السلام عليكم...😊😊💕💕💕💕️
قبل لا ابدء البارت حابة اكول شي المايعجبة يقراء روايتي هو ممجبور كلولي اني جبرة احد حتى يقراهة اذا متعجبك الغي متابعتة ليش اتعلقلي ودكلي الرواية فاشلة وما اعرف ايش شني قلت الذوق هاي اذا متعجبك لا اظيفة لمكتبتك وبعدين الرواية ممنشور منة غير بارتين وهاذا الثالث فمن اشوكت صارت ملل اليحب يقراء اهلا وسهلا والمايعجبة هماتين اهلا وسهلا عندك تعليق حلو علق ما عندك غير النكد بعد عني انتو تعرفون اني شأمر بظروف حتى اكتب لا عبالكم انتو المرتاحين الناس كلة مثلكم مرتاحة
حب وأنتقام
البارت الثالث
بقلم كوثر...... القريشية
انت اخي الذي احبة كثيراً
فارجوك لا تتركني
مع افات هذه الحياة
انا بدونك اظيع
انت سبب بسمتي
كيف ستعيش الأخت بدون اخ
يسندها ويدافع عنها
ويحميها من اخ اخر تحبة وهو يؤذيها...
بقلمي... حال ورود....
قراءة ممتعة...
################################
ناول الطبيب الصاعقات للممرضة وغطة وجة عامر انصدم الكل ركضو لباب الغرفة ودخلو علية اما اني بقيت متجمدة ابمكاني حتى منزلت مني اي دمعة بس اباوع على بابا وماما وريكان شلون يحظنون بعامر ويبجون بهسترية... لا لا عامر ممات اكيد هذا حلم اي حلم عامر ميتركني وعدني ياخذني لخارج العراق رحلة وعدني يساعدني بدروسي ويشتريلي هواي شغلات وعدني بهواي شغلات كال اني ابقى وياج طول العمر وكسر ظهرة ليزعلج ولك عامر شلون تخلف ابوعدك شلون تتركني عامر هاي اني ورود اذا زعلت عليك اسوي كلشي حتى ارظى وياك بحيث حتى تركع وتبوس ايدي عامر لتتركني اترجاك........ ما حسيت غير برجلية اخذتني لغرفت عامر دخلت ومشيت على السرير واني امشي بكل هدوء عبالك شاياة شي وخايفة علية يتبدة ولمة صرت يمة شلت ايدي حتى المس وجها بس ريكان لزمة ليدي وسحبها بقوة وخزرني وهو بعدة لازم ايدي بس الغريب بالموظوع ما خفت هلمرة من نظرتة المرعبة يمكن اني مجنت ابوعيي لأن منو ميخاف من خزرت ريكان الحادة....
... بعدت ايدها ما اريدة تلمس اخوي هو مات بسببة خسرت اخوي الوحيد بسببة بس لمة باوعت الة اتفاجئة جانت اتباوع الية ابرود وكأنة شبح ما جانت ورود جانت جنة جثة هامدة بلا مشاعر بلا احاسيس باوعت لعامر موكعت منة حتى دمعة جانت اتباوعلة ابرود وكأنة متعرفة بعدين سحبت ايدة وطلعت من الغرفة تمشي على اقل من مهلهة جنة مومياء مع عصبيتي عليها بس خفت عليها اكثر من خوفي على امي وابوي....
###############$################
كامت وكفت كدام المراية خلة ايدها على خدها الظربها علية ريكان جان اكو اثر بس خفيف لعد شكد الظربة جانت قوية حتى بقت ليهسة مر على هذا اربعة ايام ما طلعت ورود من غرفتة حتى ماتواجدت بالفاتحة ومشافت ريكان وحتى ممنزلة اي دمعة ليهسة ولهالات السود جو اعيونة واضحة ومتاكل بس شوية كلش بعد اصرار امة عليها......
أنت تقرأ
حب وأنتقام
Romanceتتكلم عن فتاة تعيش بكنف أخيها الكبير فتكون فصلية بسبب أخيها اﻷصغر فتفترق عن حبيبها الذي عاشة معة قصت حب منذ الطفولة لتنتقل لبيت زوجها الذي يترك حبيبتة هو اﻷخر لﻷنتقام فهل الحقد ينتصر على الحب ام للقدر رأي أخر. .
