السلام عليكم
قراءة ممتعة
حب وأنتقام
البارت الثاني
الكاتبة. ....كوثر. ......القريشية
البارت غير مراجع
###############################
أمال : جنت أحجي وية أحمد على حياتنة بعد الزواج ووين راح يكون شهر العسل فلفة انتباهي صوت نقاء كان ايصيح بعصبية .....باي أحمد اخابرك بعدين.
.....ليش شكو؟
.....ماكو شي بس اسمع نقاء ايصيح ابعصبية اشوفة وأرجع اخابرك. .
....اوك حبيبتي لا تتأخرين راح أبقى أنتظر.
...اوك حبيبي باي .
أنهيت الإتصال وية أحمد ونزلت حتى اشوف اصاير لكيت ماما ونقاء وسيف واكفين بالصالة وملامح وجوههم مطمن.
أمال بقلق:شكو نقاء ليش اصيح صاير شي؟
باعو ألة ثلاثتهم بدون ميحجون. .
آمال :شكو شبيكم ليش متحجون. ؟
أم نقاء:ما أعرف ماما حتى اني أسألهم ومد يحجون ونقاء ظرب سيف على وجهة وبس يحجي علية. .
أمال :شكو نقاء ليش ظربت سيف؟
نقاء بغضب:أسألية وهو يحجيلج.
أمال وهي تباوع لسيف :احجي سيف شمسوي حتى نقاء يظربك. .؟
محجة سيف بس جان قلق وخايف ....
أمال :احجي نقاء اصاير اعصابي متتحمل؟
نقاء :اخوج المدلل قتل شاب ..
عم السكوت ماينسمع بس صوت النفس فز الكل على وكعت أم نقاء على القنفة ركظو اتلاثتهم ألها وهم يحجون وياها ويصحون بيها ...فتحة عيونة وباوعة لسيف ووكعة ادموعة
....شلون صار هشكل شلون سيف قتل شاب مافهمت يوم فهموني. .
نقاء :سيف ايحب بنت وجان رايح حتى ايشوفة ابيت اهلها وشافة اخوهة فتعاركو وحاول قتل سيف فتلاوة سيف وياه على المسدس وتصوب الولد.
أم نقاء : وهسة الولد مات؟
سيف :ما ادري بس الرصاصة أجتة ابصدرة.
أمال:ياربي هسة شراح اسوي نقاء؟
محجة نقاء هم ابمصيبة كبيرة والخلاص منة بسلامة شي مستحيل. .
########:#######################
ورود:اجة حتى يشوفني مع اني منعتة بس هو مسمع مني وأجة وشافة اخوي عامر وتاعركو وحاول عامر قتلة بس هو الصوب عامر طلع الكل على صوت الرصاصة هرب سيف ولحكة ريكان وحنة نقلنة عامر للمستشفى وهو هسة بغرفة العمليات وحنة ننتظر بالممر وية اقاربنة وريكان مرجع للأن اني خايفة يمكن لزم سيف اني ما أريد خسارة اخوي وحبيبي سوة. ...
طلع الدكتور ركض الكل علية حتى يتطمنون على حال عامر وإني من بينهم
والد ريكان:ها دكتور بشر. .
الدكتور :أبنكم حالتة حرجة وبأي لحظة أيموت ﻷن الطلقة لايحة قلبة. ..
انصدم! الكل من كلام الدكتور وسودة الدنية بوجوهنة. .
أم ريكان بترجي :الله يخليك يمة سويلة جارة اكيد اكو علاج ايشافية يمة لا تحرك كلبي. ..
الدكتور :والله يايمة سوينة كلشي أنصحكم اجهزون لجنازة أبنكم اني ما أريد انطيكم أمل كاذب ما أريد اكذب عليكم وكللكم هو ابخير من واجبي اكللكم الحقيقة وذا تردون ادخلو شوفوة للمرة اﻷخيره قبل ليفارق الحياة. .
كال الدكتور العندة وتركنة وراح الكل منهار من كلامة وإني راح اتجنن وفوك هذا ريكان مرجع ليهسة يمكن لزمة لسيف واخوي راح أيموت ابسببي هسة ألوم بابا ﻷنة رباني بين أولاده ياربي راح اموت ما اكدر اشوف بابا هيج يتألم ومنكسر وكل هذا بسببي هو سوالي عائلة ومستقبل وإني رديتة ألة بهاي الطريقة اني كسرتة يا الله أخذ عمري ....
أنت تقرأ
حب وأنتقام
Romanceتتكلم عن فتاة تعيش بكنف أخيها الكبير فتكون فصلية بسبب أخيها اﻷصغر فتفترق عن حبيبها الذي عاشة معة قصت حب منذ الطفولة لتنتقل لبيت زوجها الذي يترك حبيبتة هو اﻷخر لﻷنتقام فهل الحقد ينتصر على الحب ام للقدر رأي أخر. .
