صار ليل اجوي من البيت الولد جانو يبنون ويساعدون العمال .. خطيه اجونا هلكانين من التعب .. اني جنت كاعده على التلفزيون جان بوكتها شهر 8 بس بدايته جان الجو شويه بي بروده خفيفه حلوه
حاطه الجهال يمي ومكعدتهم لأن وكحين حيل فاخاف يتعاركون اني يمهم . جنت حاطه نور بحضني ولعب بيها لأن كولش احبها واني لي ربيتها
وهيه تشبهني هواي ضلو يبنون بالبيت ومرا هناك يم البيت لي يبنون بي .. جيرانه يصيرون كرايبنه بس اني ماعرف احد عزمو امي وابويه ..صار الصبح راح للنهروان امي وبويه ..
ضلو لليل يله رجعو اجو تلكيتهم برا ابويه علمني كل ما يجي اتلكاه وانطي مي قبل لا يفوت للبيت تلكيتهم ونطيتهم مي ..
فاتت امي وباوع عليها شايله جدريه بيدها كتله شنو هاي هديه وكمت اضحك عليها..
امي : هههه اي ولج هديه روبه .(زبادي) هناك يسون بديهم الروبه والجبن والبن عدهم حلل يعني( دجاج وحيوانات .) ..
ليان : اي الحمدالله خوش اول مرا اشوف هاي الأشياءشلت الفواكه جايبين وياهم شلتهن وفتت للمطبخ
تلكتي مرت اخويه وضاح ..
الاء :ها ليون أجوي ؟
ليان :اي حبيبه أجوي
فتت ذبيت الفواكه بل مطبخ ونزلو الجهال من فوك صارت ملخ وهوسه سوينه عشه وتعشينه وضلت امي أسوالف لنسوان اخوتي على الجيران وعلى المنطقه بين قوسين امي عجبها العيشه هناك لأن تحب الطبيعه
والحيوانات وهاي السوالف
.. مال (اهل قبل)
بس اني ولا قتنعت ولا حبيت نو نشيل ابد
............................................................
2017 / شهر /9 . جان عاشور
بيت عمي سوو قرايه ورحنه كولنه
بدت القرايه واشوف امي كامت تلطم وتبجي وترجف
طبعن اني صابتني الرجفه بوقتها شنو شبيها امي !!
اشوف عمتي واختي نوره سحبن امي وطلعنها وهيه تدفع بيهن بس همزين محد نتبه لأن جانن ملتهيات بل لطم بس ضل بالي شكوو !!
رحت بسرعه وراهن طلعت فتت بل ممر ..
لكتني هندا مرت ابن عمي ..
ليان : هندا وين امي ونوره ؟
هندا: بالغرفه مال نوره فاتن بس لا تفوتين نوره متقبل ترزلج ..
عفتها وراحت للغرفه فتحت الباب وفتت.
باوعت اشوف امي لفينها بطانيه وترجف وصيح باردها
وجهت نضري على نوره اكوللها بنظرتي شبيها امي ؟؟
باوعت عليه .. نوره وجان تكولي اشششش مابيه شي ..
ليان : ماشي ضليت يمها ماطلعت لان خايفه تدفع بل بنات وتكوللهن وخرن لا تجي يمي ..
اني هاي السالفه ضلت بالي ..
ورا القرايه امي كامت كل ما تسمع لطميه لو باسم الكربلائي اصير بيها هاي الحاله
ورا سبوع راحت امي وعمه فوزيه مرت عمي للثوره راحن على وحدها تكشف وعدها خير من الله يعني مؤمنه لدرجه ..
رجعو بس ماحجو شي ..
ورا مدري شكد عرفت انو امي بل بدايه عاثرها بل مكبرها من رحنه رحت ازور كبر جدي وعاثره وكالو دايسه بس ماعرف شنو
بعدين صارت علويه طريحت الامام علي .(ع) ..عدنه وراثه احنه عمتي علويه هم طريحت الامام العباس ..(ع). .
بل عشره محرم .. صارت دنيه ليل فرشت فراشي وريد انام كنت انام بالهول اني واخويه علاوي حطيت راسي ونمت. .. بال (رؤيه يعني حلم) بالامام الحسين (ع)
عود يفتر على العالم وكل بيت يضل بي يوم واحد .. ويبات بل ستقبال اجه لبيتنه ستقبلنا
فات للستقبال . وجان اشوف بل ستقبال شنون الشباج مال حضره وبي باب
فات فتح الباب وشفت اكو ميز وركرسي
من ذهب وكتب موجود فوك الميز
واشوف ابويه جاب صينيه بيها ماعون وخاشوكه وكلاص كولها من ذهب وحطها ضل يمنه يوم كامل وثاني يوم راح لبيت عمي
هم نفس الحاله هم اكو بل ستقبال شنون الشباج من ذهب
فات وجان عمتي رسميه اخت ابويه وهندا مرت ابن عمي فاتن عليه جوه اني لحكتهن اريد اشرف وجها .. فاتن هنا واني هستوني جي افوت جان انسحب ..وكع بل كاع ونسد الباب بوجهي
برا شويه طلعو عمتي ومرت ابن عمي متخربطات فتحت عيوني الصبح ..
احس نفسي فاصله عن العالم .. اباوع عبالك بعدني بل حلم
صليت على النبي (ص) وكمت خسلت وسولفت الحلم لمي بس ماكالت شي كالت ليوم روحي اختج نوره هيه تفسر احلم
رحت على نوره ورا ماتريكت وداني علاوي وصلني ورجع ..نزلت سلمت عليهم وفتت جوه شفت نوره .
نوره .. ها مريم جيتي خابرتني امي كالت مريم راح تجيج حلمانه بل الامام الحسين وفسريلها لحلم..
ليان : اي والله ليوم حلمت
رحت وراها امشي فتت للغرفه مالتها
هيه تعزل واني اسولف لحد ماخلصت
جان مادري شنو كالتلي كلمه ابد ماحفضتها شكد ردتت اذكر بس ماكدر ..
ضليت يمهم تغديت ورجعت للبيت كمت رسمت صورت الامام الحسين شي احس دفعني انو ارسم صورت الامام الحسين ...................................
وضلت امي كل ما تسمع باسم لو سيرت الامام الحسين اصير بيها هاي لحاله ..تكوم تتأثر بموت الامام الحسين صار الربعين الامام وجان بنفسي اروح .مشايه كوه قنعت ابويه وامي ورحت ويا مرت عمي محمد
جي احضر بملابسي ..وعلاوي يفوت ويطلع بخت بخت ام خشم راح تروح
اجه عمي وابن اختي مسلم اجوي ياخذوني ابوت يمهم حتى من لصبح نطلع راحت وياهم الصبح طلعنه باردها كوه كمت شلت غراضي وشلت الرايه وامشي ويا عمتي ماعفتها ابد
كمنه نركب مرا سيارها ومرا لا نمشي
واني ابد ما حطيت شي بلكي نفسي تلعب من الاكل اني من اطلع ابد ماكل. شي وصلنه لموكب بيت جيران بيت عمي فتت جوه اباوع عليهم امبين من وجوهم نحسين بشكل وصدك مو جذب طلعو نحسين 😂 فديت طلعت اقرأ الوجوه صحيح
ضلينه يمهم يومين بالاخير نادري شمسمعين عمتي وضاجت وخذتني وطلعنه طبعن مو بس اني وعمتي فوزيه لا عمتي رسميه هم ويانه وصديقت عمه فوزيه هم
رجعنه بل طريق كالت عمتي خلي نروح لموكب بيت اهل مرت عمي ام شهلاء
رحنه عليهم ..فتنه جوه جان موجوده شهلاء بنت عمي وعمي ومرت عمي .. وعمتي سعاد هم جانت موجودها ..جانت جايه هيه ومحمد ..فديته
فتنه جوها ..ذبيت غراضي وهاي لفاهيه وياي شهلاء ..
شهلاء .. هلو ولج شلونج شعجب جايه مشايه ..
ليان : اي والله الله هداهم وخلوني اجي ويا عمه فوزيه !
شهلاء : اي لعد راح اونسج هسه اعرفج على بنات خالي ..
اكولج عوبه حبيب لكلب هنا حمودي اجه هو وعمه سعاد هنا ولج صاير يجنن
ليان : من كالت هيج شهلاء لطمتها على راسها نجبي لج احسلج ترا اموتج والله شنو يجنن اشو متستحين انتي عوبه
شهلاء :كبر شبيج شكلت هسه قابل شراح احسدها لو احبه والله يالله
ليان : دنجبي وروحي جيبيلي اكل جوعانه مامكاله ميته جوع ..
