ايام صيف والدنيا حاره ناررر وكاعدين نحضر للعرس ونعزم وخبصه .. جان باقي للعرس بال٤ ايام ٥ هيج تقريباً .. طبعاً الحنه كالوا تصير ببيت عمي بس الزفه يمنا .. والكل يحضر غراضه واحتياجاته للعرس واني هم حضرت كولشي بس انتظر العرس يجي.. واجه يوم الحنه الكل جان كاعدين من الصبح اني كعدت حضرت ملابسي وغراضي وانتظر شوكت يخلصون حتى نروح لبيت عمو وطبعاً خبلت امي كل شويه سالتها شوكت نروح شوكت نروح ونفس الجراب بعد مو هسه 😂 صارت بال١١ جان تجي عمتي الجبيره الي هيه مرت عمو الجبير هيه وابنها عمر اجوا علينا حتى ياخذون غراضنا بدربهم طبوا كعدوا بغرفه امي واني كعدت كبالهم ع الدرج لان هيه غرفه ماما تصير مقابل الدرج .. اباوع عليهم بس ماطب يمهم لان اضوج من عمر يعيل بيه ويضوجني لو يضل بس يعيب واني اتخبل منه بس للصراحه هوا كلبه طيب وعلى نياته وماعده اذيه على احد بس عليه 😒😂 هوا جان يباوع عليه جان يكول عمر : ها ام خشم ..متجين تسلمين بحلكج عضم باوعت علي بطرف عيني ودرت وجهي عنه ومرديت لان ادري لو اجاوبه رح يضل يحجي وهوا يريد يضوجني عفته .. بس هوا حتى لو ما اجاوبه ضل كل شويه وذابله حجايه واني هم ضليت ساكته بس بالاخير نفجرت بي 😂😂 لان ضليت افور افور واني طبعي عصبيه اصلاً وساكتتله صار هواي ضليت احجي علي واقلد واعيب وما خليت شي محجيته وهوا هم يردني ويضل يعيب بس بالنهايه حجيت على خطيبته وهوا كولشي ولا خطيبته نقطه ضعفه كولش يحبها 😂 حجيت عليها هوا تخبل هههههههههه جنت وصاعده ع الدرج وهوا جوا الدرج فاكو سله يمي شمرتها علي وشردت 😂😂 بس هوا متوجع حرامات وهوا هم عافني بالاخير عمه صاحتني كالت تعاي ويانه للحنه هناك اخليج يم البنات معليج بعمر اني هم كيفت وجبت غراضي وفتت من يمر عمر والاوعله بنظره انتصار هههههههه .. رحنا لبيت عمي وجنه كاعدات اني وبت عمي ومنسمع الا فجأه صوت ديجي عاد رحنا نشوف .. فتت لغرفه اختي نور الولد كلها تركص ههههههه والبنات كاعدات صافنات عليهم كعدت وياهن وضليت اباوع عليهم منفعلين جانوا خطيه 😂😂 .......... صار العصر وبدينه نحضر روحنا اني شعري طويل زين وسرح هم بس سرحته اكثر ولبست بنطرون وتشيرت حلوات اني هذا طبعي بالملابس ماحب البس نفنوف وهيج وماحطيت مكياج طبعاً بس حمره خفيفه ومسكاره شهلاء لبست فستان حاو وضلت تفتر بي كدامي وتغور بيه عود و اني اصلاً مستحيل اغار من احد بس هيه خطيه من هيه وصغيره مغروره شويه ضحكتلها ليان : بالعافيه يلا خل ننزل جوه يمهم نزلنه يمهم جانت الناس كلها ملتمين وهيج بس اني ضليت كاعده ومحبيت اتحرك اخاف احد يسمعني كلمه واني بسرعه انقهر رحت للمطبخ وشافتني اختي نوره(اختي الجبيره) نوره: هاي شنو ليس تارسه وجهح مكياج ؟! ليان : ضحكت وكتلها والله محاطه بس حمره ومسكاره نوره : يي يلا نجبي وروحي غسلي وجهج ليان: صار طبعاً اني حيلللل نقهرت من الداخل بس مبينت .. لان مو بس اني حاطه وهيه نوره كولش تعاملها قاسي ويايا يعني الا من كبرت الا بطلت قساوه ويايا واني لحد هسه هذا عمري ١٦ واني احس اكو فراغ بداخلي مشفت حنيه منها مع انو هيه اختي الجبيره صح اهلي موجودين ومعوضيني بس ماحس هالفراغ الي بداخلي ينملي لان ما حسسوني بالحنيه واني طفله بيت اختي او بيت جدي القريبين عليه بس جان بابا هوا هوا كولشي بالنسبه الي صح ماما موجودي بحياتي بس مو مثل ابويه جان بابا معوضني عن الكل .. ... خلصت الحنه بخير وسلامه بس هوسه والدنيا مكلوبه حتى الشارع متروس عالم وناس يعني والله مادري شوكت ناوين يرحون .. واني صراحه تعبت واريد ارجع للبيت ومنكدر نروح هسه فشله من الناس ورااا سااااااعه يلا كالوا يلا راح نروح اني كيفت عاد كمت بسرعه لميت غراضي وملابسي كالوا رح يجن عماتي ويانا عمه سعاد وعمه كريمه عمتي سعاد جانت علاقتنا قويه بيها بس بيتها رجاء مو كولش لان منتشاوف هواي واني كيفت لان رح يجون يمنا ع مود رجاء بت عمه سعاد لان كولش احبها المهم وصلنه للبيت ورحنه فرشنه لعماتي واخذت رجاء لغرفتي حتى تبدل براحتها 😂 وطبعاً هيه اجتماعيه فبسرعه قوت علاقتنا كعدنا ع الفراش وضلينا نسوف ونتشاقه وهيه تحب الاشعار وهيج شويه وكالت رجاء : خل اقرالج شعر ليان : يلا اقري واني اسمع هيه قرت شعر واحد وجرتهن شعر ورا شعر ساعه اضحك على الشعر مالتها وساعه استمتع حسب يعني 😂 بعدين نعسنا ومدري شلوون نمنا ... صار الصبح بيوم العرس .. نكلبت الدنيا .. هوسه وعالم كومه وعماتي يحضرن الغراض للطبخ لان جابو طباخ يطبخ... كعدت اصفط الفراش اني ورجاء .. ونعزل الغراض .. حتى متصير هوسه .. رحت سبحت وبدلت... وحضرت. نفسي .. وننتضر الزفه .. اشو العريس متعارك وميقبل يروح للزفه وقافل باب الغرفه عليه. وكاعد. . وماضل واحد ماصعد ودك .. الباب. وبل تواسيل يله نزل .. ورحنه للزفه... لبغداد جديده وكل شويه والولد واكفين .. وراكصين بل شارع وهوسه واغاني طبعاً .. اني شتريت البخاخ ليرشونه بس ماعرف اسمه صراحه .. لمهم .. شتريته وضميته محد يشوفه كل ماشوف واحد.. من ولد عمي لو اخويه علاوي .. ارش عليه اغرك .. وجهه خباثه 😂 من نزلت من السيارة تعاركنه ..وخذه مني حرامات .. لمهم اخذو العروس .. ورجعنه .. وهم سووا هوسه الولد ورجعنه للبيت .. وامي تلكتها كاشخه وتهوس .. طبعن ذبحوخروف ..وناس ملتمه .. وركص .. واغاني لحد ما خلص العرس .. صار الصبح وجني عماتي وعمامي جابو الريوك نزلت العروس اصير بنت عمتي .. نزلت العروس اسلم وجان تعثر وتكلب المي خطيه ابويه كال جيبي وصله ومسحي .. طبعن رحت جبت وصله ومسح .. خرب جنت رب الفهاوه جنت فد فاهيه كوه امسح 😂 .. واشيل المي واعصرها بمكانه ههههه ورجع امسحه. . وضليت لحد مانتبهت كوله تباوع عليه .. يبو . بل اخير اخذتهن عمتي من يمي ومسحته .. .......................................... مر اسبوع على زواج اخويه .. طبعن اني علاقتي مو قوية ويا نسوان اخوتي .. شي قليل .. لأن اني دائمن معتزله .. بل غرفه الفوك .. لو اقرأ .. لو ارسم . طبعن مستويه . تحسن بل دراسه لأن اني عتمدت على نفسي .. وماروح على احد اذا اكو شي ضروري ومحتاجه ............................................... 2015 .. ستلمت الشهادة ناجحه ودرجاتي كولش زينه .. صح جان يصف الاول .. مستوايه .. مو زين .. بس جنت اقرأ بكل جهدي .وجنت دائماً اطلع ناجحه . ................................. ورا عرس اخويه. . بشهر . امي كامت .. تتخربط .. وتتقيئ .. راحت للدكتورة .. لزم عمليه .. شيل بيت الرحم.. طبعن نفسيته تعبت . حيل وقلق . وتوتر صار عدها وحاله نفسيه لدرجه .. واني من اشوفه هيج اموت قهر ..
اجه موعد العملية راحت وسوت العمليه بسلامه الحمد لله .. ورحت اني واختي فاطمه حتى نشوفه بالستشفى نزلت واباوع على العالم فتنه جوه دخلونه شفناها وطلعنه والحمد لله جانت زينه .. وكالو راح يخرجوها . بعد شكم يوم رجعنه للبيت واني معتزله عن كولشي احس ماكو واهس بل بيت وفرحه مابي جنت افرغ همي وحزني بل رسم ..شويه احس ياخذني لعالم ثاني .. عالم خيال عالم غير عن العايشته انسه كولشي بي اني مجرد بس اركز .. بل شي الي يجي ببالي .. ارسمه ..وهاي بالضبط الرسمه الرسمتها بذاك الوقت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
