قصه بنت الشيوخ

البارت السابع 😙😙

تكمله.......

رحنه كعدنه ابيتهم الناس كلها تركص وتهلهل..

وجانت مرته تباوع عليه من الباب واكفه بس..

بنظرات حقد وكراهية اني كلت هاي بعدنه بالبدايه هيج..

المهم رحنه الغرفه..

اخذ الي يريده مني..

وعافني..

عبالك حيوان ماعنده احساس حتى كلمه وحده ماكال..

اني ضجت حيل..

رحت للحمام شغلت الدوش وبقيت ابجي.😭😭

ساعه كامله ابجي على حضي وعلى هذا الرجل.

طلعت من الحمام رحت على الجربايه تمددت ونمت.

كعت الصبح .

لكيت حاتم كاعد كال من اليوم تبدين شغل وتنضيف بالبيت..كلت

ساره:اني بعدي باول يوم عرسي واني عروس.

كال..

حاتم: عروس ما عروس ماتمشي عندي هاي السوالف.

كومي شتغلي هذا الحجي مايهمني..

اني سمعت كلامه كلت عادي اشتغل..

رحت للمطبخ لكيت عمتي ام حاتم وزوجته..

عمتي:ساره غسلي البيت ..

ومرت حاتم تباوعلي وتخزر بيه..

عمتي طلعت بقينه اني وياهة.

مرت حاتم:تره حاتم يحبني ويموت عليه.
ولا تتوقعين يحبج هو تزوجج علمود الاطفال وبعدين يذبج بالمزبله..

اني كملت من غسل البيت ورحت لغرفتي..

ابجي على حضي وع قسمتي السوده الي تورطت بيها كلت خل اصبر والله يفرجها..

اني جنت بالغرفه كاعده شغلت التلفزيون اباوع جويل للتجميل..

فجأه دخل حاتم عليه وكال..

حاتم: اي عفيه باوعي تلفزيون واهلي يشتغلون..

سارة: والله كملت شغلي وعمتي كالت كملي غسل وروحي..

حاتم: اي وليش تصيحين..

ساره:اني مامصيحه اني هيج كلامي..

حتى وي اهلي..

حاتم: لازم اهلج مامربينج..

تره مو ابوج خليها ابالج..

ساره:شبي بابا افتر الانبار كلها ماتلكي واحد مثله واحسن منه..

حاتم: سكتي تره مالي خلكج..

ساره:كالي هيج وطلع..

اني انوب روحي طلعت يعني معقول عروس هيج يصير بيها هيج اول يوم..

اول يوم شغل ورزايل اختنكت حيل..

...نرجع لأمير...

امير: كاعد بالبيت وافكر بحبي الي ضيعته جنت ضايج حيل..

حتى بيت الشيخ مارحت..

وين جنت قبل يوميه هناك حتى اشوف ساره..

بس اذا اريد اروح هسه اشوف منو..

بس مرات اروح لبيت الشيخ لان يخابرني يكلي تعال ساعدني وجنت اروح...

ساره: صار الضهر وصاحولي حتى اتغده.

رحت اتغده لكيت حاتم بصف زوجته..

عمتي:تعالي عيوني هنا كعدي بيني وبين حاتم😟😟

رحت كعدت وهيه صارت تشاور بحاتم..

وتضحك..

واني اخذت على نفسي...

عمتي رزلتها كالتها شنو هالحركات
هي
تفشلت حيل ماتعرف شلون تضم نفسها😂😂

لان جان عمي كاعد وبنات عمي..

حاتم: يمه هاي مرتي وعادي تتشاقه..

ساره:اني كمت من السفره ورحت لغرفتي..

عمتي تصيحلي ومشيت وعفتهم..

سارة:رحت للغرفه افكر ..خلقه اخلاق شايفه نفسها..

رحت صليت وادعي ربي يجمعني باأمير يوم من الايام..

بس كلت بكلبي من يكول امير يردني بعد..

ساره: فتحت شعري ومددت ع الجربايه..

ماحس اله واحد جرني من شعري

حاتم: ولج شلون تكومين من السفره وامي اصيحج

وما تجين امي فوك الكل وذا سويتي شي بعد هيج..

اكسر رجلج وانعل ابوج لأبو تربيتج...

ساره:عوفني هاي اخلاقك خل اكل لبابا عليك..

هو يتصرف وياك..

حاتم: المن تكولين عيدي..

ساره: اني من شته هيج يحجي أيست من الحياة .

لان تورطت ورطه بس الله يكدر يخلصني منها

المهم.... طلع من الغرفة واني غيرت ملابسي وحطيت مكياج خفيف و

رحت كلت خل اساعدهم بالمواعين..

غسلت ورتبت المطبخ..

اجت عمتي كالتلي عفيه بنيتي سباعيه

ساره: عمتي تبين طيبه وجنت احسها جانت تحبني مدري عاد بس لان عروس..

لو صدك هيه زينه..

اني جنت ارتب بالمواعين

باوعت لكيت بيداء مرت حاتم تباوعلي..

شويه واجت كالت..

بيداء: ها لوكيه

كلتلها احترمي نفسج..

كالت اوفف لمته اجيبين الولد ونخلص منج

هيه من كالت هيج اني فرت من العصبيه..كلت

سارة: انتي لو بيج خير جا جبتي ولد صالج خمس سنوات

شو هاي كامت تبجي وراحت تركض..

و اني كملت شغلي ورحت ارتاح بغرفتي

رحت لغرفتي وكعدت مقابيل المرايه كلت لو اني هسه يم امير شي صير يالدنيا.

اوفف يادنيا😭😭

اتمنى يعجبكم البارت واسفه صارلي يومين مامنزله لان ماكو تفاعل حتى تصويت ماكو قليل صوتو شخسرانين 😍😍😍😍