها منو كالت عمامج
كلت شنو اعمامي ماعدهم هيج ولد بكدي..
كالت اي
يردونج لبنهم حاتم..
اني ضليت ابجي😭 وكلت
اني بتكم الوحيده تنطوني لواحد مزوج..
كالت اني ما عليه ذاك ابوج وروحي حاجي..
رحت على ابوي ابجي ..
كال شبيج
كلت لبوي ليش هيج اسوي بيه اني بنتك الوحيده هيج نطيني لواحد مزوج واني بنتك بنت الشيخ
كال اني قررت وانتهى الموضوع وابن عمج احسن من الغريب..
هوه كال اني ادللها وعيشها احسن عيشه..
وكال بنتي انتي جنيتي على روحج..
ساره:بابا والله اني ما سويت شي ..
بنتي مو بعد كتلهم باجر نكطع المهر..
وانزوجكم باقرب وقت .
ساره: بابا والله اني ماريده.
كال مو بكيفج
كال بنتي هوه ماعنده اطفال لان مرته مريضه..
انتي روحي وهوه كال ادللج..
سارة: بابا اني ماطيقه ما اكدر اعيش وياه 😭😭
كال مو بكيفج.... ( ابو خمسه بربع),( ال مافهم هاي الجمله يعلق واجاوبه عليها)
بابا جان قافل حيل اترجيته لمن تعبت مافاد بين دزيت ماما وجان.. يكلهة ماريد تبقه هنا اسوي سوالف ما شفتيها شسوت بينه بالعزيمه
ساره: اني من سمعتهم هيج يحجون روحي طلعت..😭😭
متت بواجي
اتمنه تعجبكم القصة ❤❤ شنو تتوقعون مصير ساره وشنو راح تكون رده فعل امير 🤔🤔🤔
