تكمله.......
واني كاعده افكر ما احس الا والباب نضرب حيل.
باوعت لكيته حاتم😲.
صاح ساره واجه لزمني موتني كتل.😢
كتله شبيك كال ليش تعيرين بيداء.
وتكليلها مايصيرلج اطفال.
وبقى يضرب بيه لمن فقدت الوعي.
عبالك يكتل بمجرم مو بزوجته.
اني فقدت الوعي وبعد ماحسيت بشي.
ما ادري الا كعدت دايخه العصر بال5.
رحت للمرايه باوعت وجهي وجسمي مزورك ومورم.
كلت بعد ما ابقه هنا ولا لحضه خليت ملابسي.
بالجنطه وطلعت وحدي لان جنت اندل بيتنه.
لان مرا جيت على بيت عمامي وجنت اندل الطريق طلعت من الغرفه.
عمتي لاكتني وكالت هاي وين تردين خل يجي حاتم
وهوه يوصلج.
ساره: اريد اروح لاهلي ما تحمل بعد ابقى هنا.
عمتي: ساره انتي علتي بيها شلون تكولين هيج ال بيداء.
ساره:عمه والله كالتلي بس تجيبين ولد انذبج واني ما تحملت وجاوبتها.
عمتي: هسه رجعي ملابسج واكعدي.
ساره: عمه ما اكعد لو اموت بعد ما اتحمل اعيش وين هيج انسان.
وطلعت امشي لبيتنه لان جان قريب.
رحت طلعت عالباب ولاكاني حاتم.😣
حاتم: وين تردين ؟
كتله
ساره: رايحه لاهلي لزمني من ايدي.
و طببني جوه كال اطلعين وماتكليلي.
كتله اي اطلع وبده يصيح عليه بالبيت.
التمو علينه عمتي وبيداء وسماح بتهم.
كال اذا بعد تعبرين باب البيت اكسر رجلج.
كتله اطلع وما اريد ابقه هنا.
ضربني راشدي وكال مو بكيفج.
من سوء هيج لو ميته احسن ضربني كدام الكل
وبيداء مبتسمه.
رحت لغرفتي وضليت ابجي.
صرت ادعي على بابا لان انطاني الهم.
كمت بس اريد اطلع من البيت.
لان صرت اضوج منه واكرها .
وره شويه ندك الباب.
كلت تفضل طلعت عمتي.
اجت يمي مسحت وجهي و دموعي.
كالت بنيتي تره حاتم طيب وخوش انسان.
ساره:عمه يا خوش انسان دمرني 😔
عمه اني بعد ما اتحمل اكعد ويا.
عمتي: ساره انتي ازوجتي بعد لازم تتحملين.
ورتبي نفسج لاتخلين بيداء تسيطر عليه.
عمتي: اني حبيت انصحج بس انتي ميفيد بيج..
ابقي على هاي الحاله ويوميه يكتل بيج.
ساره: اجه الليل ما رحت تعشيت كمت نمت وما اجه حاتم عليه.
اني نمت كعدت نص الليل ميته جوع .
رحت للمطبخ فتت من يم غرفه بيداء.
سمعت الضحك وهو بكلها احبج ومن هاي الخرابيط.
اني رحت للمطبخ وجاي اكل
اجه حاتم وكال سويلي اكل جوعان.
كتله ليش ما اسويلك خاتونه.
كال سوي اكل وبدون كلام بسرعه.
وجيبي للغرفه.
رحت للثلاجه ولكيت تمن ومرك.
حميتهن ودزيتهم اله.
ورحت نمت.😴
كعدت الصبح
لكيت عمتي صبحت عليها
وسويت ريوك حته ناكل اني وياهة.
كملنا وبدينه ترتيب وتنضيف بالبيت.
شويه واجت بيداء
كالت عمتي
عمتي: همزين كعتي يالخاتون
كالت بيداء
والله عمه حاتم ما خلاني انام بس نشاقه ونضحك
وساعه يكلي نيميني وساعه يكلي ضايج.
وما كدرت انام.
ساره:😂😂اسولف هيج حتى اغار منها وهيه جنها ثور 🐂😁
.
.
.
اتمنه يعجبكم البارت حبايب اريد شي منكم وهو التصويت لان الكل يقره ويطلع ومايصوت ليش شخسرانين
تركتلكم فيديو شوفو وانطوني رأيكم بيه اني
متت من الضحك عليه
يايه يايه😂😂😂
