هذا البارت هديه لي اجمل صديقه بالكون
❤❤❤ماري❤❤❤
تكملة.......
امير: اني فرحان واخيرا صار الليل.
حتى انروح لبيت الشيخ.
ونطلب بنته ساره اليه.
امير: رحت بدلت ورتبت طلعت كشخه👌
ورحنه لبيتهم.
ابوي فتح الموضوع كاله شيخ فايق.
اني جاي اليوم حتى اطلب بنتك لبني امير.
وما نحصل احسن مثلكم شرف ونسب.
امير :اني جنت فرحان وكلبي يدك سريع.
مابين الفرحه والخوف انو الشيخ يرفض.
من الشيخ كام يحجي اني غمضت عيوني😁
وهنا جانت الصدمة 😵
الشيخ:والله مانلكي احسن من نسبكم يابو امير.
بس اني منطي كلمه لأبن عمها حاتم .
واحنه ما نلكي احسن منكم والنعم من اصلكم.
البارحه جان يمي ابن عمها وابوه.
و اني انطيتهم كلمة.
ابو امير: هاذهو العمام احق بيها
امير: من كال هيج احس اعيوني صارن بكصتي
😡.
اختنكت حيل.
كتله شيخ حاتم مو مزوج ؟
كال..
الشيخ: هذا الشي راجع الي ويخصنا.
اني كلت.
من رخصتكم راسي يوجعني.
وكمت.
ما اعرف شسوي بهاي اللحظه.
كلت كله صوجي اني تأخرت.😔
المفروض من اول يوم اروح اخطبها.
تمنيت بس لو الوقت يرجع اسبوع حتى اخطبها.
بس هاي صارت اماني والوقت مر.
رحت للبيت طالعه روحي.
للصبح ما نمت عبالك واحد عاصرني عصر.
ساره: ماعرفت شسوي عارضت الزواج وما فاد.
واجت امي نصحتني وصارت تقنع بيه.
ثاني يوم ....
اجو عمامي وجايبين شيخ وياهم.
المهم.. صاحولي سئلوني موافقة لولا؟
ابويه خزرني..
اني كلت ايي بس من كلت هيج.
احس واحد عصر كلبي..
بس بعد شكدر اسوي..
باوعت على حاتم فرحان.
كلت نيالي على هيج رجال وعلى هيج شهره..
عابتت شلون نظرات.
المهم.. كطعو مهر ونتفقو ماكو خطوبة .
وانطو المهر لبابا.
وكالو جهزو كلشي باسرع وقت.
سارة: العصر امي اخذتني اشترت اشكال والوان
و اني اصلن ما اباوع بس تاخذ قياسي وتحط بالعلاكه.
مرت ايام وكملنه تجهيز .
انطونه خبر كالو عكب باجر العرس.
سوو حنه وشلون حنه مأسا مو عبالك عرسي.
جنت ضايجة حيل..
اجوي بنات خوالي وبنات عمامي وبنات الجيران
وكالو لج شبيج باجر عرسج.😔
واني لعبانه نفسي من الدنيا..
المهم... يوم العرس الصبح اخذوني للصالون..
رحت للصالون عبالك رايحه لجهنم..
مكيجوني وخلصت رجعنه للبيت..
امير: جانت حالتي تبجي الصخر حتى من البيت ما طلعت..
عرفت اليوم هو يوم عرسها..😖
تذكرت نظراتعا وعيونها الزرك..
واليوم راح تروح لشخص غيري..😟
هم راح اطب لذاك البيت..
حالتي النفسيه تدهور من افكر بيها..
ساره: اني جنت متوتره حيل...
شلون راح اعيش وي شخص ما احبه
صار العصر واجو اخذوني..
وكعدت يمه بالسياره..
جنت ميته قهر 😖..
شنو ذنبي ازوج واحد اكبر مني ب11سنه ومتزوج هم ،واني عمري 19..😭
جنت مصدومه من بابا وحتى كرهت لان سوه بيه هيج
ليش يا بابا
اتمنه عجبكم البارت 😊😊😊
شنو تتوقعون الي راح يصير بسارة بهذا البيت
❤❤❤❤
