حب وأنتقام

البارت الرابع /واصبحة فصلية.

مرحبا السلام عليكم اسفة على التأخير بس والله جان جهازي ظايع من محرم وهستوني جبت غيرة اعذروني على التأخير وهسة راح ابدء وياكم بسرد الرواية ولتذكير الرواية خيالية مو من الواقع وهسة أخليكم وية الرواية....

حب وأنتقام..

البارت الرابع..

بقلم كوثر .....القريشية

تلك الأمال قد انهارت وانهرت انا معها متى أصبح ذلك الحلم الوردي كابوس اسود تبددت الأحلام وانتهت الأمال وأول شي قد خسرتة هو الحبيب...بقلمي حال امال..

#################################
أمال: شنو صار بديت أقلق شنو المبلغ الطلبوة للفصل؟
نقاء وهو ايباوعلة: انتِ ..
امال: باوعتلة بصدمة درة نظري لأحمد وكعت ادموعة مسحهن بسرعة قبل ليلاحض احد ..شنو اني تقصد ...اكون فصلية؟!
الكل بقة ساكت
أمال ودموعة على وجهة: عمي ابو احمد ماكو حل ثاني
ابو احمد: آسف بنتي بس من كعدتنة الأولى كان هذة الشي واحنا كنة انماطل وياهم بلكي ايغيرون رايهم بس فشلت كل محاولاتنة اخو المقتول مصر على الفصلية متركولنة اي خيار.
امال: كعدة على الكرسي بانهيار وبصدمة كبيرة فهمت ليش كان نقاء ينظرلي بألم هستوني فهمت ليش أحمد كلما اتصل بية يبقة يبجي بين ما تايهة بأفكاري اتقدم نقاء ناحيتي ونحنة علية ومسك ادية بأدية باوعتلة والدموع تغزو وجهي والحال نفسة عندة 
نقاء: لتخافين حبيبتي مراح انطيج ألهم لو كلشي صار حتلو خسرة حياتي مراح اخليج ادفعين ثمن شي انتِ ممسويتة
أمال : لا نقاء مراح اخليك اسوي شي ممكن يحرمني منك اني اموافقة اكون فصليتهم ..
احمد بغضب: بس يا امال هذا.......
امال وهي اتقاطعة: ارجوك احمد طلع سيف خارج العراق ويمكن مراح يرجع فما اريد اخسر نقاء هماتين .
نقاء: لا ابد مراح اتكونين فصلية لأي انسان انتِ بنتي ومراح اخلي انسان ايأذيج .
امال وهي تمسك ايدة: ارجوك نقاء خلي الأمور تسير مثل ما لازم ايكون ولا تخاف علية راح الكالي مكان بقلوبهم وراح اخليهم ايحبوني صدكني راح اكون بخير احنة بعصر متقدم فما اعتقد راح ايعاملوني مثلما ايعاملون الفصلية بالزمن القديم ما اعتقد راح ايكونون متخلفين لهذا الحد ..
نقاء: اذاً شلون راح ايكون هو مجرد طلبو فصلية هذا تخلف بحد ذاتة ..
امال: ارجوك نقاء اترك الموضوع يمشي كما هو ما اريد اخسرك ..
ابو احمد: كافي نقاء راح ايصير مثلما يردون ما عدنة حل ثاني ..
باوع احمد لنقاء على امل ان ايكول شي بس نقاء بقة على سكوتة ...
...هذة هراء ..كالة احمد بغضب وهو يطلع من البيت ..
باوعتلة امال بحزن وألم هاهي تخسر كلشي حبة عائلتة وكل احلامة ومو بطريقة عادية حتكون فصلية وممكن تخسر دراستة هماتين....

ريكان: كافي نهى الموضوع مو مثل ممفكرة..
نهى بعصبية: لعد شلون حيكون وانت حتزوج من بنت غيري ...
ريكان: راح اتكون فصلية لا اكثر ولا اقل افهمي عاد .
نهى: شنو هذه التخلف ريكان احنة بأي زمن انعيش .
ريكان: اعرف بهذه الشي راح اكون متخلف ونظرتج الية راح تتغير وأوكع من عينج لاني اسوي ابنت هشكل بس لازم اعذبهم مثلما عذبوني وحركو كلبي بقتل اخوي عامر مراح تطفة النار البداخلي الا من اشوفهم مذلولين متعذبين واني راح اعذبهم ابنتهم ..
نهى: تغيرة اهواية ماعدة ريكان ذاك الحنون الطيب صرت شخص ثاني شخص اناني هي مقتلتة هذه الشي مو عدل ميصير تدفع ثمن شي هي ممسويتة انت تظلمة يمكن عندة حبيب يمكن عندها مخططات اتريد اسويها ابحياتة وانت راح اتحطم كل شي مو صح الراح اسوية انت هشكل مو بس تظلمة انت كاعد تظلم نفسك وتظلمني وياك اني ما اريد اخسرك .
ريكان: مراح اتخسريني اني احبج انتِ وبس وعلاقتي بيها حتكون محدودة ومراح ألمسة الا لتعذيبة اني اوعدج ..
نهى: اني مطمأنة من هاي الناحية بس مع هذه اني ما أكدر اشوفك وية بنت غيري ليش مو راظي تفهم .
ريكان: ارجوج نهى انتِ افهميني ارجوج لصعبين الأمور علية اكثر من ماهي صعبة وعلاقتنه حتكون مثلما هي ارجوج لتتخلين عني افهميني .
نهى بعد صمت: طيب بس اني مراظية راح اقبل بس لخاطرك بس لتخلي الموظوع ايطول انت تعرف اني ما انتظر اهواية .
ريكان: طيب الج هذه .
نهى: طيب باي ...