ضمير الادهم بقلم أية محمد♥️⁩😍 مكتملة+ حلقات خاصة⁦♥️⁩😍

الفصل الثاني

في منزل رجل الأعمال منير الزاهد بعد إفلاسه يبدو عليه الإحباط
يجلس علي السفرة وأمامه ابنته الكبرى المدلله فرح وابنته الصغري ضمير تقوم بأعمال المنزل.
فرح:بابا عايزه اسئلك سؤال ؟
احنا ليه انتقلنا وجينا البيت ده بعد ماكنت عيشين ف فيلا نقعد في بيت زي ده  والجو هنا حار وكمان في حشرات
الاب منير: زي ما قولت قبل كده هنقعد فتره وهنمشي مش حكاية يافرح
ضمير: مالو المكان يافرح حلو اهو ؟
الاب شوفتي اختك الصغير موافقه
فرح: لكن انا مش حبه المكان وكمان مش عايزه اعيش هنا .
ثم تتحدث بانزعاج قائلة :
وغير كده مفيش خدم كمان ..... بابا مش قولتلي انك هتجيب خادمة جديده وزي ما انا شايفة مفيش حد جه.
الاب : لو عايزة حاجة خلي ضمير تعملهالك شاطرة وبتعمل كل حاجة
تنظر ضمير بانزعاج لوالدها ثم تتحدث قائلة: صح يافرح لو عايزه حاجة قوليلي وانا هعملهالك .
فرح: بس ضمير مش خادمة يابابا وده كتير عليها عشان تتحمل المسئولية دي
ضمير:متخافيش يافرح علي زي ما انتي شايفة بقدر اعمل اي حاجه .
الاب: شوفتي اختك مستعدة تعمل اي حاجة ازاي

فرح بصراخ : وانا قولت مش هعيش هنا ...فرح ما تعيش في أماكن زي دي
منير: مفيش مكان غير ده يافرح ...قولت مده وهنمشي
فرح بصوت عالي : ما تقول انك أفلست وبقيت علي الحديده وعايز تعيشنا في فقر مش ذنبنا احنا
منير يرفع يده ثم يضربها بالقلم علي وجهها قائلا بغضب: شكل دلعي ليكي خلاكي تنسي اللي بتتكلمي معاه يبئا ابوكي ...مفيش مروح لمكان تاني ويلا اتفضل علي اوضتك مطلعيش منها

تذهب فرح الي غرفتها وتجلس ضمير مكان اختها قائلة :
ضمير :ليه تعمل كده يابابا ؟ ليه تضربها ؟اول مره اشوفك بتضرب فرح... ممكن تقولها انك أفلست ومش معاك فلوس ؟ وهي هترضي 

الاب : هي مش قوية زيك ليه هي ضعيفه اووي ياضمير
ضمير: ودي حقيقه انا زي الحرباية بغير لوني في اي وقت وفي اي حاله
الاب: عشان كده المفروض تكوني انتى الكبيرة مش هى
ضمير: بابا كافية كل مره بتقولي كده... ياريتك انتي الكبيره وهي الصغيره ....بابا ياريت تصالحها هي ملهاش ذنب طول عمرها كل اللي عايزها بيكون موجود ادامها وانت مدلعها علي كده ادخل يابابا صالحها
............     ...........
يستأذن منير بالدخول الي الغرفة
يجلس بجانب ابنته التي تجفف دموعها
منير: متزعليش مني يافروحه انتي عارفه انتي ايه بالنسبالي اول فرحه شافتها عنيي .....وغير كده حد يقول لابوه الكلام اللي انتي قولتيه ......فاكره يافرح لما كنتي تقوليلي ....بكره يابابا هتجوز واحد زيك يكون شبهك طيب وبيخاف علي زيك....انا عملت كده خوف عليك انتي واختك ...بكره تعرفي ايه السبب فعشان كده عايزك تصبري شوية علي .....يلا فين الابتسامة الحلوه من فروحتي
تبتسم فرح قائلا: اسفه يابابا علي الكلام اللي قولته من شوية متزعلش مني
تدخل ضمير قائله: خونه .....وانا كمان عايزه ادلع مليش دعوه ثم تجلس في النص
منير : مالك يا سيد حد مزعلك ف حاجه ياصحبي..
ضمير: كده يابابا بردو بتقولي ياسيد طيب يلا انا زعلانه منك
منير: هو انا أقدر علي زعلك بردو ....
ضمير: ايوه كده ....اعترفوا انكم متقدروش تعيشوا من غيري
ثم يضحك منير وابنته فرح : طبعا منقدرش نعيش من غير اكلك
ضمير : بقا كده طيب....شوفوا مين هيعمل الاكل ليكوا ...

اي رايكم... لو عجبكم كومنت تشجيع أن أكمل⁦♥️⁩💓
لو معجبتكمش المسامح كريم 😂😂😂💜⁦♥️⁩⁦❤️⁩⁦♥️⁩